[RIGHT][U]اختتامیہ
[/U]الحمد و للہ،میرا سفر کامیابی سے اختتام پذیر ہوا،اس میں میں نے بےانتہا انجوائے کیا باوجود اس کے کہ میں اکیلا
تھا،اگر میں ساتھی کا انتظار کرتا رہتا تو شاید یہ سفر کبھی پائہ تکمیل تک نہ پہنچ پاتا،اصل مسَلہ بائیک خریدنے کی
حد تک تھا،جوں ہی خریدی،ٹور کو فائنل کردیا۔چونکہ اس سفر پر اللہ کے سہارے نکلا تھاتو اللہ نے قدم قدم پر
میری مدد فرمائی،اگر آپ میرا یہ سفرنامہ دوبارہ سے اس نقطہ نظر سے پڑھیں تو آپ کو صاف نظر آءے گا کہ
کس طرح اس نے میری مدد فرماَئی۔
میں ایک ایک کرکے بتاتا ہوں کہ کس طرح اللہ کی مدد میرے شامل حال رہی،،جیسے
اوپر جاتے ہوئے سفر میں میں اس الجھن کا شکار تھا کہ بالا کوٹ جانے کے لئے مجھے پہلے بس اڈے تک جانا
ہوگا وہاں لوگوں سے پوچھ کر بالا کوٹ کا راستہ اختیارکرنا ہوگا، کیوں کہ اب تک ہم ویگنوں اور بس کے ذریعے
ہی سفر کرتے آءے تھےاور مجھے بس یہی راستہ پتا تھا،اس کے لئے مجھے پورے مانسہرہ سے گزرنا پڑتااور یہ
میری طبیعت پر گراں گزرہا تھا۔اس موقع پر اللہ نے موٹر سائیکل ایسوسیشن آف پاکستان کے بائیکرز کے ذریعے
مدد پہنچائی۔ بالا کوٹ میں اس نے میری مدد کے لئے مسجد کے پیش امام صاحب سے دوستی کروائی،انہوں نے
ایک ایسی آفر کی تھی کہ اس کا کوئی جواب ہی نہی،انہوں نے کہا تھا کہ اگر آپ کو بائیک کے حوالے سے کوئی
مسئلہ پیش آجاے تو بس آپ مجھے فون ۔کردیجئے گا اور بائیک وہیں چھوڑ کر آجائے گا،، سوچئے کتنی بڑی
مشکل آسان ہوگئی تھی میری،اور کیا چاہئے تھا مجھے اس ٹور سے پہلے تک میں زیادہ سے زیادہ بٹہ کنڈی تک
گیا تھا،اس سے آگے کا سفر میرے لئے انجانا تھا،اس موقع پر اللہ نے آصف صاحب اور فاروق صاحب کو میری
مدد کے لیے بھیجا،جو پہاڑی علاقوں کے ماہر تھے۔ گلگت میں عطاءالرحمان صاحب نے جس طرح پذیرائی کی
اور ہنزہ ویلی میں ہر طرح کی مدد کی پیشکش کی تھی ،،انمول،،کتنا حوصلہ ملا ہوگا مجھے ذرا سوچئے؛؛؛
کریم آباد میں جب باءیک کا کلچ لیور ٹوٹ گیا تھا تو کس طرح اللہ نے سلیمان صاحب کو بھیجا،ساری عمر احسان
مند رہوں گا انکا۔پوری زندگی جب بھی میں نے ٹرین کا سفر کیا ،ایسی نیند کبھی نہی آئی جیسی اس دفعہ آئی آتے
اور جاتے دونوں وقت۔ ٹرین کے دونوں سفر میرے لئے بہت آسان بنادئے گئے الحمدوللہ
ٹور پر کتنا خرچہ آیا خیر اس کو تو جانے دیجئے، راولپنڈی سے خنجراب اور وہاں سےواپس پنڈی تک بائیک کا
فیول کا خرچہ رفلی چار سے ساڑھے چار ہزار روپے تک کا آیا،یہ حساب میں نے گھر آکر لگایا تھا ہوسکتا ہے
۔کہ صحیح نہ ہو لیکن قریب قریب اتنا ہی فیول لگا،۔
[/RIGHT]