Shair-O-Shairi (Poetry) Thread

[c123pk]

gooda gooda nanhi pari naye ghar ko chali, very gooda, May Allah bless you with all kind of Halal maal, ameen.

[Nanhi_Pari]

Mere Dost Tanhai Me Na Waqt Bitaya Karo
Kabhi Kabhi Mehfilon Me Bhi Aaya Karo
Kiya Hua Jo Toot Gaye Hai Samney K 4 Dant
Phir Bhi Moun Khol Ker Muskuraya Karo..

[Nanhi_Pari]

U To Hum Bhi Madad Kia Nahi Karte
Choclate Kya Toffy Bhi Dia Nahi Karte
Ye DOSTI Sirf Apse Hai Warna Call To Kya
Hum Kisi Ko Sms Bhi Dia Nahi Karte

[Nanhi_Pari]

Kehdo Un Parhne Walon Se
Kabhi Hum Bhi Parha Kertay Thay
Jitna Syllabus Parh K Wo Top Kertay Hain
Utna To Hum Choice Per Chor Dia Kertay Thay

[Nanhi_Pari]

Students K Dard University Kya Jane
Colleg K Riwaj Parent Kya Jane
Hoti Kitni Taqlif 1 Paper Likhne Me
Wo Paper Check Karne Wala Kya Jane

[c123pk]

@NAnhi, your saamney walay 4 daant shair reminded me of something very funny, check out :

YouTube - Quentin Tarantino in Desperado

[Nanhi_Pari]

Jab Jab Hum Ne Chaha Tab Tab Tum Jaage
Jab Jab Hum Ne Chaha Tab Tab Tum Jaage
Kyuki Tumare Ghar Ki Ghanti Hum Hi Baja Kar Bhaage

[Nanhi_Pari]

@NAnhi, your saamney walay 4 daant shair reminded me of something very funny, check out :

YouTube - Quentin Tarantino in Desperado

sorry brother, first of all I am not a YouTube fan, secondly, often the things you share arent really my taste, but still thanks for sharing.

[Nanhi_Pari]

Qabza Dilaya Mujhe Mere Makaan Ka
Mere Jo The Wakeel Adeem-Ul-Nazeer Hain
Fees Un Ki Poochte Ho To Ab Is Makaan Mai
Khood Hazrat-E-Wakeel Rihaayesh Pazeer Hain

[Nanhi_Pari]

Maire Dukhoon Ki Dhanak Mein Rang Na Bhar
Mohabbat Or Nafrat Ki Jang Na Lar
Khushi Mere Ghum K Sung Na Kar
Pappu Yaar Tang Na Kar !!

[Nanhi_Pari]

Jalney Ko Aag Kehte Hein
Bujhay Ko Raakh Kehte Hein
Garden Ko Bhaag Kehte Hein
Jo Ap Ke Pas Nahi Usse Dimagh Kehte Hein

[Nanhi_Pari]

Ik Muhib-E-Shair-E-Mashriq Say Main Nay Yeh Kaha
Kuch To Farmain Huzoor, IQBAL K Ehwal Main
Kehnay Lagay Iqbal Say Itni Si Nisbat Hay Mujhay
Main Nay Banwali Hay Kothi Gulshan-E-Iqbal Main

[c123pk]

Its ok Nanhi, i understand, stay good lil sis

[anilnaqvi]

Woh tu faqat merey dukhoon ka madawa chahta tha
Woh ek shakhs mujhe mujh sai bhi ziyada chahta tha

chahta tha woh key mein khil utho jhoomo zamaney k saath
woh ek shakhs is zamaney ko meri nazroon sai na dekh pata tha

chahta tha woh key rishtoo main mein khud ko paband e silasil karlo
najaney q mujhe samjh key bhi q woh tiflana wadoo ka kahey jata tha

chahta tha woh keh mein khushi sai lehlahao aur isi ko zindagi samjho
woh ek shakhs mujh sai durr ja keh bhi mujhe hi khush dekhna chahta tha

Samajh na pata woh mujhe yeh phir meri hi koi kohtai reh gayi thi anil
mein tu sada khud ko aaina aur usey apna hi akss kahey jata thaa

khata kahan hui mujh sai k meri taqderr main mohabbat ki barish na thi likhi anil....
ab tu faqat behtii barsaat mein chaltey huey mein ashkoo ko khud hi piye jata tha...

[Haider53]

Mujhy khyaal Tha srif Us Ka,
Use Zamnaey Ka,
KHUDA kare ke zamana wafa kare us se..

[Haider53]

Woh jaa chukaa hai
Magar judaai se qabl kaa
Ek narm lamha
Thehar gayaa hai
Miri hatheli ki pusht per
Zindagi mein
Pehli kaa chand bun ker
Raks karte hue
Jis ke shaano.n pe tu ne abhi sir rakha hai
Kabhi me bhee is ki panaaho.n me thee
Faraq yeh hai ke mein
Raat se qabl tanha hui
Aur tu subha tak
Is fareb-e-tahaffuz me khoyee rahe gee

By Parveen Shakir

[Beautiful_Soul]

Socha nahi acha bura dekha suna kuch bhi nahi
Manga Khuda se raat din tere siva kuch bhi nahi

dekha tujhe soche tujhe chaha tujhe puja tujhe
meri khataa meri wafa teri khataa kuchi bhi nahi

jis par humari aankh ne mooti bichaye raat bhar
bheja wohi kaghaz usse humne likha kuch bhi nahi

ik shaam ki dehleez par baithe rahai woh dair tak
ankhon se ki batain buhat munh se kaha kuch bhi nahi

do char din ki baat hai dil khaak mai so jayega
jab aag par kaghaz rakha baqi bacha kuch bhi nahi

ahsaas ki khushboo kahan awaz ke jugnuu kahan
khamosh yadoon ke siva ghar mai raha kuch bhi nahi

By Bashir Badr

[Beautiful_Soul]

Musaafir ke raaste badalte rahai
Muqadar mai chalna tha chalte rahai

Koi phool sa hath tha kandhe pe
merai paon sholoon pe chalte rahai

merai raaste mai ujalaa raha
diye uski ankhon ke jalte rahai

vo kia tha jisse humne thukra dia
magar umr bhar haath malte rahai

muhabbat adavat wafaa berukhi
kiraaye ke ghar thai badlte rahai

suna hai unhe bhi hava lag gayi
havaoon ke jo rukh badlte rahai

lipat ke chiraghon se wo so gaye
jo pholoon pe karvat badlte rahai

By Bashir Badr

[Beautiful_Soul]

is shehr-e-kharabi mai ghum-e-ishq ke maare
zindaa hain yehi baat baree baat hai pyaare

yeh hansta hua chaand ye pur nuur sitare
tabinda-o-paindaa hain zarron ke saharai

hasrat hai koi ghuncha hamain pyar se dekhe
armaan hai koi phool humain dil se pukarai

hur subah meri subah pe rotii rahi shubnam
hur raat meri raat pe hanste rahai taare

kuch aur bhi hain kaam humain aye ghum-e-janaa
kab tak koi uljhii hui zulfoon ko sanwarai

[c123pk]

is shehr-e-kharabi mai ghum-e-ishq ke maare
zindaa hain yehi baat baree baat hai pyaare

yeh hansta hua chaand ye pur nuur sitare
tabinda-o-paindaa hain zarron ke saharai

hasrat hai koi ghuncha hamain pyar se dekhe
armaan hai koi phool humain dil se pukarai

hur subah meri subah pe rotii rahi shubnam
hur raat meri raat pe hanste rahai taare

kuch aur bhi hain kaam humain aye ghum-e-janaa
kab tak koi uljhii hui zulfoon ko sanwarai

Some poetry there, lovely !