Assalam o alikum,
At the end of Ramzan me and my Friend Yasir decided to spend our Eid Holidays to explore the beauty of Pakistan and make our life adventureous tour on Bike So we were thinking on it and conclude the three possible ways to start our journey,
1) Travel all the area from karachi to Khunjerab pass on bike.
2) Load our bikes on train and go to rawalpindi by train and then cover all the areas on bikes.
3) Load our Bikes on Bus and go to Mansehra directly and start our journey.
Our trip detail is,
Day 1) Karachi to Mansehra
Day2)Mansehra to Balakot-Kiwai-Shogran
Day 3)Shogran to Naran-Lake saifulmalook-Ansoo Lake
Day 4)Domel-Lulusar Lake-BabusurTop-Chillas
Day 5)Chillas to Astore-Rama Lake
Day 6)Gori kot-Rupal-Nanga Parbat base camp
Day 7)Chillum-Deosai National park-Sheosher lake-Sadpara lake-Skardu.
Day 8)Shigar Fort-Shangrilla Resort-Upper Kachura lake-Jaglot
Day 9)Gilgit-Rkahposhi-Altit fort—Eagle Nest-Nagar Valley-Attabad Lake-Passu-Batura-sust
Day 10)Sust to Khunjerab Pass-Back to Jaglot
Day 11)Jaglot To Mansehra-Rawalpindi
Day 12 )Train
Day 13)Reached Karachi at 11am
.
So this is our whole trip details we choosed option 3 because all other option is time wasting. We left karachi at 5am of Eid 2nd day.And we reached mansehra in the morning of Eid 3rd day and take little rest on our friends home have breakfast at the hotel, back to our friends home pack all the stuff and start our Journey towards Balakot...
This is the top place of Mansehra you can see the whole city at this point.At the end of this road a petrol pump we full our tank,From this point two ways go to balakot one road is from main Mansehra city and other one is by pass,we used by pass,
We reached Balakot around 1pm so many peoples are there they came from different city to enjoy Eid holidays.
Offering namaz e zohar,buys some jucies and cookies take some rest and move towards Kiwai,Its such a nice place specially for different style of agriculture step by step on mountains.
This is the most famous place in Kiwai Abshaar Cafe..
We enjoy this place and move towards shogran,We reached shogran around 5pm,feeling cold weather was clear lots of people are here,
The specialty of Shogran is a huge ground on the Top of Hill,You can see Makra peak from here and it is the base of Siri,Paye.
Have some Tea and snacks...
After sunset temperature is decreasing weather was changed we can touch the cloud easily.
When we came out from masjid, rain was started we decided to move down its bit harder to ride in the night but we did it.
Or Ye woh masjid he jis k bahar hum ne rat guzari thi or ye rat hum kabhi na bhola sakenge..
Barish ne jahan wahan ki khobsorti me izafa kardia tha wahin hum bike walon ki pareshani me izafa kardia tha subha bari mushkil se bike start ki or is masjid k ander jaen to dosri trf jo khirkiyan khulti hen wahan se ap ko ye mashoor kardene wala manzar dikhai dega.
Stuck in the traffic on the way of Lake saifool malook.
Is rush ko cross kerne k bad phr jeep ka safar start hota he log apni garian park ker k jheel tk jeep pe jate hen lekin hum ne faisla kia k hum bike pe hi jaenge or rawana hogae,Agy ka rasta kafi dushwar tha bike pe uchal uchal k halat ti8 hogai phr bhi humne kuch jaga ruk k pictures li..
Or ye wo glacier he jise her saal kat k jheel tk jane ka rasta banaya jata he is k bawajood bhi yahan per gariyan phansti hen..
Or ye hamari bike glacier k sath..
Khushi ka ik ehasas jo apni manzil pe pohanchy per hota he hamari sari thakan door kardi..
or is jheel ka ik aisa manzar jo apko mabhot karde...
Hum ne apni bike jheel se hori door khari ki or wo sare kapry or sleeping jo barish se bheeg gae thy nikal k bike k oper sookhne k li dal dia,
or is k bad hum ansoo jheel ki janib rawana hoe...ansoo jheel ka rasta kafi dushwar or kafi lamba tha lekin is raste me ane wale haseen manazir nihyat hi dilkash hen...
oonchy oonchy pahar or un k darmiyan badalon ka baseera...
or is glacier k thandy thaar pani ko cross kerna asan nahi tha pehli koshish ki nakami k bad hum ne khachar pe beth k cross kerne k faisla kia,yahan k maqami bandy 50rs lekar is paani k naaly ko cross kerwaty hen.
Or phir yasir ne himmat har di us k sir me dard start hogaya or wo thak k beth gaya....
Hum ne jheel saiful malook se taqreeban 3 ya 4 ghanty tracking ki thi or takreeban 1hr ka rasta baqi tha lekin yasir ki tabiyat kharab hone or barish ki waja se nahi ja sake..
.
Hamari mulakat kuch logon se hoi jin ka talluq swat se tha in se mulakat isi track pe hoi thi.inki himmat ko dad dena chahia k jis glacier k pani ko humne khachar pe beth k cross kia inlogon ne usko chal k cross kia...
Ansoo lake se wapis ane k bad humne rat naran me guzari rat k khane me badmazah biryani or daal mash khai.Next morning uthe zaberdast kism ka nashta kia or phr babusar top ki janib rawana hue.Raste me yasir k bike ne daga dia pehle chain toti,phr chain spocket ka bearing,Toe ker k wapis naran lae bike banwai is me 2,3 ghante hamare zaya hogae.
Naran ki khobsorat wadi me dariya e kunhar k sath ik selfi...
babusur k raste me ik kafi bari or khobsorat abshaar he jiska pani road pe kafi tezi se behta he bike pe cross kerte hoe aisa lagta he k bike bhi beh jaegi..
Babusur top ki janib jate hoe kuch selfies or khobsorat manazir...
is wadi me bohat se aese manzr hen jo apki tawajju apni janib khenchty hen un me se ik ye jheel bhi he jise lulusur lake k nam se jana jata he....
Hum jb is jheel pe pohanchy to us waqt drizlling ho rahi thi jis ne is ki khobsorti me izafa kardia tha...
Kuch lamhey hum ne yahan pe enjoy kia phr sardi lagne lagi or barish k tez hone k khayal se agy ki rah li....
Or kafi lambi ride k bad bil akhir babusur top pohanch gae taiz hawaon ne or less then 8 temperature ne hamara istiqbal kia,so pohanchty hi hum ne bike side pe lagai or chai or pakoron ki shop k ander ghuss gae..
Body ko normal temperature pe lane k bad chai or pakoron pe hath saff kia phr bahar nikal k atraf ki khobsorti or is onchai pe khare ho k chahar janib pehle hoe is pahari sislsily or glaciers k sislsily se mehzoz hoe..
is tasveer me ghoor se dykhen to back pe glaciers ka silsila he jo kafi door tk pehla hua he,Jesa k Allah pak ne Quran me farmaya k hum ne paharon ko zameen me meinkhon ki trah gaar rakha he jis ki waja se ye kainat balance he...
or ye woh rasta he jis pe se neechey k janib ka safr bhi kafi mushkil he or oper to bike is speed me chalti he k is se behtar he k banda pedal chala jae...
Babusur se jb hum nikalne lage to sham dhalne lagi thi,or hamary ik dost jo chillas k rihaishi thy karachi university me acha sath rha tha un k sath hamary muntazir thy,.
Or ye hen hamary Masood bhai jin ki Mezbani Lajwab thi,Hmary lia rehaish ka bandobast kia rat k khane me Karhai se hamari tawazu ki,sone ki behtareen jga provide ki or hamary wo kapry jo bheeg gae thy usko hume yahan pe khushk kerne ka moqa bhi mil gaya jo agy hamary lia kafi kam aya.Rat me in k chat pe beth asman pe jhilmilate sitare dekhne ka moqa mila jo hamary lia dilchasp tha,
Next morning Masood bhai ne ik ache se hotel me zaberdast nashta kerwaya,In ki yahi mezbani in k elaqe ko or bhi khobsorat banati he.
Nashty k bad humne apne safr ka dobara aghaz kia yasir ki bike ka break showor thora kam th awo sahi kerwaya phr safr ka aghaz kia to chillas se jese hi shahrah e resham pe ae yasir ki bike puncture hogai,hamari khushnasibi k puncture ki shop bilkul samne thi,lekin ouncture lagane wal anari tha kafi time zaya kia us ne hamara or tube change kerwani pari lekin dono shop wale ne hamari mezbani ki or cold drink pesh kia or hamary karachi se ane ka sun ker woh bohat hairan or khush hoe,
Fairy meadows jane k lia humne yahan per kafi wait kia lekin hume koi gari nahi mil saki jis me hum adjust ho sakte Jeep wale 6000 mang rahe thy agr sirf hum dono jate to kafi expensive parta lehaza hume kafi wait kia k koi aisa group nahi mila,phr humne faisla kia k giglit ki trf chala jae.Safr ka aghaz kia thora agy gae to ik direction borad laga hua tha jis pe right side ka turn astore se skardu ki trf jata he or straight road giglit ki trf me ne foran faisla kia k pehle astore se hote hen skardu jaenge phr gilgit to hume apni bike astore wale road pe turn kardi road thora kacha tha dono trf khush pahar or bech me darya..
is pull pe kuch tasveren li agy barhe to garmi ziada thi yahan piyas lagne lagi or hamari bottle khali,safr jari rakha thora agy gae to ik bike peechy se ati nazr ai humne use awaz de kar ruka,pani ka poucha to us ne batya k gaon to abhi kafi door he mene suna he k yahan per ik chasma he lekin kabhi pani pia nahi he us ne hum se bottle li o pani ki talash me nikal gaya hum bike k pas beth k us k wait karne lage takreeban 15 min bad wo shaks pani lekar agaya humne in ka shukria ada kia ik selfi li or agy ki janib rawana hogae..
Agy jane k bad pta chala k ye yahan ki police me hen ye sun ker hume bari heirangi hoi hamary zehan to bs karachi ki police hi thi zehan me.
Is pull k samne ik turn he wo bohat dangerous he garian bari mushkil se guzarti hen agr speed ziada hoto seedha darya me ja k gire ga,
Yahan pe tourist depart k office k sath ik hotel tha yahan beth k chai pi thora aram kia or phr agli manzil jo k Rama lake thi uski janib rawana hoe.
Rama lake ka rasta bohat khobsorat he lekin magrib k waqt qareeb tha or us se pehly hume lake per pohanchna tha to hum ne raste me tasveeren nahi li or safr jari rakha,INSHA ALLAH phr kabhi jaonga is trf...Ye he Rama lake lekin magrib hone ki waja se sahi capture nahi ho saka..
Yasir ka israr tha k Rat yahan pe camping ki jae or subha is lake ki khobsorti ko dykha jae,Lekin time ki shortage k bais mene faisla kia k abhi neechy chala jae.Ik hotel me jb fairy medow na ja skne ka bataya to unhone kahan k agr nanga parbat k base camp jana he to us ka ik alternative rasta he jo trishing se hote Rupal or upper rupal se base camp pe jata he.Rat humne faisla kia k nanaga parbat k base caamp jaenge or phr sogae...Next morning nashta ker k agy rawana hoe or ye trishing ki janib jate hoe pehli selfi...
Or trishing ki khobsorat wadi k kuch manazir...
Itni khobsorat dunia banai he Allah Pak ne to Jannat kitni khobsorat hogi....!
Kafi der riding k bad aram k lia ik darkhat k neechy bike lagai to Wahan k kuch buzurg bhi hume dykh k agae unse achi gup shup rahi bare sada log or mehman nawaz jb unhe bataya k karachi se ae hen or base camp ja rahe hen to unho ne foran kaha k kisi bhi cheez ki zarorat h to baten or rat me rukna ho to ye samne hamar ghr he ajana hum ne inka shukria ada kia or apni manzil ki janib rawana hogae..
Or ye hamari bike Yahan se Nanga parbat ka back side nazar a rha he, is se age bike lekar jana kafi mushkil tha lehaza hume ne bike yahan per side me khari kardi
...
Is k bad Rupal village ka aghaz hojata he bohat khobsorat gaon he,Dil kerta tha k band bs yahin ghoomta rahe her fikar se azad ho ker...
Tasveeren jaga jaga lete hoe hamara safar jari rha..
Or ye he Rupal village.
Or ye Glacier he dykhne me aisa lagta he jese bs normal pahar hen lekin jb thora agy gae to dykha k kuch khawateen ik garhe me pathar se kuch toor rahi hen qareeb ja k pta chala k ye braf k tukrey yahan se tor rahi hen.
Yahan se guzarte hoe hoe khusbo ka aisa jhonka ata he jo ap ko madhosh karde lekin hum ne apne ap ko hosh me hi rakha.Mukhtalif rang o boo k phol kafi door tk phele hoe hen is jaga..
Ye upper rupal ka ik ghar he wahan ziada tar ghar isi trah pathar se bane hoe thy jb k neechy rupal me pakke ghar thy...
And this is the first base camp of Killer Mountain Nanga Parbat..
In front of The Killer Mounatin Nnaga Parbat with a guide,such a nice person.
In rank 9th highest mounatin in the world...
Automatically you will fall in Love The beauty of the nature...SUBHAN ALLAH
Yahan se wapis bike tk pohanchny me 2 ghanty lage hume magrib hone wali thi hum ne foran wapsi ki rah li kion k kuch charhai kafi khatrnak thi jise andhere me cross kerna kafi mushkil hota kher hum magrib tk Trishing k qareeb pohanch gae or night stay kerne k lia Gori Kot k ik hotel me ruk gae..
Or Yasir camp me rawangi ki tayyari kerty hoe..
Gaon lamba chasma k school ki assembly ka manzar..
Army check post near chillum choki.it is the last village before Deosai Plains...
Finally reached Deosai plains what a place....
Sheoser Lake in deosai plain,local people also called it Dil lake becuase of its hearts like shape
Ye Hasnain bhai hen inka talluq karachi k elaqe defence se he family k sath ae hoe thy,Kafi der gupshup rahi in se.
Kala Pani in Deosai Plain
Inhi raston pe chal ker jo a sako to aao.
XP desktop picture ''Love Deosai''
Bara Pani
@Deosaior finally we reached skardu a beautiful sadpara dam.
Magrib tk hum skardu k main bazar tk pohanch gae ik hotel me jo main chock k sath hi tha wahan pe mazaidaar khana khaya or us k bad un se request ki k hume kisi hotel me room arrange kerwa den hotal k owner jinka name ibrahim tha bohat hi acha banda tha us ne kafi jaga call ker k koshish ki k hume room mil jae lekin her jaga book tha to us ne apne hotel me hi ik room arrange kia or kaha k ap hamary mehaman ho ap idhar hi ruk jao or usne us k koi charges bhi nhe lia...Morning at skardu..
subha takreeban 6.30 ya 7bje hum apna saman isi hotel me chor k ik bike pe hi shigar fort k lia rawan hogae or jb hum 9bje jb nashty k lia neezhy gae or batay k shigar fort dykh ae hen to wo bhi bara hairan hua k intni jaldi or subha subha ja k bhi agae hamara khaplu jane k prog tha lekin agy k safar kafi ziada tha to usko hum ne next time k lia skip kardia..
or ye ibrahim bhai hen jinhone mushkil waqt me sath dia or ik achi jaga rehne k lia di Allah pak in k karobar me barkat ata farmaee.
A cultural Heritage mosque near Shigar fort...or skardu se shigar k rasta Khobanion k darakht se bhara hua he ap jitni chahen toor k khaen koi ap ko mana nahi karega bs zaya na kare...
is k bad hum mechanic ki shop gae or yasir ki bike ka oil seal leak hogaya tha use set karwaya us me hamary takreeban 2 ghante zaya hoe phr hum shagrilla resort k lia nikal gae raste me ane wale kuch haseen manazir...
Or akhir dunia me bani hoi jannat k is tukre me pohanch gae jahan jane ki hamari shadeed khuwahish thi..
is k bad hum yahan se upper kachora lake ki janib rawana hoe halki halki barish start hogai thi jis ne yahan k manzar ko bohat hi khobsorat bana dia tha...
aga raor kashti rani k sawari se pehle..
is k bad hum agay rawana hoe or ik pur sukoon jaga pe khane k lia ruke..
hamari manzil ab jaglot thi k rat tk wahan pohanch jaen or kisi achi jaga rat guzaren lekin hume andaza nahi tha k kitni der lage gi. oryasir ki sote hoe ik yaadgar tasveer..
or phir subha subha gilgit city k lia rawana hoe ik hotel me kapry change kia sahi se nashta kia or phe hamary zehan me ik khayal aya or wo ye tha..
phr hum hunza k lia rawana hoe..raste me ane wale kuch haseen manazir...
