Shair-O-Shairi (Poetry) Thread

[anilnaqvi]

Meri samjh k sath kiya khela woh khushi k saath
Khud main bhi machal gaya ek bebasi key saath

Pani ki koshish ki thi main nai kirnoo ko anil
khud hi gum hogaya main kahin andhero k saath

paney ko kiya nahi pa sakta tha main shayad lekin
khuwab huey ek pal main chor uski berukhi k saath

kehtey hai mohabbat waley harwaqt talash 0 talib e wafa rehtey hai anil
magar hum nai azmaya hai insaan raha hai sada wafadar buss khudi k saath....

[anilnaqvi]

Asaan hai lafz e mohabbat yaroo magar
takmeel e mohabbat ki azmaish apni jagah

kis qadar asaan hai us ki zulfoo sai khelna yaro magar
uljhi zulfoo main ulajhti zindagi ki dorr apni jagah

kis qadar asaan hai sheeshey k mehloo main basna yaaro magar
berukhi k pathar sai tootey wajood ko semetna apni jagah


kis qadar hai kehney ko yeh zindagi asaniyoon sai muyazen anil
hasney ko mojood yaar apni jagah udasi k lamhoo ki tanhai apni jagah

[s55]

Where is Farhansa? that guy has some amazing taste in poetry. Missing his replies.

[s55]

anil bhai aap itni mushkil baatein kyun karte hain? :S

[Haider53]

aisa gum hon teri yaadon ky bayaban main
dil na dharky to sunai nahi deta kuch bhi

[Haider53]

aaja keh abhi zabt ka mosam nahin guzra
aaja keh pahaaron per abhi berf jami hai
khusboo ke jazeeron se paharoon ki hadon tak
is sheher main sab kuch hai bas teri kami hai

[Nanhi_Pari]

Mei insaan ho, be-jaan tu nahi
Mei Lawaris Hoon

Mei bher me ho, akela tu nahi
Mei Lawaris Hoon

Mera makan hai, ghar tu nahi
Mei Lawaris Hoon

Mera dil hai, dharkan tu nahi
Mei Lawaris Hoon

Meri awaz hai, sunta koi tu nahi
Mei Lawariz Hoon

Meri zindagi hai, guzarti tu nahi
Mei Lawaris Hoon

Merey yaar hai, doost tu nahi
Mei Lwaris Hoon

Merey Maa Baap hai, yateem tu nahi
Mei Lawaris Hoon

Mei kaun Hoon, tumko maloom tu nahi
Mei Lawaris Hoon

[anilnaqvi]

Likha taqdeer ka keh key hum sey daman chura gaya koi
Apni kamzoriyon ko mushriqiyat ka naam dey gaya koi

Kis qadar asaan hota hai ratoo jo jagna wadey mohabbat karna
Merey laboo ki hansi chen k ashkoo main sanjoo gaya hai koi

Kaun kehta hai dunia main wafa key rishtey abhi mojood nahi
tanha karkey bhi mujhe pathar sai mujhe kundan kar gaya hai koi

Mujh sai kehta hai jo usey mila hai woh mujh sai mumaslat rkhta hai anil

Yeh bhi achi baat rahi mujh sai bichar k bhi kahi mjhe yaad rkhta hai koi.....

[anilnaqvi]

Mujh sai bichrey ho ab khud ko sambhaley rakhna
ankhoo ko khula magar laboo pai tum taley rakhna

Koi gar poochey kabhi tum sai kisi nai mohabbat ki thi
laboo pai kahmoshi magar ashkoo main merey hawaley rkhna

kabhi gar ho tmharey pass sakoo ka ek pal bhi muyasar jana
apney khuda sai tum bus mujhe bhol janey ki hi dua karna

itna asaan nahi hota tootney ki baad khud ko sambhalna jana
gar kabhi thak jao tu merey shaney ko tum apna makaan rakhna

gar kabhi aaye meri yaad aur koi dekh lai ashkoo ko kabhi
usey khumar ka naam dey key tum apni sachai chupaye rkhna.....

[c123pk]

mein shayar badnaam

[Nanhi_Pari]

mein shayar badnaam

shayar badnaam nahi hota CK, shayar kafir hota hai.

u will c in max poetry, they r hopeless cases, its like counting of the loss. there is no hope left.
aur yeh kufr hai, umeed ka daman chor dena, n dunya n Allah se shikayat ley k beth jana kufr hai so aise mei shayar kafir hoa na, badnaam tu khair waise he hota hai, per that can b ignored.

[princesaqib]

^^

naumeedi gunah hai kufr nahi and one should not say so either lets not be the judge of other most of them who have passed away

[anilnaqvi]

Merey sajdoo ko woh kufr ka naam detey hai
Meri Bandagi ko woh jhukney ka naam detey hai

Meri Mohabbat ko kehti hai Kufr yeh dunia anil
hum tu faqt mohabbat ek ko chahney ka naam kehtey hai

Jo log bhartey thai kabhi meri mohabbat ka bharam
aaj wahi log meri mohabbat ko mayosi ka naam dety hai

kis qadar ajab hai is rung badalti dunia ki khel yaaro
ask bahatey ko mayoos dil torney walo ko woh rehnuma kehtey hai

Kareeb sai dekha hai rishto key badltey rawayo ko mein nai anil
woh usey itayat e pidri hum usey baghawat ka naam detey hai

[anilnaqvi]

anil bhai aap itni mushkil baatein kyun karte hain? :S

Zindagi ki talkhi mizaj ko badal hi deti hai......

[anilnaqvi]

Naumeedi Gunah hai Kufr Nahi
Kahi yeh merey ishq ki ibtada tu nahi...

Masal k phool ki manind phenk detey hai sachi mohabbat ko log
kahin yeh rawaya hamarey badaltey mashrey ka aks tu nahi

koshish ki lakh khud ko dunia ki tarah badalney ki main nai anil
magar rung badalna shayad meri apni dastaras main hi nahi

woh tu kehta raha utho kholo ankhain g lo apni dunia
usey khabar na thi hum is dunia k liye kabhi baney hi nahi

kehna asan hai kisi ko kafir kisi ko gunaahgar wa mayoos anil
khud apney gireban main jahnko kahin wajah is ki kahin tum tu nahi....

[anilnaqvi]

Baat barhti chali gaye hatoo sai hath chutaa gaya
woh pass ho0 key bhi merey mujh sai ruthta gaya

mujh sai mangta raha woh merey kiye wadoo ka hisab anil
ek main tha apni khamoshi main apna hi Dum ghotaa gaya

Had bari kuch yunn k woh mujhe auroo main dhondey laga
yeh alag baat rahi main pass us k khara ashkoo ko pochta gaya

gaya waqt tha key mujhe yaad aa key rulata tha roz o shab
merey ashkoo ko dekh kar woh mujhe adakar kehta chala gaya

mangney ko poochney ko sawal merey bhi kam na thai anil
mein faqat mohabbat deney ka naam hai yehi sochta chala gaya

kami na tum main hai na mujh main hai kehta gaya woh shakhs
apni kamzoriyon ko woh taqdeer ka likha kehta chala gaya

mein shikast mano tu bhi batao main manoo kaisey anil
mera apna hi aks mera apna hi saath chorta gaya.....

[Nanhi_Pari]

^^

naumeedi gunah hai kufr nahi and one should not say so either lets not be the judge of other most of them who have passed away

Excuse me!!! I was just talking to CK, when he said shayar badnaam, no name calling to any one, dont b jugdemental in ur own thoughts, I aint judging anyone here, sub k liyey unki dunya, khush rahey jaisey bhi, jahan bhi. Me no saint to comment on others, I have to appear in front of Allah on the judgement day as well. God Bless!

[Nanhi_Pari]

Raat ko araam se sona acha lagta hai
Din mei bhar pait khana acha lagta hai
Mut bholo mitana dosro k gham kabhi
Qk khushiyan manana subko acha lagta hai

[Nanhi_Pari]

Aqal ka thora kacha lagta tha
Batoon se tu wo sacha lagta tha
Apni ghaltio ko masomiat ka naam deta
Mujhey tu phir bhi wo acha lagta tha

dunye k uss par ley janey ka kehta tha
aise mei sub se alag sa wo lagta tha
per yeh tu guzre waqt ki batein "Jabeen"
wo tu bus aik afsana aik kahani kehta tha

[Nanhi_Pari]

Vo subah kabhi to ayegi

in kaali sadiyon ke sar se jab raat ka aanchal dhalkega
jab dukh ke baadal pighlenge jab sukh ka saagar jhalkega
jab ambar jhuum ke naachega jab dharati naghme gayegi
vo subah kabhi to ayegi

jis subah ki khaatir jug jug se ham sab mar mar ke jite hain
jis subah ke amrit ki dhun me ham zehar ke pyaale pite hain
in bhuki pyasi ruuhon par ik din to karam faramayegi
vo subah kabhi to ayegi

mana ke abhi tere mere armaano ki qimat kuch bhi nahi
mitti ka bhi hai kuch mol magar insaano ki qimat kuch bhi nahi
insaano ki izzat jab jhuthe sikko me na toli jaayegi
vo subah kabhi to ayegi

daulat ke liye jab aurat ki ismat ko na becha jayega
chahat ko na kuchla jayega, izzat ko na becha jayega
apni kaali kartuto par jab ye duniya sharmayegi
vo subah kabhi to ayegi

biitenge kabhi to din akhir ye bhuuk ke aur bekari ke
tuutenge kabhi to but akhir daulat ki ijaradari ke
jab ek anokhi duniya ki buniyad uthai jayegi
vo subah kabhi to ayegi

majbur burhapa jab suuni raahon ki dhuul na phankega
masoom larakpan jab gandi galiyon me bheek na mangega
haq mangne waalo ko jis din suli na dikhai jayegi
vo subah kabhi to ayegi

faaqon ki chitaon par jis din insaan na jalaye jayenge
sine ke dahakte dozakh me arman na jalaye jayenge
ye nargh se bhi gandi duniya, jab swarg banai jayegi
vo subah kabhi to ayegi