Shair-O-Shairi (Poetry) Thread

[anilnaqvi]

Zamaney ki gard nai lakh chaha meri rawish ko badalna
mein munfarid tha hamesha apnoo sai juda nazar aaya

zamaney nai lakh chaha apney hunar mujh ko sikhana
mein tu sada ka baghi tha kabhi pasti ki janib na laut paya

zamaney nai lakh chaha meri uraan ko shikaney main kasna
Mein woh panchi rha jo pinjrey main na phir kabi laut paya

zmeney nai lakh chaha apney adab e mehfil sai ashan karna mujhe anil
mein tu khud sar tha sada ka apni bhi tamana na khud sai karpaya

Regards:
Anil Naqvi

[uaeimran]

@anil and c123

dudes, lovely poetry yaar, now i dont need to find any poetry site for my aham aham you can understand na

great (Y)

[Friendly_Angel]

@naqvi: ap koshish kijiye apne amal se mashra badalne ki, kamyabi ho tu bataiye ga, we will join u. warna ap bhi akele rehne ke dar se is mashre ka hissa hai, no offence

ye jis mashre me hum reh raha hai jo reeti rawaj nibha rahe ha wo hame tohfe mei he mile aisa he hai sub bars ha bars se.

---another one---

zamaanaa aaj nahiin Dagamagaa ke chalane kaa
sambhal bhii jaa ki abhii vaqt hai sambhalane kaa

bahaar aaye chalii jaaye phir chalii aaye
magar ye dard kaa mausam nahi badalane kaa

ye Thiik hai ki sitaaron pe ghuum aaye hain
magar kise hai saliqaa zamee pe chalane kaa

[Friendly_Angel]

har ek ruuh me ek Gam chhupaa lage hai mujhe
ye zindagii to koii badduaa lage hai mujhe

jo aansuu me kabhii raat bhiig jatii hai
bahut qariib vo aavaaz-e-paa lage hai mujhe

main so bhii jaaun to merii band aankhon me
tamaam raat koii jhaankataa lage hai mujhe

main jab bhii us ke Khayaalon me kho saa jaataa huun
vo Khud bhii baat kare to buraa lage hai mujhe

main sochataa thaa ki lautuungaa ajanabii kii tarah
ye meraa gaaon to pahachaanaa saa lage hai mujhe

bikhar gayaa hai kuchh is tarah aadamii kaa vajuud
har ek fard koii saanehaa lage hai mujhe

[anilnaqvi]

Hum main azam hai hosla hai zmaney ko badalney ka
durr seher sahi azam saath hai andhero ko badalney ka

hum akeley hi sahi hum apney aap main ek kayanat rakhtey hai
baat itni hai k aaj bhi bezameero main hum zameer sath rkhtey hai

no bhoolo jo log hosley sai asoolo k saath chaltey hai
asey hi log hai jo agey is mashrey ki awaz bantey hai
Regards:
Anil Naqvi

[Friendly_Angel]

jab lage zaKhm to qaatil ko duaa dii jaaye
hai yahii rasm to ye rasm uThaa dii jaaye

aghhhh cant find the whole thing.

[c123pk]

Tu Shaheen hai basera ker chahtanoon key paharon per !

[c123pk]

I miss the thread starter mr. s55

[bilal49er]

good

[c123pk]

Tis i wrote when i was a child :

Mein Shayar tou nahin
Magar aye Haseen
Jab sey dekha Tujhay
Shayeri a gayee

[Beautiful_Soul]

@ c123pk

^thats one of my favourite song

[Friendly_Angel]

@c123pk
shaheen to hai, ap chahtanoon k paharon ka bandubast karen.
keep missing s55, hope jaldi ajai ap se milne.

aur hamesha k jese very original number shayer bhai

[Friendly_Angel]

jab lage zakhm to qaatil ko duaa dii jaaye

jab lage zakhm to qaatil ko duaa dii jaaye
hai yahii rasm to ye rasm uthaa dii jaaye

tishnagii kuchh to bujhe tishnaalab-e-Gam kii
ik nadii dard ke shaharon me bahaa dii jaaye

dil kaa vo haal huaa ai Gam-e-dauraan ke tale
jaise ik laash chattaanon me dabaa dii jaaye

ham ne insaanon ke dukh dard kaa hal dhuundh liyaa
kyaa buraa hai jo ye afvaa uraa dii jaaye

ham ko guzarii huii sadiyaan to na pahachaanengii
aane vaale kisii lamhe ko sadaa dii jaaye

phuul ban jaatii hai dahake hue sholon kii laven
shart ye hai ke unhe khuub havaa dii jaaye

ham se puuchho Gazal kyaa hai Gazal kaa fan kyaa hai
chand lafzon me koii aah chhupaa dii jaaye

[Friendly_Angel]

her aik ansoo gawah hai us ki bewafai ka
her aik zakhm saboot hai us ki be-itnai ka
wo keh k chalte bane k bhool jana hame ab
rukti sansein kya saz banti hai shehnai ka

aghhhh again cant find the whole thing,hehehehe l8r

[Friendly_Angel]

aarazuu hai vafaa kare koii

aarazuu hai vafaa kare koii
jii na chaahe to kyaa kare koii

gar marz ho davaa kare koii
marane vaale kaa kyaa kare koii

koste hai jale hue kyaa kyaa
apane haq me duaa kare koii

un se sab apanii apanii kahte hai
meraa matalab adaa kare koii

tum saraapaa ho suurat-e-tasviir
tum se phir baat kyaa kare koii

jis me laakhon baras kii huurein hon
aisii jannat ko kyaa kare koii

[Friendly_Angel]

dil ko kyaa ho gayaa Khudaa jaane
kyon hai aisaa udaas kyaa jaane

kah diyaa main ne haal-e-dil apanaa
is ko tum jaano yaa Khudaa jaane

jaanate jaanate hii jaanegaa
mujh me kyaa hai abhii wo kyaa jaane

tum na paaoge saadaa dil mujhasaa
jo tagaaful ko bhoi hayaa jaane

[anilnaqvi]

seecha jis rishtey ko hum nai khone jigar k saath
chubha usi phool ka kanta hamarey jigar k paar

kartey thai jo log hum sai ahdey wafa jafa k saath
chura gaye ek pal main hum sai nazrein ada k saath

buney thai jo sapney hum nai har ghari un k saath
ek pal main sab diye bujhaye is nai saza key saath
Regards:
Anil Naqvi

[Friendly_Angel]

Gam se kahiin najaat mile chain paaye ham
dil Khuun me nahaae to gangaa nahaaye ham

jannat me jaaye ham ki jahannum me jaaye ham
mil jaae tuu kahiin na kahiin tujh ko paaye ham

[anilnaqvi]

[highlight]
"Tujh Tak Pohanchney Ki Chah Nai"

Tujh Tak Pohanchney Ki Chah nai
Bund rahoo key meri qufl khol diye

Mushkilo mein ghira main kabhi akela tha
Hosley nai trey merey bund darr khol diye

Anjaan tha main kabhi khud apni uran sai anil
terey ek saath nai meri parwaz k bandh khol diye

Berung thi zindagi tanhaiyoon mein ghira tha mein anil
Teri chahhat nai merey gird zindagi k rung Ghoal diye

Regards:
Anil Naqvi
[/highlight]

[Friendly_Angel]

Na jaao haal-e-dil-e-zaar dekhate jaao

na jaao haal-e-dil-e-zaar dekhate jaao
ki jii na chaahe to naachaar dekhate jaao

bahaar-e-umr me baag-e-jahaan kii sair karo
khilaa huaa hai ye gulazaar dekhate jaao

uthao aankh na sharmaao ye to mahafil hai
Gazab se jaanib-e-agayaar dekhate jaao

huaa hai kyaa abhii hangaamaa abhii kuchh hogaa
fugaan me hashr ke aasaar dekhate jaao

tumhaarii aankh mere dil se besabab-bevajah
huii hai larane ko tayyaar dekhate jaao

na jaao band kiye aankh raharavaan-e-adam
idhar-udhar bhii Khabaradaar dekhate jaao

koii na koii har ik sher me hai baat zaruur
janaab-e-Daag ke ashaar dekhate jaao