کشمیر جنت نظیر، جولائی 2019۔ روئیداد سفر۔ تحریر ہارون الرشید

[haroonmcs26]

جلد ہی وہ پتھریلی سڑک ختم ہو گئی اور تھوڑا آگے جا کر دوبارہ کارپٹڈ سڑک آگئی لیکن اسکے چڑھائی والے مشکل موڑ پر طلحہ کو ایک بار دوبارہ اترنا پڑا اور چند قدم آگے جا کر جب میں نے بائیک کو بریک لگائی تو دیکھا کہ آگے ایک گاڑی لگا کر راستے کو بند کیا ہوا ہے ۔ پتا چلا کہ آگے سڑک کی تعمیر ہورہی ہے اس لئے اس سے آگے پیدل ہی جانا پڑے گا۔ سڑک کے ایک طرف بائیک کر پارک کیا اور اس کو پیرا شوٹ کور سے ڈھانپ کر ہم نے ایک بیگ میں جیکٹس اور بارش سے بچنے کا سامان رکھ لیا۔ بہت سے لوگ وہاں تک گاڑیوں میں آ رہے تھے لیکن گاڑیاں انکو وہاں چھوڑ کر واپس جا رہی تھی ان میں زیادہ تر گاڑیاں فور بائی فور اور باقی پرانے ماڈل کی کرولا کاریں تھیں جبکہ چند لوگ اپنی ذاتی گاڑیوں پر بھی آئے ہوئے تھے۔ ان لوگوں میں کشمیر کے لوگ زیادہ تھے جو گنگا چوٹی کو دیکھنے آئے ہوئے تھے اور ان کے ساتھ کھانے کے برتن بھی تھے۔اسی دوران وہاں راولین بائیکرز گروپ کے چار پانچ رائیڈرز اپنی بائیکس پر سوار ہو کر آئے ۔ ان میں سے کسی کے پاس سوزوکی جی ایس 150، کسی کے پاس یونائیڈ کی ٹریل بائیک جو میرا خیال ہے 200 سی سی تھی اور ایک کے پاس زونگ شین کمپنی کی 250 سی سی ٹور بائیک بھی تھی۔ ان میں سے کچھ نے تو اپنی بائیکس ہماری بائیک کے پاس ہی کھڑی کر دیں اور کچھ نے دائیں طرف پہاڑی کی ایک خطرناک چڑھائی کو چڑھ کر اپنی بائیکس کو کھڑا کر دیا۔ مین سڑک کو چھوڑ کر اسی چڑھائی پر ہمیں آگے جانا تھا۔جب کچھ چڑھائی پر موجود بائیکس کے پاس پہنچے تو منظر ہی بدل گیا جس کو دیکھ کر بے اختیار منہ سے سبحان اللہ نکلا۔ ایک خوبصورت منظر ہمیں گنگا چوٹی کے راستے پر خوش آمدید کہنے کیلئے موجود تھا۔ سر سبز پہاڑ، ان پر لگے بلندو بالا درخت اور پہاڑوں کی بلندی کی طرف جاتا راستہ ایک سینری کا منظر پیش کر رہا تھا۔

[haroonmcs26]

اس پہاڑی سے نیچے اترے تو آگے دوبارہ سے زیر تعمیر سڑک شروع ہو گئی جس پر پتھر بکھرے ہوئے تھے لیکن ابھی ان پر ریت نہیں ڈالی گئی تھی اور نہ ہی بلڈوزر چلاہوا تھا اس لئے ہم سڑک کے کنارے کنارے چل پڑے۔ سڑک کے دائیں طرف کا منظر کمال کا تھا تاحدّ نگاہ سر سبز چراگاہیں نظر آ رہیں تھیں جن میں مویشی چرتے ہوئے بھی نظر آ رہے تھے۔

[haroonmcs26]

سر سبز چراگاہیں، پہاڑوں پر ایستادہ بلندوبالا درخت ، پہاڑوں پر چھائی دھند اور بادل بہت خوبصورت نظارہ پیش کر رہے تھے ۔ ان مناظر کو ہی تو دیکھنے کیلئے آوارہ گرد گھر سے نکلتے ہیں اور پھر اپنا دل وہیں چھوڑ کر آ جاتے ہیں اور تا عمر یہ مناظر انکے دل و دماغ میں خوبصورت یادیں بن کر زندہ رہتے ہیں۔

[haroonmcs26]

کچھ لوگ پیدل اور کچھ گھوڑوں پر سوار ہو کر جار ہے تھے ۔جہاں تک نگاہ کام کر رہی تھی وہاں تک وہی زیر تعمیر سڑک ہی نظر آ رہی تھی اور اطراف کے دل موہ لینے والے مناظر ہمارے ساتھ ساتھ سفر کر رہے تھے۔ مجھے امید تھی کہ جلد ہی یہ سڑک تعمیر ہو جائے گی اور کافی فاصلہ لوگ اپنی گاڑی اور بائیکس پر طے کر لیں گے اور گنگا چوٹی کے بیس کیمپ تک جا سکیں گے

[cs.abubakar]

زبردست سفرنامہ

[haroonmcs26]

پسندیدگی کا بہت شکریہ

[ishaque.rafique]

Haroon Bhai agla safar kb likhyen gy ?

[haroonmcs26]

پچیس اگست کو ناران، کاغان، بابو سر ٹاپ، گلگت، گاہکوچ، پھنڈر ویلی، شندور ٹاپ، بونی، چترال، گرم چشمہ، کیلاش، لواری ٹنل ، دیر وغیرہ کے ٹور کو واپس آیا ہوں۔ اب ان شاء اللہ کشمیر والے سفر نامے کو جلد ہی ختم کروں گا۔

[haroonmcs26]

ہم آہستہ آہستہ زیر تعمیر سڑک کے کنارے کنارے چل رہے تھے۔ گہرے بادل گھر گھر کر آ رہے تھے اور ہمارے دل کو بھی اس جگہ کی خوبصورتی کی طرف گھیر رہے تھے ۔آخر کار ہم دل کے ہاتھوں مجبور ہو کر سڑک سے دائیں طرف وادی میں اتر گئے۔پیروں تلے سبز قالین بچھا ہوا تھا اور وادی کی خوبصورتی دل و دماغ پر خوشگوار تاثر قائم کر رہی تھی۔

[nagar1]

Good bhai..jaldi se thread bna len

[haroonmcs26]

حسن بھائی ابھی تو کشمیر والا سفر نامہ مکمل نہیں ہوا۔ نئے سفر کی باری تو ابھی دور کی بات ہے۔

[nagar1]

Apka sabun slow ha haroon bhai​

[pwuser152268771149]

**السلام علیکم
ھارون بھائی بہت اعلیٰ نہایت عمدہ سفرنامہ
بھاٹی جاں شمال کے اسفار تو بہت ہو گئے اب آئیں نہ وادئ مہران سندھ کی طرف آپکے ساتھ صحرائے تھر, کارونجھر کے پہاڑ عمرکوٹ, رنی کوٹ, نوکوٹ کے قلعے, ٹھٹھہ کی شاہی مسجد, مکلی کا تاریخی قبرستان, کینجھر جھیل کی سیر کرینگے
ان شاءاللہ
03332623250**_

[haroonmcs26]

ان شاء اللہ برادر، مستقبل کے پلان میں یہ جگہیں شامل ہیں۔

[haroonmcs26]

درست کہا حسن بھائی۔ لیکن کیا کریں۔۔۔دنیا میں اور بھی کام ہیں محبت کے سوا۔۔۔۔

[haroonmcs26]

وادی کی وسیع چراگاہ میں مویشی اور گھوڑے چرتے پھر رہے تھے۔ گھوڑوں کا چرنا پھر بھاگناکسی قدیم فلم کا منظر لگ رہا تھا۔

[haroonmcs26]

سر سبز وادی میں کچھ دیر چلنے کے بعد ہمارے سامنے بڑے بڑے پتھر آ گئے جن سے گزرنے کے تنگ راستے بنے ہوئے تھے۔ ان سے گزر کر کچھ آگے گئے تو ہمارے راستے میں بڑی دراڑ نما کھائی آ گئی جس نے ہمارا راستہ روک دیا تو مجبوراً ہمیں دوبارہ سڑک پر آنا پڑا۔ اب سڑک کچی تھی جو آگے گنگا چوٹی کے بیس کیمپ تک جا رہی تھی۔

[shado_007]

ماشاءللہ بہت عمدہ

[haroonmcs26]

جزاکم اللہ خیرا، بہت شکریہ

[haroonmcs26]

پہلے سڑک کے بائیں طرف پہاڑ تھے لیکن جب کچی سڑک آئی تو اس کے بائیں طرف بھی گہرائی میں سر سبز وادی نظر آ رہی تھی لیکن مجھے دائیں طرف کی بڑی وادی نما چراگاہ زیادہ متاثر کر رہی تھی۔ عام طور پر پہاڑی علاقوں میں گائیں زیادہ ہوتی ہیں اور بھینسیں کم ہی نظر آ تی ہیں لیکن وہاں بھینسیں بھی چرتیں ہوئیں نظر آرہیں تھیں۔