ابن بطوطہ کے تعاقب میں۔۔۔آئیے کشمیر چلیں

[tariqrana70]

Zabardast Tour

[rizwan.ahmed.351]

That is an amazing thread. Keep the things coming Musafir1. awesome

[drkhan3]

Awesome style of Urdu narration. Thumbs Up.

[saleemi.rsc]

Bht Alaaaaaaaaaaaaaaaaa

[musafir1]

tariqrana70
rizwan.ahmed.351
drkhan3
saleemi.rsc

Thanks for all of u

[musafir1]

]دوستو!! میں نے پیج نمبر 2 کے آخر میں دو تصاویر لگا کے سوال کیا تھا کہ تصویر میں کیا لکھا ہوا نظر آ اور ایک دن اور انتظار کر لیتا ہوں جواب کا

[farazanwarpk]

No idea boss!!! Ap ny bahut mushkil sawaal pucha he... give some hints!!!

[musafir1]

سوال اتنا آسان تھا کہ کراچی ٹریلورز پر پوسٹ کرتے ہی 5 منٹ کے اندر پہلا درست جواب کومیل حسین نے دے دیا
حیرت انگیز طور پر دو قدرتی تالابوں نے جو منظر پیش کیا وہ پڑھنے میں آ رہا ہے 90 ۔ یہ ایک نیا الزام ہے جو متحدہ پر آئے گا کہ کشمیر میں انوکھی ایڈورٹائزمنٹ۔۔۔۔
متحدہ کے ۔۔۔۔ کارکن دھر لئے گئے، جے آئی ٹی کی تشکیل۔۔۔۔۔ کارکنوں نے اقرار کیا ہے کہ یہ سب انہوں نے قائد کے حکم پر کیا۔۔۔

دشت تو دشت ہے دریا بھی نہ چھوڑے ہم نے
بحرِ ظلمات میں دوڑا دئیے گھوڑے ہم نے

صاحبو!!! یہ تو بس ایک کوشش تھی آپ کی مسکراہٹ کے لئے ورنہ ۔۔۔۔

ان کا جو کام ہے وہ اہلِ سیاست جانیں
میرا پیغام محبت ہے جہاں تک پہنچے

ہمارا ایمان تو یہ ہے۔۔۔۔۔۔۔۔

جب ملے، جس سے ملے، دل کھول کر دل سے ملے
اس سے بڑھ کر اور خوبی کوئی انساں میں نہیں۔۔۔۔۔۔۔

خیر تو اب ہم اپنا سفر آگے بڑھاتے ہیں۔۔

[musafir1]

لسدنہ اور گردونواح بھی کوئی ایسی جگہ نہیں جنہیں دیکھنے کراچی سے جایا جائے۔ لسدنہ کے ریسٹ ہاوس میں ایک دو دن رہا جا سکتا ہے کہ ماحول تھوڑا مختلف اور خاموشی ہے, لیکن خاموشی کی اتنی بڑی قیمت دینے سے بہتر ہے کہ محلے کے قبرستان میں تھوڑی دیر جا کے بیٹھ جائیں۔۔۔۔
اگلی صبح پرویز صاحب نے ہمیں اڈے تک چھوڑا اور ہم سے گلے مل کے رخصت ہو گئے۔ ہم مظفر آباد 230 بجے پہنچے۔ پتہ چلا کہ شاردا کے لئے آخری گاڑی 11 بجے چلتی ہے، نزدیک ہی ایک ہوٹل میں سامان رکھا اور نہانے کے بعد ہم سامنے پہاڑی پر واقع پارک گئے۔ وہاں سے دومیل یعنی دریائے نیلم اور جہلم کے سنگم پر گئے۔ ایک جانب سے دریائے نیلم دوسری جانب سے آنے والے دریائے جہلم سے آ کے گلے ملتا ہے۔ کچھ بات سمجھ میں نہیں آئی کہ گلے وہ مل رہے ہیں اور خوشیاں لوگ مناتے ہیں اور کہتے ہیں کہ دیکھنے کی چیز ہے۔۔۔۔۔ دل کو روں کہ جگر کو پیٹوں میں؟؟؟ نیچے ایک تصویر آپ بھی ملاحظہ فرما لیں گلے ملنے کی

[musafir1]

[RIGHT]جون18 بروزجمعرات

اتنے دن مفت کی روٹیاں توڑ کے آج پہلی مرتبہ اپنے پیسوں سے کھانا کھانا تھا۔ طے ہوا کہ کسی اچھے ریسٹورنٹ میں کھایا جائے۔ کئی لوگوں سے پوچھا کہ سب سے اچھا کھانا کہاں ملتا ہے؟؟؟لوگوں کی متفقہ رائے تھی بولان شنواری . ہم پہنچےبولان شنواری ہوٹل، اس کی ڈشز اونچا دوکان پھیکا پکوان ثابت ہوئیں۔ بہت بے مزہ ہو کر ہوٹل کا رخ کیا۔ آج رمضان کا چاند نظر آ گیا تھا اور مساجد میں پہلی تراویح ہونے والی تھی۔ ہم نے مبشر سے کہا تو جواب ملا میں تو 10 رکعت پڑھتا ہوں ۔۔۔ ہم نے کہا بندہِ خدا 10 ہی سہی۔ راستے میں ایک مسجد نظر آئی جو سڑک سے اتنی نیچی واقع تھی کہ تقریبا 40 سیڑھیاں بنی ہوئی تھیں، مبشر جو پہاڑی والے پارک تک پیدل چڑھائی طے کر کے گئے تھے اب اور کسی قسم کی چڑھائی چڑھنے کے لئے تیار نہیں تھے۔۔۔ہم نے بہت کہا کہ مسجد تو نیچے ہے چڑھنا تھوڑی ہے۔۔۔۔۔۔لیکن وہ بھی دور کی سوچتے تھے کہنے لگے نماز پڑھ کے تو واپس اوپر ہی چڑھنا پڑے گا۔ ہم نے ان کا ہاتھ پکڑا اور ابھی 4-5 سیڑھیاں ہی اترے تھے کہ اندر سے نمازی نکلتے ہوئے نظر آئے۔۔۔۔عشا کی جماعت ہو گئی تھی۔ اب مبشر نے ہمارا ہاتھ پکڑا اور بولے یار!! ہوٹل پہنچ کر نماز پڑھ لیں گے ہم تو ویسے بھی مسافر ہیں، جب اسلام میں سہولت ہے تو کیوں مشکل اپناتے ہو۔۔۔۔۔۔ہم نے راستے میں ان کا موڈ ٹٹولنے کی غرض سے پوچھا ۔۔۔ کل روزہ رکھنا ہے یا سہولت سے فائدہ اٹھانا ہے؟؟؟(مسافر چاہے تو روزہ چھوڑ بھی سکتا ہے) لیکن مبشر جو بھوک کے کچے ہیں ایمان کے بڑے پکے نکلے انہوں نے سفر کے باوجود روزے بھی رکھے ، ہمارے ساتھ پیدل سفر بھی خوب کیااور ایک لفظ بھی شکایت کا زبان پر نہیں لائے
[/RIGHT]

[mrkhan_9]

بھائی، ۹۰ سے زیادہ عربی کے ہندسوں کا گمان ہو رہا ہے۔ ہو سکتا ہےکہ تصویر میں ایسا نہ لگ رہا ہو۔ باقی سفر کا اور تصاویر کا بے چینی سے انتظار ہے۔ یہ پہلے گئیر میں گاڑی کب تک چلے گی؟

[musafir1]

خان صاحب ہم تو بڑی تیزی سے جارہے تھے۔۔۔۔۔ 2-3 دن آپ کے جواب کے انتظار میں کٹ گئے، چلئیے اب آپ کو شکایت نہیں ہو گی

[musafir1]

جون19 بروز جمعہ
صبح 4 بجے والی پہلی ہائی ایس شاردا کے لئے میں بیٹھے تو جی بری طرح متلانے لگا۔ بولان شنواری کا رات کا کھانا ابھی تک ہضم نہیں ہوا تھا، ہم نے جلدی سے بیگ میں رکھا ہوا شاپر ہاتھ میں پکڑ لیا اور بولان شنواری کا سب کھایا پیا وہیں مظفرآباد میں ہی پھینک دیا۔ طبعیت بڑی نڈھال ہو گئی۔ شاردا تک سیٹ سے ٹیک لگائے اونگھتے رہے۔
شاردا تک کا سفر 6 گھنٹے میں طے ہوا، وہاں پہنچ کر احساس ہوا کہ یہی ہمارے سفر کا ثمر ہے۔ اب تک ہم نے وقت گنوایا تھا۔ شاردا اور گرد و نواح سرسبز و شاداب پہاڑوں سے گھری وادیاں، اور اس کی خوبصورتی میں اضافہ کرتاہوا دریائے نیلم جو کہیں سفید سفید پانی کے چھینٹے اڑاتا ہوا بڑی تیز رفتاری سے محوِ سفر تھا تو کہیں پاٹ چوڑا ہونے کے باعث سبک رواں۔
یہاں کے لوگ بھی بہت اچھے ثابت ہوئے۔ اڈے پر ہماری ملاقات مقامی نوجوان اورنگزیب سے ہوئی جس نے بتایا کہ یہاں کا سب سے اچھا اور بڑا رہائشی سیٹ اپ کشمیر شاردا ویو ٹوریسٹ لاجز ہےجو بالکل دریا کے کنارے ہے۔
واقعی ان کے پاس ہر طرح کی رہائش موجود ہے۔ 10-12 افراد کے لئے ناٹو کے اگلو جن میں درجہ حرارت قائم رہتا ہے، کنکریٹ کے بنے ہوئے کمرے، لوہے کی چادروں سے بنے ہوئے اکنامی ڈبے جو دریا کے اتنے نزدیک رکھے تھے کہ پاوں باہر نکالیں تو سیدھا پانی میں جائے۔
ہمیں یہ جگہ بہت پسند آئی اور ہم نے ایک کمرہ جس کی کھڑکیاں دریا کی جانب کھلتیں تھیں کرایہ پر لے لیا۔ کیوں کہ رمضان شروع ہونے کی وجہ سے ان کا پورا سیٹ اپ خالی پڑا تھا اس لئے انہوں نے وہ کمرہ جس کا کرایہ بقول ان کے3000 سے کم نہیں لیتے ہمیں صرف 800 میں دے دیا۔ اس کمرہ میں سوائے ٹی وی اور بی وی کے اور سب کچھ موجود تھا۔ ٹی وی کے ہم شوقین نہیں ہاں طبعیت کی خرابی کے باعث بیوی بہت یاد آرہی تھیں کہ وہ ہماری تیمارداری میں کوئی کثر نہیں چھوڑتیں۔ ہماری بیگم کا قبلہ و کعبہ ہم ہیں ان کا ایک ہی شغل ہے۔۔۔۔ہر وقت ہمیں کچھ نہ کچھ کھلاتے رہنا، ہماری ان سے روزانہ 4-5 مرتبہ فون پر بات ہوتی رہی، ان کا پہلا جملہ ہمیشہ یہ ہوتا : آپ نے کچھ کھایا؟؟؟ دراصل ہم کھانے کے معاملے میں کوالٹی کے قائل ہیں کوانٹٹی کے نہیں انہیں یہ بات پتہ ہے کہ کھانا اگر ہمارے مطلب کا نہ ہو تو ہم کھاتے ہی نہیں ۔ اللہ خوش رکھے ہماری اور آپ سب کی بیگمات کو کہ ان کے لئے ہم ہی ہم ہیں۔۔
یہاں آ کے ایک سب سے بڑا مسئلہ یہ ہوا کہ کسی قسم کے موبائل کےسگنل نہیں تھے، یہ سگنل مظفرآباد سےشاردا کے سفر کے درمیان سے ہی غائب ہو گئے تھے۔ مقامی لوگ یا تو ایک سم جو ایسکون کمپنی کی ہے اور جس کا نمبر 0355 سے شروع ہوتا ہے استعمال کرتے ہیں یا جہاں اس کے بھی سگنل نہ ہوں تو لینڈ لائن۔ ہم نے بیگم کو یہ بات مظفرآباد میں ہی بتا دی تھی اور انہوں نے پریشان ہو کے کہا: یوں لگ رہا ہے کہ آپ گم ہونے جارہے ہیں۔۔۔۔۔۔ہم نے کہا بیگم حوصلہ رکھیں شارداکوئی خاتون نہیں جن کی خاطر ہم آپ کو بھول جائیں وہاں لینڈ لائن پر رابطہ رہے گاشاردا تو ارضی جنت ہے ہم تو آسمانی جنت میں بھی آپ ہی کو ڈھونڈ تے رہیں گے۔
نیچےکچھ تصاویر شاردا کی پیش کر رہے ہیں اب پہلے آپ اپنی آنکھوں سے شاردا کا حسن دیکھ لیں پھر اس کے بارے میں گفتگو کرنے میں مزا آئے گا

[mrkhan_9]

گو کہ ہمارا سفرِ کشمیر ، جو کہ ہم نے ۲ ۔۳ سال قبل اپنی اہلیہ اور بچوں کے ہمراہ کیا تھا ،انتہائی تکلیف دہ گزرا تھا ،لیکن آج آپکی تصاویر دیکھ کر کافی اچھا لگا کیونکہ آخر میں شاردہ پہنچ کر ہی کچھ سکون کا سانس نصیب ہوا تھا ورنہ شاردہ سے پہلے اور شاردہ کے بعد میں سوائے پریشانی کے اور کچھ نہیں ملا تھا۔ پتہ نہیں شاید ستارہ گردش میں تھا۔ ویسے آفتاب بھائی، شاردہ سے پہلے بھی تو کچھ مقامات ہیں مثلا کٹن وغیرہ، وہاں نہیں رکے؟ یا واپسی میں گئے تھا؟ اور شاردہ کی یونیورسٹی کا کیا ہوا؟ وہاں بھی کچھ لیکچر شیکچر دئے؟؟

[banisai]

Masha Allah! Musafir1 Sahib, ap k andaz-e-bayan nay is safar namay ko jo lazzath bakhshi hay uskay liay meray pass alfaz nahi hay....... Maza agaya! Baqi safar namay ka be-sabri say intezaar hay.

[musafir1]

[RIGHT] banisai
آپ کے الفاظ ہماری حوصلہ افزائی کے لئے کافی ہیں۔۔۔بے صبری اچھی چیز نہیں صبر کا پھل میٹھا ہوتا ہے

خان صاحب
شاردا کے بارے میں ہمارے خیالات یکساں ہیں۔ شاردا یونیورسٹی سنہ 24 میں قائم کی گئی تھی اب اس کے کھنڈرات میں میں موجودہ تعلیمی نظام پر آنسو تو بہا سکتا تھا لیکچر نہیں دے سکتا تھا
[/RIGHT]

[musafir1]

شاردا لبِ دریا ہونے کے سبب مظفرآباد کی نسبت خاصا ٹھنڈا تھا۔ جمعہ کی نماز پڑھ کر ہم وقت ضائع کئے بغیر شاردا کی سیر کے لئے نکل کھڑے ہوئے۔ بازار کے آخری کونے پر واقع پل سے دریا پار کر کے ہم دوسرے کنارے کشن گھاٹی کے لئے روانہ ہو گئے، جہاں ایک غار میں بہت قدیم مورتیاں پائی جاتی تھیں۔ زلزلہ نے اس غار کے منہ کو ایک بہت بڑے پتھر سے اس طرح بند کر دیا کہ اب اس میں کوئی بھی داخل نہیں ہو سکتا۔
پل پار گورنمنٹ انٹر کالج تھا جہاں اس وقت علامہ اقبال اوپن یونی ورسٹی کا کوئی پیپر ہو رہا تھا۔ ہم کمرہ میں موجود ممتحن سے اجازت لے کر اندر گئے اور مختصر الفاظ میں ان سے اور طلبا سے اپنا اور مبشر کا تعارف کرایا۔ ان سب نے گرم جوشی سے خوش آمدید کہا۔ ہم انہیں پیپر مکمل کرنے کے تلقین کر کے آگے بڑھ گئے۔
آگے ایک مڈل سکول کی عمارت تھی جس پر افتتاحی سال 1981 تحریر تھا۔
ان دونوں تصاویر کے ساتھ ہماری بھی ایک تصویر ہے جس کو دیکھ کر آپ بھی بولان شنواری جانے سے پرہیز فرمائیں گے جس کی بدولت ایک دن میں ہماری یہ حالت ہو گئی

[musafir1]

ایک کٹے پھٹے سے چہرے والا لڑکا ہمارے پاس آیا اور ایک سی لے میں کہنے لگا
پیسے دے دو۔۔۔۔کاپی لینی ہے
ہم اس کی نفسیات دانی پر عش عش کر اٹھے۔ اسے پتہ تھا کہ یہ شہری لوگ بطور فیشن علم دوست ہوتے ہیں اس لئے اس نے ہماری دکھتی رگ پر ہاتھ رکھ کر دستِ سوال دراز کیا
تھوڑا آگے بڑھے تو دو بچے ہمارے پاس آئے اور کہنے لگے ہم آپ کو گھاٹی تک لے چلیں، ہم نے فورا حامی بھر لی حالانکہ راستہ بالکل ناک کی سیدھ میں وہیں جا رہا تھا لیکن ہم سمجھتے ہیں کہ کسی سے کوئی چھوٹی سی خدمت لے کے اسے جو کچھ دیا جائے گا وہ اسے اپنی محنت کا عوض سمجھے گا نہ کہ بھیک۔۔۔۔گویا اس کا محنت کی عظمت پریقین بڑھے گا۔
اس قسم کی چھوٹی موٹی نفسیاتی مار ہم اکثر کلاس میں طلبا و طالبات کو دیتے رہتے ہیں۔ جب کبھی امتحانی مراکز پر چھاپہ مار ٹیم کی قیادت کرتے ہوئے پہنچتے ہیں تو داخل ہوتے ہی چوکیداروں، پانی پلانے والوں، طلبا تنظیموں کے لیڈرز وغیرہ کی بھاگ دوڑ نقل کرنے والے طلبا کو خبردار کر دیتی ہے۔۔۔پھر بھی اگر قسمت کا مارا کوئی پکڑا جاتا ہے تو ہم اس سے بھری کلاس میں سورہ قنوت سن کر یا اس کے سر پر ٹوپی دیکھ کر یا اس کی جیب میں مسواک دیکھ کر اس لئے چھوڑ دیتے ہیں کہ اس طرح اس کا یقین ان چیزوں پر پختہ ہو گا کہ یہ چیزیں مصیبت سے بچا بھی سکتیں ہیں، ورنہ نقل تو 99 فیصد بچے کر رہے ہوتے ہیں۔ حقیقت یہ ہے کہ اس نظام کو تباہ کرنے کا سب سے بڑا ذمہ دار خود استاد ہے ورنہ آج کا طالب علم آج سے 20 سال پہلے کے طالب علم سے کہیں زیادہ با ادب، ذہین اور علم کا پیاسا ہے۔میری 25 سالہ ٹیچنگ لائف میں الحمد للہ کبھی ایسا نہیں ہوا کہ کسی بچے نے پلٹ کر جواب دیا ہو حالانکہ میں نے کالج اور سینڑ سٹوڈنٹس کی پٹائی بھی خوب کی ہے۔

بہر حال ہم ان بچوں کے ساتھ اردگرد کا سحر انگیز نظارہ کرتے ہوئے کشن گھاٹی تک پہنچے اس غار تک جانا فضول سمجھ کر ہم تھوڑی دور سے اس کی تصاویر بنا کر نیچے دریا تک اتر گئے۔ یہاں لوگوں نے مچھلی پکڑنے کے لئےجال بچھائے ہوئے۔ ان وادیوں میں رہنے والے مرد عام طور پر نیچے بستیوں میں محنت مزدوری کرتے ہیں، جبکہ خواتین گھر کے کام کاج، بچوں کی پرورش اور بہت دیر تک کمر کے بل جھکے جھکے وہ کھیت میں کام کرتی ہیں مجھے حیرت ہوتی ہے کہ صحت کے اصول کے خلاف وہ اس پوزیشن میں گھنٹوں کام بھی کرتی ہیں اور پھر بھی ان پر کوئی اثر نہیں پڑتا۔مکئی اور آلو یہاں کی دو اہم فصلیں ہیں۔ پھلوں میں سیب، انگور، خوبانی ، آڑو اور انار خود رو ہیں۔ یہاں عمدہ قسم کے دیودار کے درخت بھی ہیں جن کی لکڑی بہت مہنگی فروخت ہوتی ہے۔ آپ کچھ تھک گئے ہوں گے۔۔۔۔چلئیے تصاویر دیکھ لیں
پہلی تصویر مکئی کے کھیت کی ہے، دوسری ان برف پوش پہاڑوں کی جو شاردا سے یوں سامنے نظر آ رہے تھے جیسے ہاتھ بھر کی دوری پر ہوں، تیسری ان چٹانوں کی ہے جس میں وہ غار واقع ہے، پانچویں ایک ایسے مکان کی جس نے گورنمنٹ کی دی ہوئی سکیم سے سولر پینل حاصل کیا ہے۔

[musafir1]

شاردا میں بجلی نہیں، لوگوں نے یا تو سولر پینل لگائے ہوئے ہیں جن سے گھنٹہ دو گھنٹہ رات میں بلب آن کر لیتے ہیں یا جنریٹر ہیں جو ہر کسی کی طاقت سے باہر ہیں۔ ہمارے گیسٹ ہاوس میں بھی شام 7 تا صبح 5 بجے تک جنریٹر سے بجلی فراہم کی جاتی تھی۔

شاردا اصل دیہات کا نمونہ ہے، نہ بجلی، نہ موبائل، نہ ٹی وی۔۔۔۔۔۔۔یہی وجہ ہے کہ سادگی ہے لیکن لوگ بیوقوف ہر گز نہیں، ہماری جن بچوں نے رہنمائی کی وہ بہت زہین تھے ایک کلاس 7 اور دوسرا 5 میں جبکہ ان کی ایک بہن سیکنڈ ائیر میں پڑھتی تھی۔
ہم نے اب تک مبشر کو آپ لوگوں سے چھپا کر دانستہ رکھا۔۔۔اب ان دو بچوں کی ذہانت کے اعتراف میں ان کے ساتھ مبشرکی تصویر لگا رہا ہوں
ہم مبشر کو مشہور انڈین ہیرو شروگھن سنہا کہہ کے چھیڑتے ہیں جس کا وہ برا نہیں مناتے۔۔۔۔۔اگر شترو کو پتہ چلے تو وہ برا مان جائے شائد۔۔۔۔آپ مبشر کی دیگر تصاویر دیکھیں اور فیصلہ کریں کہ ہم صحیح کہتے ہیں یا غلط ؟؟؟

[musafir1]

ان دو بچوں نے ہمیں کشن گھاٹی اور اطراف میں خوب گھمایا یہاں تک کہ افطار کا وقت ہو گیا۔ ہم نے دکان سے کچھ پھل اور جوس وغیرہ لئےراستے میں ایک بہتے ہوئے جھرنے سے بوتل بھر لی۔ کیونکہ افطار تک اپنے کمرہ میں نہیں پہنچ سکتے تھے اس لئے وہیں ایک مسجد کے پاس دریائے نیلم کے کنارے بیٹھ گئے۔۔۔۔۔ویسے بھی کون ہمارا کمرے میں انتظار کر رہا تھا؟؟؟
دریا کنارے ہماری پہلی افطاری کی تصاویر۔۔۔۔