Khunjerab puhunctay he aik sense of achievement mehsoos hoti hai. main nay Pakistan kay kaafi borders visit kiyay hain (Wagah border, Teetwal sector, Keran sector, Nagar parkar, Run of Kutch) but most developed yahi hai. Yahan Wagah wali tension nahi hoti lekin border tou border hota hai lehaza behtar hai kay aik safe distance rakha jaye. Kuch arsa pehlay jabb Khunjerab itna rush nahi hota tha tourist China boundary kay andar bhi chalay jatay thay lekin tourist ki barhti hui tadad kay paish-e-nazar abb border say thora dor rook letay hain. Pehlay gari agay lay janay detay thay lekin abb gari qareeba 800m dor park hoti hain
Yahan par kafi thand thi. Main nay taqreeba 20 min yahan par guzaray. Kafi logon say mulaqat hui aur jabb unhein pata laga kay main akela CD 70 pay aya hoon they were like WHAT??? Abb wapsi ka qasad kia kiyun kay main aaj raat Attabad kay kinaray camp lagana chah raha tha. Dosra bike ki chain guzara tou kar rahi thi lekin main ehtiyat say wapis ja kay kisi mechanic say check karna chah raha tha lehaza wapsi ka qasad kia