Shair-O-Shairi (Poetry) Thread

[c123pk]

ok good whoever you are if your a femaal your mah sistah, if your a maal your mah brotha

[Beautiful_Soul]

Main khayaal hun kisi aur ka mujhe sochta koi aur hai

main khayaal hun kisi aur ka mujhe sochta koi aur hai
sar-e-ainaa meraa aks hai pas-e-ainaa koi aur hai

main kisi ke dast-e-talab men hun to kisi ke harf-e-dua men hun
main nasiib hun kisi aur ka mujhe mangata koi aur hai

kabhi laut aayen to na puchanaa sirf dekhanaa barai ghaur se
jinhen raaste men Khabar hui ki ye raastaa koi aur hai

ajab aitabaar-ba-aitabaarii ke darmiyan hai zindagii
main qarib hun kisi aur ke mujhe jantaa koi aur hai

vahii munsifon ki rivaayaten vahii faisalon kii ibaaraten
meraa jurm to koi aur thaa par merii sazaa koi aur hai

terii roshanii merii Khaddo-Khaal se mukhtalif to nahi magar
tu qarib aa tujhe dekh lun tu vahii hai yaa koi aur hai

jo meri rayaazat-e-nimshab ko "Saleem" subah na mil saki
to phir is ki maanii to ye hue ke yahaan Khudaa koi aur hai

[waleed_khushi]

@ali bro if she is female then i think she is seema . she also contributed alot to this thread nd now this one also

[fastoriel]

^^ :o ...

[Friendly_Angel]

Gam barhee aate hain qaatil kii nigaahon kii tarah

Gam barhee aate hain qaatil kii nigaahon kii tarah
tum chhipaa lo mujhe, ae dost, gunaahon kii tarah

apanii nazaron me gunaahagaar na hote, kyon kar
dil hii dushman hain mukhaalif ke gvaaho kii tarah

har taraf ziist kii raahon men karrii dhuup hai dost
bas terii yaad ke saaye hain panaahon kii tarah

jinake Khaatir kabhii ilzaam uThaaye, 'faakir'
vo bhii pesh aaye hain insaaf ke shaahon kii tarah

[waleed_khushi]

@furqan what happen ?

[taz_rulez]

ma first contribution:

Meri rooh nikalne waali hogi
meri saans bikharne waali hogi

phir daaman zindagi ka choote ga
dhaaga saans ka toote ga

phir waapis hum na aayen ge
phir hum se koi na roothhey ga

phir aankhon mein noor na hoga
phir ghum se dil choor na hoga

us pal tum humko thaamo gay
hum se pyar apna maango gay

par hum na kuch bhi bolein gay
aur aankhein bhi na kholein gay

uss pal shayed tum ro do gay
ek din yoon tum ham ko kho do ge...

[Friendly_Angel]

chaand tanhaa hai aasmaan tanhaa

chaand tanhaa hai aasmaan tanhaa
dil milaa hai kahaan kahaan tanhaa

bujh gaii aas chhup gayaa taaraa
thartharaataa rahaa dhuaan tanhaa

zindagii kyaa isii ko kahate hain
jism tanhaa hai aur jaan tanhaa

hamsafar koii gar mile bhii kahiin
dono chalate rahe tanhaa tanhaa

jalatii bujhatii sii raushanii ke pare
simataa simataa saa ek makaan tanhaa

raah dekhaa karegaa sadiyon tak
chhor jaayenge ye jahaan tanhaa

[Friendly_Angel]

aaghaaz to hotaa hai anjaam nahiin hotaa

aaghaaz to hotaa hai anjaam nahiin hotaa
jab merii kahaanii me vo naam nahiin hotaa

jab zulf kii kaalikh me ghul jaaye koii rahii
badnaam sahii lekin gumnaam nahii hotaa

hans hans ke javaan dil ke ham kyon na chunen tukare
har shaKhs kii qismat me inaam nahiin hotaa

bahate hue aansuu ne aankhon se kahaa tham kar
jo mai se pighal jaaye vo jaam nahiin hotaa

din Duube hain yaa Duubii baaraat liye kashtii
saahil pe magar koii koharaam nahiin hotaa

[Friendly_Angel]

puuchhate ho to suno kaise basar hotii hai

puuchhate ho to suno kaise basar hotii hai
raat khairaat kii sadqe kii sahar hotii hai

saans bharane ko to jiinaa nahiin kahate yaa rab
dil hii dukhataa hai na ab aasteen tar hotii hai

jaise jaagii huii aankhon me chubhen kaanch ke khvaab
raat is tarah diivaanon kii basar hotii hai

gham hii dushman hai meraa gham hii ko dil dhuundhataa hai
ek lamhe kii judaaii bhii agar hotii hai

ek markaz kii talaash ek bhatakatii Khushbuu
kabhii manzil kabhii tamhiid-e-safar hotii hai

[Friendly_Angel]

yuun terii rahaguzar se diivaanaavaar guzare

yuun terii rahaguzar se diivaanaavaar guzare
kaandhe pe apane rakh ke apanaa mazaar guzare

baithe rahe hain raastaa me dil kaa khandhar sajaa kar
shaayad isii taraf se ek din bahaar guzare

bahatii huii ye nadiyaa ghulate hue kinaare
koii to paar utare koii to paar guzare

tuu ne bhii ham ko dekhaa hamane bhii tujhako dekhaa
tuu dil hii haar guzaraa ham jaan haar guzare

[Friendly_Angel]

Baghair mere tujhe chain aa nahii sakataa

baghair mere tujhe chain aa nahii sakataa
meraa javaab kahiin se tuu laa nahii sakataa

hazaar parde bhii daalo agar banaavat ke
diloon kii baat ko cheharaa chhupaa nahii sakataa

banaa diyaa hai zamaane ne dil ko patthar kaa
sataaye koii bhii mujh ko rulaa nahii sakataa

hasiin taaj mahal ke banaane vaalaa bhii
diloon ke tuute gharaunde banaa nahii sakataa

[Friendly_Angel]

Rangat terii zulfo kii ghataao ne churaaii

rangat terii zulfo kii ghataao ne churaaii
khushbuu tere aanchal se havaao ne uraaii

paimaane kaa dil tuut na jaaye to kahuu main
hai chiiz ghazab kii jo nigaaho ne pilaaii

qaidii terii zulfo kaa hai aazaad jahaan se
mujh ko ye rihaaii to sazaao ne dilaaii

maanaa kii bahaaron ne khilaayaa hai gulo ko
ulfat kii kalii dil me vafaaon ne khilaaii

tham-tham ke barasanaa kabhii jham-jham ke barasanaa
saavan ko adaa ye mere ashkon ne sikhaaii

manzil pe pahunch kar 'nasiim' ehasaas huaa hai
jis raah se pahunchaa ye Khataaon ne dikhaaii

[Friendly_Angel]

ik arz-e-vafaa bhii kar na sake
kuchh keh na sake kuchh sun na sake
yuu ham ne zabaan hii kholii thii
yuu aankh jhukii sharmaa bhii gaye

[Friendly_Angel]

Pyaar mujhase jo kiyaa tumane to kyaa paaogii

pyaar mujhase jo kiyaa tumane to kyaa paaogii
mere haalat kii aandhii men bikhar jaogii

ranj aur dard kii bastii kaa main baashindaa huun
ye to bas main huun ke is haal men bhii zindaa huun
khvaab kyuun dekhuun vo kal jisape main sharmindaa huun
main jo sharmindaa huaa tum bhii to sharamaaogii

kyun mere saath koi aur pareshaan rahe
merii duniyaa hai jo viraan to viraan rahe
zindagii kaa ye safar tumako to aasaan rahe
hamasafar mujhako banaogii to pachhataaogii

ek main kyaa abhii aayenge divaane kitane
abhii gunjege muhabbat ke taraane kitane
zindagii tumako sunaayegii fasaane kitane
kyun samajhatii ho mujhe bhuul nahii paaogii

[Friendly_Angel]

Dard apanaataa hai paraae kaun

dard apanaataa hai paraae kaun
kaun sunataa hai aur sunaae kaun

kaun doharaae vo puraanii baat
Gam abhii soyaa hai jagaae kaun

vo jo apane hain kyaa vo apane hain
kaun dukh jhele aazamaae kaun

ab sukuun hai to bhuulane men hai
lekin us shakhs ko bhulaae kaun

aaj phir dil hai kuchh udaas udaas
dekhiye aaj yaad aae kaun

[Friendly_Angel]

Har khushii men koii kamii sii hai

har khushii men koii kamii sii hai
hanstii aankhon men bhii namii sii hai

din bhii chup chaap sar jhukaaye thaa
raat kii nabz bhii thamii sii hai

kis ko samajhaaye kis kii baat nahii
zahan aur dil men phir tanhaii sii hai

khvaab thaa yaa Gubaar thaa koii
gard in palakon pe jamii sii hai

kah gae ham kis se dil kii baat
shahar men ek sansanii sii hai

hasaraten raakh ho gaii lekin
aag ab bhii kahiin dabii sii hai

[c123pk]

Dil-e-Nadan tujhay hua kia hai ?

Akhir iss marz ki dawa kia hai ?

[Friendly_Angel]

Dil-e-naadaan tujhe huaa kyaa hai

dil-e-naadaan tujhe huaa kyaa hai
aakhir is dard kii davaa kyaa hai

ham hai mushtaaq aur vo bezaar
yaa ilaahii ye maajaraa kyaa hai

main bhii muunh me zabaan rakhataa huun
kaash puuchho ki muddaa kyaa hai

jab ki tujh bin nahii koii maujuud
phir ye hangaamaa, ai Khudaa kyaa hai

ye parii cheharaa log kaise hai
Gamazaa-o-ishvaa-o-adaa kyaa hai

shikan-e-zulf-e-ambarii kyon hai
nigah-e-chashm-e-surmaa saa kyaa hai

sabazaa-o-gul kahaan se aaye hai
abr kyaa chiiz hai havaa kyaa hai

hamako unase vafaa kii hai ummiid
jo nahii jaanate vafaa kyaa hai

haan bhalaa kar teraa bhalaa hogaa
aur darvesh kii sadaa kyaa hai

jaan tum par nisaar karataa huun
main nahii jaanataa duaa kyaa hai

main ne maanaa ki kuchh nahii 'Ghalib'
muft haath aaye to buraa kyaa hai

[s55]

1,033 replies!! wow thanks to all you guys for making it a huge one (y)