Shair-O-Shairi (Poetry) Thread

[kaokabm]

Yahan ujle ujle roop boht
Per Asli kum behroop boht
Us perh k neeche kia rukna jahan saya kum aur dhoop boht

Chal Mohsin apne Gaon main
Jahan bethain ge sukh ki chaon main

Kiun teri Ankh swali hai
Yahan har ik bat nirali hai
Is des basera mat karna
Yahan Muflis hona gali hai

Chal Mohsin apne Gaon main

Jahan sache rishte yaron k
Jahan Ghungat zewer Naron k
Jahan komal jhurne sur wale
Jahan saz bajain bin Taron k

Chal Mohsin apne Gaon main

Jahan sona Gundam ki bali
Jahan matti galon ki lali
Jahan Darya geet sunata hai
Raks kare har Dali dali

Chal Mohsin apne Gaon main

Jahan Dere peer Fakeeron k
Jahan Qisse Ranjhe Heeron k
Jahan Ghar Ghar Ashiq palte hain
Talwarain Teeron Topon k

Chal Mohsin apne Gaon main
Jhan bethain ge sukh ki chaon main.

[kaokabm]

Hum to mojud thay raato maiy ujalo ki tara
Log nikly hi nae dhundaney walo ki tara

Hum dil to kia rooh maiy utar jaty
Tum ne chaha hi nae chahne walo ki tara..

[kaokabm]

Dil se wisaal-e-yaar ka armaan bhi Gaya,

Dekha jo Ghar udaas to mehmaan bhi Gaya,

kar li hai usne phir Gham-e-jaana se dosti,

Lo apne haath se Dil-e-nadaan bhi Gaya,

Mushkil tha apni Raah pe Lana ussey magar,

Tha baat mein khuloos to wo maan bhi Gaya,

Dikhlaaye kiya bahaar ne josh-e-junoon k Rang,

Daaman bacha Rahey they Girrebaan bhi Gaya,

uski wafa na haasil hui mujhe Wasi !

Main us ke Darr pe le ke Dil-o-jaan bhi Gaya..!!

[kaokabm]

Guftago achi lagi zoq-e-nazar acha laga
Muddaton k baad koi humsafar acha lga

Zindagi ki beysar-o-samaniyon k bawajood
Aaj tu aaya to mujh ko apna ghar acha laga

Manzilon ki baat chohro kiss ne paaien manzilein
Eik safar acha raha ek humsafar acha laga

SOCH ker chunni hai me ne aakhri aram gaah
Main tha matti aur muje matti ka ghar accha laga....

[kaokabm]

Falsafay Ishq Mein Paish Aaye Sawaalon Ki Tarha
Hum Pareshan He Rahe Apne Khayaalon Ki Tarha

Sheesha-Gar Baithe Rahe Zikr-e-Maseeha Le Kar
Aur Hum Toot Gaye Kaanch K Piyalon Ki Tarha

Jab Bhi Anjaam-e-Muhabbat Ne Pukara Khud Ko
Waqt Ne Paish Kiya Hum ko Misaalon ki Tarha

Zikr Jab Ho ga Muhabbat Mein Tabahi Ka Mohsin
Yaad Hum Aayen Ge Duniya Ko Hawalon Ki Tarha.

[kaokabm]

Mujh ko Shikast-e-Dil ka Maza Yad aa gya
Tum kyun Udaas ho gaey kya yad aa gaya

kehnay ko zindagi thi bahot mukhtasar magar
kuch yun basar hui k Khuda yad aa gaya

Barsay bina hi jo Ghata aagay nikal gai
ik Be-wafa ka ehd-e-wafa yad aa gaya

yun chonk uthay wo sun kar mera shikwa
jesay unhain b koi gilla yad aa gaya

hairat hay tum ko dekh k masjid main aye "sägar"
kya baat ho gai jo KHUDA yad aa gaya..!

[kaokabm]

Dil k har Khail main hota hai buhut Jaan ka Ziya,

Ishq ko Ishq Samajh Mashghala-e-Dil na Bana.

[kaokabm]

Phir se toote hue paton ka sahara le kr,
wehsht-e-dil kisi jugnu se udhara le kr
dasht-e-dunia me umidon ka kinara le kr,
ma tuje yaad kron ek umr dobara le kr..

[kaokabm]

Likhna to tha k khush hoon tere baghair bhi,

Aansoo magar qalam se pehle hi gir gaya.!

[kaokabm]

Khwahish Se Nhi Girty Phal Jholi Me

Waqt ki Shaaakh ko Mere Dost' Hilana Hoga

Kuch Nhi Hoga Andheron ko Bura kehny Se

Apny Hissy ka Diya khud Hi Jalana hoga.

[kaokabm]

Kabhi teri rafaaqat se nikalna hi nhi mumkin
Kabhi daaman churra lena boht asaan lagta hai

Kabhi tum ro0thte ho to ajab mushkil c parrti hai
Kabhi tujhko mna lena boht asaan lagta hai

Kabhi samjha kro kuch faisle halaat krte hain
Kabhi waaday nibha lena boht asaan lagta hai

Kabhi kuch din tumhare bin guzerte hi nhi lekin
Kabhi muddat bita dena boht asaan lagta hai.

[kaokabm]

Jab kabi dil ko wo yadon se rehayi day ga,
mere andar koi tufan sunai day ga,
us se miltay he ye ehsas hua tha mujko,
ye wohi shakhs he ju lambi judayi day ga.!

[kaokabm]

Sochty sochty phir mujh ko khayaal aata hy,
Wo mery ramz-o-masai'b ka madawa tu na thi.
Rang afsha'n thi,mery dil k khalaaon mey magr,

Ek Aurat thi,ilaaj-e-ghum-e-dunya tu na thi.
Meri ho kr bhi wo mery liye kya kr leti?
Hasrat-o-yaas k ghambeer andhery mey bhala,

Ek naazuk si kiran saath kahan tk deti?,
Usko rehna tha zar-o-seem k aiwaano'n mey,
Reh bhi jati wo mery sath tu rehti kb tk......?

[s55]

kaokabm
bohat aala bhai

[s55]

is duniya mein koi kissi ka nahi hai ~~~sabir~~~
janazey pe bhi aatay hain apney sawab k liye....

[s55]

Aaj phir yaad bohat aaya woh...
Aaj phir usko dua di humne

[s55]

dil k sare arman le jate hain
hum se hamari pehchan le jate hain
toot k na chahna kse ko aye dost
jaan kehne wale he aksar jaan le jate hain

[s55]

Qatal krna hy to mehndi lagay haton sy kar,
Rang-e-Ulfat bhi rhy aur khoon ki hooly bhi chaly

[s55]

Bichar gaye to phir bhi milenge hum dono ek baar
Ya is basti-e-duniya men ya us ki haddon se paar

[istafa111]

Eak darakht ko aag lagi hoti hai aur uss pe chand parinday baithay hotay hain. Unse kow shaksh na urnay ki waja poochta hai aur usay jo jawab milta hai wo mulaihiza farmaain.

Aag lagi bariksh ko,
Jal rahay sab paath...

Tum kyun baithay panchiyo,
Pankh tumharay saath...

(jawab)

Maiwa khaya bariksh ka,
Beeth lapaitath paath...

Ab urrna hamara kaam nahi,
Jalain gae iss k saath...