Rama say hum subha 5 bajjay niklay hum nay nashta nahi kiya . Lakin humaray pass cooking ka Sara saman mojood tha. Es liay socha k astore say nikal kar kisi achi jaga per chai bani jayie aur bread humaray pass thee and eggs .
Es liay namaz perh kar nikal parray. Meri family bhee khoob tough and strong hay Mashallah. Yani hum log 10 hours bhee drive kar saktay hain.
jab hum log rama say nechay utray tou Abhee bazar khulla nahi tha . Hum nay bazar say nikaltay hi pso ka petrol pump hay petrol dalwaya Aur manzil ki taraf chal parray.
Subha nikalnay ka faida ye hota hay k traffic kam hoti hay.
Astore cross kiya tou road kahien kahien bohat kharab thee kuch fasla tay kiya tou patta chala k tyre puncture hogaya hay . Erd gird abadi bhee nahi thee lakin manzar khoobsurat tha, es liay jeep aik taraf kar kay tyre change karna start kiya. Aur begum ko chai ki farmaish bhee kar dali, begum nay stove per pehlay eggs banayie phir chai, aur hum nay wahan nashta kiya.
Mei Aur meri family en chezoun say ghabratay nahi, etna travel kiya hay k ab routine lagta hay sab kuch
Nashta kar kay phir jeep ko start kiya Aur apni manzil ki rah li.
