Shair-O-Shairi (Poetry) Thread

[s55]

maa par koi acha shair??

[kaokabm]

Zameer jaag to jata hai, agr zinda ho..

Kabi gunah se pehly kabi gunah k baad.

[kaokabm]

Ae Taghayur-E-Zamana ye ajeeb dil lagi hai
Na Waqar-e-Dosti hai na Majal-e-Dushmani hai

Mere sath tum b chalna mere sath tum b ana
Zara gham k raston me bari taiz teergi hai

Ye mushahida nahi hai mere dard ki sada hai
Mere Dagh-e-Dil lutay hen Teri bazm jab saji hai

Gham-e-Zindagi kahan hai abhi wehshaton se fursat
Tere naaz utha lain ge, abhi zindagi pari hai

Jise apna yar kehna usay chorna bhanwar me
Ye Hadees-e-Dilbaran hai, ye Kamal-e-Dilbari hai.

[kaokabm]

Insano ka ajab ik tamasha dekha,
Chhalaktey jaam dekhey samandroo ko pyasa dekha.

Ye kya majra hai apni to samaj mai nhi aya,
Admi apni hi justju mai ulajhta dekha.

Jin k haath thay khali wo masrof-e-zikr dekhay,
Haathon mai liye tasbi-e-anmol waaiz ko bhatkta dekha.

Alhamd-u-Lillah ka matlab to samajh mai aya,
Siraat-e-mostaqim k matlab pay Logon ko jagharta dekha.

Eiman bechtay huay ADAM k betay dekhay,
HAVAA ki beti ko sar-e-bazar bikta dekha.

Kese dunya k makr-o-fraib se samjhota krlUn,
K in aankhon ne kitne jalte diyoon ko bhujta dekha.

[kaokabm]

Labon par us k kabhe bad-dua ni hoti
Bs aik MAA h jo mujh s kabhe khafa ni hoti

[kaokabm]

Kitna aasaan hai kisi ko apna kehna ¤ WASI ¤
Jab taqdeer faisley sunati hai to roya b nahi jata.

[kaokabm]

Sach to ye hy jo mujey Jhoot ki Aadat hoti,
Muj ko us se na usay mujh se Shikayat hoti,

Apney Maazi k Fasanay jo Sunata tum ko,
Kesey Zinda hon ab tak tumhain hairat hoti.

Kuch nai kehta to kehtay hein k Maghror hon main.
Or kuch kehta to kuch or Shikayat hoti.

Khud Parasti jo na insan ki Fitrat hoti.
Sari Dunya me Mohabat hi Mohabat hoti.

us ne Acha kia mujh ko na Dia Wafa ka badla.
woh b mujh se jo Wafa kerta to Tijarat hoti!

[kaokabm]

Yeh jo zindgi ki kitab hai,
yeh kitab bhe kia kitab hai,

kahin aik haseen sa khwab hai,
kahin jan-leva azab hai,

Kabhi kho liya kabhi paa liya,
kabhi ro liya kabhi gaa liya,

kahin rehmton ki hain barshen,
kahin tishnagi be-hisab hai,

kahin chhaon hai, kahin dhoop hai,
kahin aur hi koi roop hai,

Kahin cheen leti hai hr khushi,
Kahin meharban be-hisab hai,

Yeh jo zindgi ki kitab hai,
Yeh kitab bhe kia kitab hai.

[kaokabm]

Yon rah-e-wafa ki saleeb pr
Do qadam uthane ka shukria
Bara pur khatar tha yeh rasta
Tere laot jane ka shukria

Jo udaas hain tere hijr mein
Jinhe bojh lagti hai zindgi
Sar-e-bazm yon unhein dekh kr
Tere muskrane ka shukria

Teri yad kis kis bhais mein
Mere sher-o-nagma main dhal gai
Ye kmaal tha teri yad ka
Muje yad aane ka shukria

Jo zamane bhr ka asool tha
Wo asool tu ne nibha dia
Yehi rasm thehri hai motabar
Muje bhool janay ka shukria.

[kaokabm]

Para na Farq Anokhi Zuban likhne se,
Zameen Zameen hi rahi, Aasman likhne se!

Raha tha jis se buhut Gehra Ta'alluq mera,
Wo ban saka na meri Jaan, jaan likhne se!

Panah Mil na saki aik Pal kabhi mujh ko,
Kisi Ujaarh Jagah ko Makan likhne se.

Karhi Tapish se Jhulasta raha Wajud mera!
K Dhoop, Dhoop rahi, Sa'ibaan likhne se.

[kaokabm]

Machaltey rehte hein zehno mein was-wasson ki tarha >>>

Haseen log bi wabaal-e-jaan hote hein..........!!!!!

[kaokabm]

Iss karri Dhoop Mein Jaltay Hoye Paon Ki Tarha,
Tu Kisi Aur K Aangan Mein Hy Chaaon Ki Tarha,

Tu To Waqif Hy Mere Jazbon Ki Sachayi Se,
Phir Q Khamosh Hy Pathar Ke Khudaaon Ki Tarha,

Main To Khushbo Ki Tarha saath Raha Hon Tere.
Tu hi Bhatakta Raha Be'chain Hawaon Ki Tarha,

wo Jo Barbad Hoye Thy Wohi Badnam Hoye.
Tum To Masoom Rahy Apni Adaon Ki Tarha,

Gham To Hy K Humein Koi Khushi Raas Na Aayi.
Zindagi Kaat Rahay Hain Hum Sazaon Ki Tarha.

[kaokabm]

Mat Kar Pyar Roshni Se Ye Pal Bhar Ke Mehman Hai,

Dil Laga Es Andhero Se Jo QABAR Tak Meharban Hai.

A PUBLIC SERVICE MESSAGE FROM wapda.

[kaokabm]

Adhuri baten jo kr gaye ho
Merey hi DiL me utar gaye ho

Kis ki Chahat ka ye Asar hai
K Reza Reza Bikhar gaye ho

Tumhi to ho jo hamary dil ki
Hadon ko chho k guzar gaye ho

Hamara thamo gy hath kya tum
Abi zamany se dr gye ho

Chaly gaye ho nazr jhuka k
Hamen Dewana sa kr gye ho

Kyu Bhool bethy ho Ehd sary
Abhi se Q tum mukar gaye ho

Han Dhondti hai Ye Nazr tum ko
Ab Aa bhi jao kidhar gaye ho

[kaokabm]

Ajeeb bebasi ka mosam hay dil k aangan mein_!! "WASI"
Taras gaye hain Tere sath Guftgo k liye..........!!!!

[s55]

kaokabm
bohat aala dost, good work

[kaokabm]

Na bujha chiragh-e-dayaar-e-dil, na bicharne ka tu malaal kar
Tujhe de gi jeene ka hosla, meri yaad rakh le sambhal kar

Ye bhi kya, k ek hi shakhs ko kabhi sochna, kabhi bhoolna
Jo na bujh sake wo diya jala, jo na ho sake wo kamal kar

Gham-e-arzu meri justju, mei simat ke aa gaya ru-baru
Ye sukoot-e-marg hai kis liye? mei jawab doon tu sawal kar

Tu bichhar raha hai to soch le, tere hath hai meri zindgi
Tujhe rokna meri mot hai, meri be'bsi ka khayal kar

Mere dard ka, mre zabt ka, meri be-basi, mere sabr ka
Jo yakeen na aaye to dekh le, tu hawa m phool uchal kr

[kaokabm]

Ishara to madad ka kr raha tha doobny wala..!

Mgr Yaaraan-e-Sahil ne Salam-e-Alvida samjha..!

[kaokabm]

Jo Faraib Maine Khaya, Tujhe RazDan Samaj Kar
Usay Kese Bhool Jaon, Ek Dastan Samaj Kar

Na Mitao Thokron Se, Ye Mazaar Hai Kisi Ka
Zara Reham Kar Khudara, Isay Ek nishan samaj kar

Aray O Jalanay Walay, Ye Tera He Tha Nasheman
Jisay Tu Ne Phoonk Dala, Mera ashian Samaj Kar

Na Bujha Chirag Zalim, Abhi Door Hai Sawaira
Kahin Loo Lipat Na Jaye, Tujhe Badguman Samaj Kar

Mujhe Ghor Se Na Dekho, Wohi Namurad Gul Hon
Jisay Tu Ne Rond Dala, Mujhe Bezuban Samaj Kar.

[kaokabm]

Agr'che Do Kinaron Ka Khin Sangam Nhi Hota!!
Mgr Ek Sath Chalna B To Koi Kam Nhi Hota!!

Badan Se Rooh Jati Hai To Bichtii Hai Saff-e-Maatam!
Mgr Kirdaar Mar Jaye To Kiun Maatam Nhi Hota??

Hazaron Zulmaton Main B Jawan Rehti Hai Lao Uss Ki!!
Charagh-e-Ishq Jalta Hai To Phir Madham Nahi Hota!!

Madawa Aap hi Ho Jata Hai Apne Dard Ka Aksar!!
Wo Jin Zakhmon Ka Duniya Main Koi Marham Nahi Hota!!

Wo Aankhein Ik Luta Ghar Hain Jahan Aansu Nahi Rehtay!!
Wo Dil Pathar Hai Jis Dil Main Kisi Ka Gham Nahi Hota!!