ابن بطوطہ کے تعاقب میں۔۔۔آئیے کشمیر چلیں

[musafir1]

huraiz
آپ نے ٹھیک فرمایا۔۔۔۔۔۔۔پسندیدگی کا شکریہ
waqqasnasir
آپ کا بھی شکریہ۔۔۔۔۔۔۔۔۔۔
alkandar
پسندیدگی کا شکریہ
mtariqumer
ہمارا اندازِ تحریر سمجھنے، سراہنے اور مسلسل پڑھنے کا شکریہ۔ واہ بہت خوب اچھی مثال دی آپ نے کشمیر کی خوبصورتی کے بارے میں۔ اگلو کی خاص بات یہ تھی کہ وہ ناٹو کے تھے اور ان میں درجہ حرارت مینٹین رکھنے کی ٹیکنیک تھی رہ گئی بات ڈبے کی تو ہم نے ان کے ریٹ نہیں پوچھے تھے کیونکہ انہوں نے ہمیں کمرہ صرف 800 کرایہ پر دیا تھا۔ ہم آپ کے نقشِ قدم پر چلتے ہوئے پہلے زوم ہی گئے تھے لیکن وہ بوجوہ رمضان بند تھا۔ اس سفر اور تھریڈ دونوں کا کریڈٹ تو آپ کو جاتا ہے۔۔۔۔۔۔بڑی اچھی تصویرلگائی آپ نے، آپ کو کسی اجازت کی ضرورت نہیں ویسے بھی آپ ہمیں یاد رہیں گے

دل میں ہے تصویر یار کی
جب زرا گردن جھکائی، دیکھ لی

آپ اور اور آپ کی ہونے والی فیملی کے لئے ہماری یہی دعا ہے کہ اللہ دنیاوی اور اخروی جنتوں کی سیر کرائے اور آپ ساری دنیا کی سیر کرتے ہوئے یہ گنگنائیں

ستاروں سے آگے جہاں اور بھی ہیں

بس یاد رکھئیے گا کہ زندگی کے تمام فیصلوں سے قبل استخارہ کے دو نوافل ضرور ادا کریں
mrkhan_9
ان صفحات نے آپ جیسا مزاج داں عطا کیا۔۔۔۔۔ شکریہ۔ آپ نے ٹھیک کہا لیکن ہمیں جو جگہ پسند آ جائے ہم وہاں بار بار جاتے ہیں مثلا ہاکس بے کے ساحل پر کینپ سے زرا پہلے ایک پیالہ نما وادی جیسی جگہ ہے جہاں پتھریلے ساحل پرخاموشی اور سکون کے ساتھ لہریں بہہ رہی ہوتی ہیں۔ میں اور میرے ایک دوست شفقت چاند کی چودہویں پر یہاں ضرور آتے تھے۔ گاڑی میں پرانے پاکستانی گانے بج رہے ہوتے، چائے کا تھرماس ہوتا اور ہم ساری رات یہاں گپوں میں گزاردیتے۔ اب اس جگہ سیکورٹی کے نام پر قبضہ ہو چکا ہے۔
ویسے آپ کے رائے سے متفق ہوں فیملی کے ساتھ کسی اور جگہ کو بھی شاملِ سفر کریں گے۔
ہاہاہاہا ہماری بیگم کے آگے لاکھوں حوریں قربان وہ خوبانی والی کیا چیز ہے۔ شاعر نے کیا خوب کہا

ثمر قند و بخارا میرے محبوب کے رخسارکے تل کے صدقے

[RIGHT][SIZE=4]بادشاہ سن کر آگ بگولہ ہو گیا اور بولا کہ میں نے ہزاروں جانیں قربان کر کےثمر قند و بخارا حاصل کیا جسے تو محبوب کے تل پر قربان کر رہا ہے۔۔۔۔۔۔۔۔۔۔شاعر بولا حضور اسی سخاوت کی وجہ سے تو فقیر کا فقیر ہی رہتا ہوں۔
صبح 4 بجے سے محوِ سفر تھے تھکاوٹ تو ہونی تھی خان صاحب۔۔۔۔ خوش رہئیے ۔۔۔۔ آپ کے پر لطف جملے بازی نے اس سفر نامے کو دلچسپ بنا دیا۔ شکریہ
anwarriaz1
پسندیدگی اور نیک خواہشات کا شکریہ جناب
shakir7385
بہت شکریہ

[mtariqumer]

Jazak'Allah for the prayers and suggestion

[awtkhan]

آفتاب بھائی
اس میں تو کوئی دو رائے نہیں کہ آزاد کشیر میں وادی نیلم کی بالائی وادیوں کے مقابلے میں زیریں علاقے راولا کوٹ
پیر تولی ، بنجوسہ ،باغ ، لسدنہ ،شیرو دھارا ،پلندی اور پھر مظفر آباد تک کہ جہاں آپ نے اپنے اس سفر کشمیر کے
**ابتدائی ایام گزارے اتنے زیادہ خوبصورت اور سحر انگیز نہیں کہ سیاح کو اپنا اسیر بنا سکیں لیکن خوشی اس بات کی **
** ہے کہ آپ پھر بھی ان علاقوں سے خالی ہاتھ آگے نہیں گئے۔ خوبانی والی برقعہ پوش حسینہ**
کے دیدار کے علاوہ ان تمام جگہوں پر آپ کے پر خلوص میز بانوں کی محبت اور چاہت بھری دعوتوں کی یادوں
کا قیمتی خزانہ آپ اپنی جھولی میں سمیٹ چکے تھے۔ البتہ راولا کوٹ سے پیر تولی اور بنجوسہ لے جانی والی گاڑی
کے ڈرائیور کو آپ نے اپنی استادی دکھا کر اس کے گالم گلوچ کے قیمتی خزانے سے محروم کر کے خاموش اور دکھی
**ضرور کر دیا ۔ ہوسکتا ہے بے چارا اسی خوش خیالی میں ابھی تک گالیوں سے پرہیز ہی کر رہا ہو کہ شاید آپ اس **
کی تصویر کے ساتھ اس کے فن ڈرائیوری کی تشہہر کا فریضہ انجام دے چکے ہوں اور عید کے بعد کراچی سے جوق
درجوق لوگ راولا کوٹ پہنچ کر اس سے رابطہ کرنے کے خواہشمند ہوں ۔
مظفر آباد کے ناقص کھانے کے حوالے سے میں بھی ماضی میں ایک تلخ تجربے کا سامنا کر چکا ہوں لیکن اس کے
تذکرے سے قبل مجھے ایک لظیفہ یاد آگیا ، یوسف زئی خان تو آپ بھی ہیں ، سوچ رہا تھا کہیں یہ لطیفے والا
معاملہ ہی آپ سے بھی سرزد نہ ہو گیا ہو ۔
ایک خان صاحب شہر سے دور دراز کسی گائوں میں رہتے تھے، انہیں چاکلیٹ بہت پسند تھی ، شہر سے کوئی
بھی آتا تو ان کیلئے چاکلیٹ کا تحفہ ضرور لاتا ، ایک دفعہ اتفاق سے ان کا بھی شہر جانا ہو گیا، ان کی خوش
قسمتی کی انتہا ملاحظہ ہو کہ ایک ریڑھی پر چاکلیٹ کے بڑے بڑے بلاک فروخت ہو رہے تھے اور وہ بھی ان
کی توقع سے کہیں زیادہ کم قیمت میں، انہوں نے جھٹ سے ایک کلو چاکلیٹ خرید لی ، پیک کروا کر واپس
گائوں پہنچے اور بڑے فخر سے اس کے چھوٹے چھوٹے تکڑے کر کے کھانا شروع کر دئیے لیکن یہ سستی چاکلیٹ
انتہائی بد مزہ تھی کہ ان سے اسے نگلنا بھی دشوار ہو رہا تھا ، جیسے تیسے وہ اسے کھا تو رہے تھے لیکن منہ
سے مسلسل جھاگ بھی باہر نکل رہا تھا۔ گھر میں سے کوئی بندہ ادھر آیا اور ان کی یہ حالت اور
سامنے رکھے ہوئے کپڑے دھونے کے کالے صابن کے ٹکڑے دیکھے تو اپنا سر پیٹ لیا، کہ بھائی تم یہ صابن کیوں
کھا رہے ہو ، خان صاحب نے منہ سے جھاگ اڑاتے ہوئے بڑی معصومیت سے جواب دیا " خو ۔ ہم صابن نہیں
کھا رہا اپنا پیسہ کھا رہا ہے "، اپنے میزبانوں کی شاندار دعوتوں کے بعد مظفر آباد کے ہوٹل کا یہ ناقص کھانا
کہیں اپنے پیسے کھانے کے چکر میں تو نہیں کھاتے چلے گئے خان صاحب ۔
**اپنے 2004 کے سفر کے دوران اسی طرح مطفرآباد کے ایک ہوٹل سے رات کے کھانے کیلئے کچھ تکے اور سیخ کباب **
وغیرہ پارسل کروا کر ہم اپنے ہوٹل لے گئے۔ صبح میری ایک بیٹی کی طبیعت کچھ خراب ہو گئی، اگلے روز ہم
پیر چناسی کی سیر کو گئے ، وہاں بھی دوپہر میں کچھ پکوڑے وغیرہ کھائے جنہوں نے رہی سہی کسر بھی
پوری کر دی، دوبارہ مظفر آباد پہنچنے تک بیٹی کی طبیعت بہت خراب ہو چکی تھی، صبح ٹیسٹ کرایا تو
پتہ چلا کہ اسے ٹائیفائیڈ ہو چکا ہے۔
** اس طرح مظفر اباد کے ان ناقص کھانوں نے ہمیں تین دن تک اس شہرخراباں میں قید کر لیا کہ**
** ڈاکٹر کی ہدایت کے مطابق ہم تین دن تک سفر کرنے کے قابل نہ تھے۔ شکر ہے کہ آپ**
نے مظفر آباد سے آگلی منزلوں تک روانگی سے قبل ہی وہاں کا کھایا پیا وہیں اگل دیا ۔ اگر پیٹ میں ہی رہ
جاتا تو شاید شاردا جانے کے بجائے ہماری طرح مظفر اباد میں ہی کچھ دن تک قید بھگت کر واپسی کی راہ
لینی پڑ جاتی۔
میرا آج تک مظفر آباد کے آگے اپر نیلم کی جنت نظیر وادیوں کی طرف جانے کا اتفاق نہیں ہوا ہے، دوستوں سے
ان وادیوں کے حسن کا بہت چرچا سن رکھا ہے اور پھر شاردا کی خوبصورتی کا جو نقشہ آپ نے اپنے سفرنامے
میں کھینچا ہے اور بطور ثبوت جو تصویریں بھی تحریر کے ساتھ نتھی کی ہیں اس نے ان علاقوں کے دیدار
**کی آتش شوق کوبہت بھڑکا کر رکھ دیا ہے۔ **
آپ کے اس سفر کے حوالے سے ہمیں ایک زوردار قسم کی شکایت بھٰی اپ ہی کی ایک حرکت کی بنا پر لاحق
ہوئی کہ بالی وڈ کے مشہور ہیرو شترو گن سنہا کو آپ نے اپنے سفرنامے کی فلم میں انٹر ویل سے پہلے انتری
نہیں دی لیکن بہرحال آپ نے انٹر ویل کے بعد تواتر سے ان کی چند تصویریں لگا کر کسی حد تک ہماری شکایت
کا ازالہ کر دیا، سو ہم اپنی یہ شکایت واپس لے لیتے ہیں۔ لیکن ہیروئن کے بنا ہیرو کو سفرنامے کے پردہ سیمیں
پر دیکھ کر جو تشنگی کا احساس ہوا وہ بدستور اپنی جگہ قائم اور دائم ہے۔ غالباً یہ تشنگی جو مجھے اس
سفرنامے میں محسوس ہوئی وہی شاید آپ دونوں کیلئے بھی ایک خلش بن کر رہ گئی، خاص کر شاردا کے
ابر الود ، سہانے اور رومانٹک موسم اور پھر گنگناتی ندیوں اور جھرنوں کنارے موبائل فونز میں بجنے والے
**پرانے گانوں نے آپ دونوں دوستوں کے دلوں کو اپنی جیون ساتھیوں کے اس سفر میں ساتھ نہ ہونے کی بنا **
**پر کچھ افسردہ کر دیا۔ بادلوں نے آسمان کے چاند کو تو چھپائے رکھا ہی تھا ،زمین کے چاند آپ کے **
ہمسفر نہ تھے ،،یہی کیفیات اپ کی تحریر سے بھی عیاں ہوتی ہیں کہ ان دونوں چاندوں کے نہ ہونے کے
سبب مناظر کی خوبصورتی میں اداسی کا رنگ حلول کرتا چلا گیا اور قدم اگلی منزلوں کی طرف بڑھنے
کے بجائے واپسی کے سفر کیلئے مچلنے لگے ۔ بےشک یہ بے چینی اور اضطراب انسان کے احساسات کو یکدم سے
توڑنے پھوڑنے لگتا ہے ۔ اس کا اندازہ مجھے اپنے جاپان کے دو سالہ قیام کے دوران بہت اچھی طرح سے ہو
چکا ہے۔
وہ موسم بہار کی ایک شب تھی جب مجھے اپنی زندگی کی ہمسفر اور تین معصوم بیٹیوں کو چھوڑ
کر جاپان جانا پڑا تھا ۔ ایک ڈیڑھ مہینے بعد ہی میری جو کیفیت تھی اس کو الفاظ میں بیان کرنا بہت
مشکل ہے ، ایک سال بعد جب اگلا موسم بہار آیا تو میں نے اپنی ان کیفیات کو ایک آزاد نظم کی صورت
میں لکھا تھا ، نظم تو خاصی لمبی ہے صرف ایک دو شعر یہاں لکھتا ہوں۔
ہاں مجھے یاد ہے وہ سال گزشتہ کی بہار
موسم گل میں بچھڑنے کا وہ منظر جاناں
پھول کھلتے ہیں یہاں بھی مری ہمدم لیکن
میرے احساس پہ چھایا ہے خزاں کا موسم
روز چلتی ہے یہاں پر بھی وہی باد بہار
روز جلتا ہے ، جھلستا ہے ، سلگتا ہے ذہن
سفرنامے کے آخر میں بالکل میری طرح آپ کے اندر بھی چھپے ہوئے نٹ کھٹ بچے نے اچانک گھر کے دروازے
پر پہنچ کر پیاری بیٹیوں اور اپنی زندگی کی ہمسفر کو حیران کن خوشی کا جو تحفہ دیا اس اچھوتے منظر
کے تصور نے میری بھی آنکھیں نم کر دیں ۔
ایک مختصر سفر لیکن اپنے سفرنامے کو اردو ادب کے معیاری اور مزاح کے چٹپٹے مصالحوں سے آپ نے بہت
**مزیدار بنا دیا ، سونے پر سہاگہ یہ کہ جگہ جگہ خوبصورت اور بر محل اشعار سے تو آپ نے سفرنامے کو **
بگھار کا بہترین تڑکا بھی لگا دیا۔ بس صاحب قصہ مختصر یہ کہ آپ کا یہ سفرنامہ پڑھ کر اتنا لطف آیا کہ
کشمیر کی ان جنت نظیر وادیوں کے سفر کی روداد کا مزا دوبالا ہو گیا۔

[pmww02]

بوہت خوب لکھتے ہیں آپ ، اگلی بار ذرا کافرستان کا چکر لگا لیں ، وہاں جاکر آپ کو لکھنے کے لیے عجیب و غریب چیزیں ملنگی اور دیکھنے کے لیے جنگل پہاڑ اور خوبصورتی وافر مقدار میں ملیگی اور خاص طور پر ان لوگوں کی روایات آپ ہمیشہ یاد رکھیںگے

[musafir1]

شعر میرے بھی ہیں پردرد ولیکن حسرت
میر کا شیوہِ گفتار کہاں سے لاوں؟؟؟؟؟؟

جناب عبدالوحید طارق صاحب!! آپ کا قیمتی وقت نکال کر ریویو تحریر کرنے کا شکریہ، ہم نے تو آپ کی امامت میں نماز نفل ادا کی ہے کہ پاک وہیلز پر اردو میں سفر نامہ تحریر کرنے کے امام تو آپ ہیں۔
یہ بات آپ کی درست ہے کہ ہمیں ہر جگہ لوگ محبت والے ملے، کئی ملکوں کے سفر کے بعد میں اس نتیجہ پر پہنچا ہوں کہ ہمارا ملک اور لوگ بہت اچھے ہیں۔۔۔۔۔۔۔۔۔بس فقدان اچھی لیڈر شپ کا ہے۔
استاد تو استاد ہی ہوتا ہے، یہ ہماری سعی تھی اس ڈرائیور کو گالم گلوچ سے بچانے کی۔
آپ نے ٹھیک کہا۔۔۔۔ ہم نے واقعی مظفرآباد میں پیسے کھائے۔
آپ کی شکایت سر آنکھوں پر لیکن اس کی وجہ لوگوں کی آتشِ شوق کو بھڑکانا تھا تبھی مبشر کو اتنی دیر سے پیش کیا۔ آپ کی اس سے ملاقات کراوں گا۔۔۔۔۔۔۔۔۔آپ کو بھی پسند آئیں گے اپنی سادگی کی وجہ سے۔
بہت عمدہ اشعار ہیں آپ کے جناب!!
ہم اپنوں کو بڑی بڑی خوشیاں دینے کے انتظار میں چھوٹی چھوٹی خوشیوں سے محروم کر دیتے ہیں۔۔۔ اچانک پہنچ کر اہلیہ اور بچوں کو نہ صرف نہال کیا بلکہ انہیں یہ بھی احساس ہوا ہو گا کہ وہ ہمارے لئے کتنے اہم ہیں۔
ایک مرتبہ پھر شکریہ

شکریہ جناب pmww02!!
ہم ضرور کافرستان کو اگلی مرتبہ شاملِ سفر کریں گے۔۔۔۔لگتا ہے کہ کوئی حسین یاد آپ کی بھی وابستہ ہے وہاں سے۔۔:D

[Usmani574]

Bohat Zaberdast Thread Sir. apka andaze beyan alla hai. umeed hai next year KKH ka thread milay ga isi andaz e biyan main.

[fayyazather]

Professor sb, really fantastic way of describing your journey. Me also visited Nelum valley till Tau Butt with my family in July 2014. When we arrived in Tau Butt, we think (Paisay Poray ho gae). Journey is difficult but earning is much higher.

Any friend can HELP me ?
Me planning a 4 day visit From Lahore to Rawalakot from 20th July to 23rd july.
Where should we go ?
Places of visit ?
Thanks

[musafir1]

thnx 2 all
Usmani574
fayyazather

pmww02

[haroonmcs26]

مجھے بہت افسوس ہو رہا ہے کہ اتنا زبردست سفر نامہ میں اب تک نہیں پڑھ سکا۔ آپ کا تہہ دل سے مشکور ہوں کہ آپ نے اس کا لنک بھیجا ورنہ ہم ان لمحات کے احساسات سے جو آپ نے وہاں گزارے محروم رہ جاتے۔ انداز تحریر بہت دلچسپ ہے ۔آپ کی تحریر میں کہیں سنجیدگی اور کہیں ابن انشاء کی جھلک نظر آتی ہے اور کہیں لکھنو والوں کی مروت بھی نظر آتی ہے جس نے آپ کو اس قابل بنایا کہ دوست کے خراٹے تو برداشت کیے لیکن اس کی نیند خراب نہ کی۔ میں بھی بہت سے لوگوں کے ساتھ پہاڑی علاقوں کے بہت سے سفر کر چکا ہوں اوریہی سیکھا ہے کہ اگر آپ اپنے سفر کو خوشگوار رکھنا چاہتے ہیں تو آپ کو اپنے ہمسفروں کی کئی خامیوں کو برداشت بھی کرنا پڑے گا ورنہ سفر کے دوران تلخیاں بھی جنم لے لیتی ہیں۔ میں اب تک کشمیر نہیں جا سکا اس لحاظ سے بھی یہ تحریر پڑھ کر بہت سی معلومات کا اضافہ ہوا۔
اس سفر میں آپ نے اپنے گھر والوں کو بہت مس کیا جو کہ ایک فطری بات ہے۔ گھر اور گھر والی کی موجودگی میں جو آرام اور سکون کا احساس ہوتا ہے وہ ان کی غیر موجودگی میں کہاں۔ لیکن ایک بات ضرور ہے کہ اگر وہ بھی ہم سفر ہوں تو آپ انکی سیفٹی کو مد نظر رکھتے ہوئے کئی ایڈونچر ز سے لطف اندوز بھی نہیں ہو سکتے۔ اگر خاتون خانہ ہم سفر ہو تو ہر چیز کا خیال رکھنا پڑتا ہے۔ جیسا کہ آپ نے عبدا لوحید صاحب کے سفر ناموں میں دیکھا کہ کئی جگہوں پر وہ آگے بڑھنا چاہتے تھے لیکن پھر ہمسفر کی تکلیف کا خیال کرکے اپنا ارادہ ترک کر دیا۔ لیکن جہاں کچھ نقصانات نظر آتے ہیں وہاں شریک حیات کے ساتھ پہاڑی علاقوں میں گزارا ہوا وقت حسین یادوں کی صورت میں ساتھ بھی رہتا ہے۔
کھانے سے متعلق میں آپ کے نقطہ نظر سے بالکل اتفاق کرتا ہوں کہ سادہ کھا لو لیکن اچھا کھا لو۔ اسی وجہ سے میری بھی کوشش ہوتی ہے کہ جب میں ان علاقوں میں سفر کیلئے نکلوں تو دانا پانی ساتھ لیکر نکلوں ۔
ویسے آپ کے طنزو مزاح کے درمیان ہمیں اپنی شریک حیات سے محبت کا درس بھی ملتا ہے یعنی سفر نامہ تحریر کرتے ہوئے بھی آپ پروفیسری سے باز نہیں آئے۔
آخر میں ایک بہترین تحریر لکھنے پر اور اپنے سفر میں ہمیں بھی شامل کرنے پر ہم آپ کا شکریہ ادا کرتے ہیں۔

[nomee2004]

bohat he khoob bohat achi tehreer hai app ki maza aa gya and great tour...

[syed_mail]

maza agya sahab....

[musafir1]

برادر ہارون
آپکی پسندیدگی کا شکریہ
آپ خود اہل زبان نہ ہونے کے باوجود بہت عمدہ اردو لکھتے ہیں
میں سفر تو اب بھی خوب کرتا ہوں لیکن کراچی کے بائکرز کے
ایک گروپ کے ساتھ خنجراب تک کے سفر کی تلخ یادوں کے سبب (جنکا ساتھ میں پنڈی تک ہی برداشت کر پایا ) پاک وہیل پڑھنا اور لکھنا دونوں فی الحال ترک کر چکا ہوں اس لئے آپ کی تحریر پر جواب بروقت نہ دے سکا
سفر میں اگر ہم سفر اچھے ہوں تو راستے بھی منزل کا مزا دیتے ہیں اور مبشر تو ہمارے ہم پیشہ دوست ہیں
فیملی کے حوالے سے میں آپ سے متفق ہوں کہ ان کے ساتھ احتیاط بہت کرنا پڑتی ہے
آپ کی تعریف کا ایک مرتبہ پھر شکریہ

[musafir1]

برادرم نعمان اور مزمل
آپ کا بھی شکریہ
یونہی مزا لیتے رہیں زندگی سے تو زندگی حسین لگتی ہے ورنہ تلخ