کشمیر جنت نظیر، جولائی 2019۔ روئیداد سفر۔ تحریر ہارون الرشید

[haroonmcs26]

اکیس جولائی 2019ء (گیارہواں دن)۔

صبح ساڑھے چار بجے بیدار ہو گئے نماز ادا کرنے کے بعد پیکنگ کرکے پونے چھ بجے ہم شاردہ سے مظفر آباد کی طرف روانہ ہو گئے۔ ارادہ تو نوری ٹاپ کے ذریعے ناران جانے کا تھا لیکن بائیک کی چیسیز کی نچلی پتری کے کریک ہونے اور اے ٹی ایم کے کام نہ کرنے کی وجہ سے کم رقم ہونے کے بناء پر نوری ٹاپ کا ارادہ ختم کر دیا۔ ہم نے ارادہ کیا تھا کہ ان شاء اللہ ناشتہ مظفر آباد پہنچ کر کریں گے اور تقریباً نان سٹاپ سفر کرتے ہوئے تقریباً پونے بارہ بجے ہم مظفر آباد تھے لیکن بائیک پر بیٹھ بیٹھ کر تشریف کا کام ہو گیا تھا ۔ مظفر آبادپہنچ کر پہلے تو اے ٹی ایم سے پیسے نکلوائے اور وہ بھی کئی اے ٹی ایم پر ٹرائی کرنے کے بعد پھر مظفر آباد میں حافظ فوڈ ریسٹورنٹ سے تگڑا سا برنچ کیا جو کہ نہاری، چنے اور سموسہ چاٹ پر مشتمل تھا جس کا بل دو سو نوّے روپے بنا۔ پھر وہاں سوزوکی کے شو روم سے دو سو روپے کی بائیک کی ریس کیبل لی کہ کہیں کیل میں ریس کیبل کا جو جگاڑ لگایا تھا وہ ٹوٹ ہی نہ جائے ۔ ٹائر پریشر چیک کرنے کے بعد ایک بائیک مکینک سے انجن آئل تبدیل کروایا جو ہمارے پاس پہلے ہی تھا۔ بائیک مکینک نے ہم سے پیسے لینے سے انکار کر دیا ۔ ہم اس کا شکریہ ادا کر کے وہاں سے چل پڑے اور نان اسٹاپ کوہالہ پل، بھوربن کی طرف سے ہوتے ہوئے تقریباً پونے چار بجے مری پہنچ گئے ۔ مری جی ٹی روڈ پر ایک جگہ بیٹھ کر کچھ دیر آرام کیا اور پھر بہت مختصر قیام کرتے ہوئے اسلام آباد سے گزر کر روات کے قریب جی ٹی روڈ پر چڑھ گئے۔ تقریباً ساڑھے سات بجے جی ٹی روڈ پر ایک شیل کے پمپ پر رک کر نماز ادا کی ۔ جب ہم دوبارہ روانہ ہونے لگے تو میں نے دیکھا کہ بائیک کے نیچے انجن آئل کے کچھ قطرے پڑے تھے ۔ پمپ پر موجود آئل شاپ پر چیک کروایا تو پتا چلا کہ مظفر آباد میں جس مکینک سے ہم نے آئل تبدیل کروایا تھا اس نے بولٹ اچھی طرح بند نہیں کیا تھا کیونکہ اس نے بولٹ ٹیڑھا لگایا تھا ۔ ایک بار سارا انجن آئل ایک صاف پرات میں نکال کر بولٹ کو اچھے طریقہ سے لگایا ۔ بولٹ کھلتے کھلتے ایسی جگہ پر آگیا تھا کہ اگر ہمیں کچھ دیر اور پتا نہ چلتا تو وہ ویسے ہی گر جانا تھا اور اس صورت میں سارا انجن آئل بھی نکل جانا تھا اور بغیر انجن آئل کے پھر جو انجن کا حال ہونا تھا اس کا سب کو پتا ہے۔ انجن آئل ابھی تھوڑا ہی کم ہوا تھا جس میں ہم نے تھوڑا سا کھلا انجن آئل مکس کروایا اور اسے دوبارہ ڈلوا لیا۔ نہ تو ہم نماز کیلئے وہاں رکتے اور نہ ہی ہمیں اس مسئلے کا پتا چلتا۔ اللہ کا شکرادا کیا کہ جس نے بروقت یہ بات ہمارے علم میں ڈال دی۔ پچاس روپے مکینک کو ادا کر کے ہم دوبارہ سڑک پر تھے ۔ سوا نو بجے دینہ کے بعد ایک ہوٹل پر رک کر کھانا کھایا لیکن چائے نہ پی تاکہ جب نیند اور زیادہ تھکن محسوس ہو تو رک کر چائے پیئیں گے ۔ اب صورتحال یہ تھی کہ مسلسل بائیک پر بیٹھ بیٹھ کر ہمارا برا حال ہو گیا تھا ۔ حالانکہ ہم نے سیٹ پر تکیہ رکھا ہوا تھا لیکن اب تو اس سے بھی افاقہ نہیں ہو رہا تھا ۔ کبھی چلتی بائیک پر ہم تھوڑی بہت ہل جل کر لیتے اور جب بر داشت نہ ہوتا تو کہیں رک کر چند منٹ کھڑے ہو جاتے لیکن مجھے پتا تھا کہ اب افاقہ گھر پہنچ کر ہی ہو گا اور وہ بھی کئی دن کے آرام کے بعد۔

[haroonmcs26]

بائیس جولائی 2019ء (بارہواں دن)۔

جی ٹی روڈ پر مغرب کے آس پاس تو ہم نے سو کی رفتار سے سفر کیا تھا لیکن جب اندھیرا گہرا ہو گیا تو پھر رفتار بھی کم ہو گئی تھی اور اس کے بعد ہم کسی ایسے گاڑی کے پیچھے رہ کر سفر کرتے جس کی رفتار ساٹھ سے اسی ہو تاکہ اس کی وجہ سے کم روشنی کے مسئلہ کو بھی حل کر کے سفر جاری رکھا جا سکے ورنہ بائیک کی اپنی روشنی تیز سفر کیلئے ناکافی تھی۔ اکیس جولائی کی صبح سے ہم مسلسل سفر میں تھے ۔ اور اب رات کا تقریباً ایک بج رہا تھا یعنی اب تاریخ بائیس تھی۔ نیند کا احساس ہو رہا تھا اور تھکن بھی تھی۔ میں بار بار طلحہ کو مخاطب کرتا کہ کہیں وہ سو نہ جائے اور جب میں نے دیکھا کہ اس پر نیند حاوی ہو رہی ہے تو میں نے وزیر آباد اور گوجرانوالہ کے درمیان ایک ہوٹل پر بریک لگا دی۔ نیند تو مجھے بھی محسوس ہو رہی تھی لیکن سر ہلا ہلا کر اور اللہ کا ذکر کرکے اسے بھگانے کی کوشش کر رہا تھا ۔ ہوٹل کے باہر چارپائیاں بچھی ہوئیں تھی ہم ان پر لیٹ گئے اور آرام کرتے ہوئے چائے کا انتظار کرنے لگ لگے۔ کچھ دیر میں چائے آ گئی ۔ ہوٹل والے نے کپ تو پچاس روپے کا لگایا تھا لیکن چائے تھی زبردست۔ چائے پی کر نیند بھا گ گئی تھی لیکن تھکن تھی جس کا اس وقت ہمارے پاس کوئی علاج نہ تھا سوائے اس کے کہ گھر پہنچا جائے۔ اسکے بعد تھوڑا تھوڑا قیام کرکے رات کے تقریباً تین بجے ہم لاہور اپنے گھر پہنچ گئے۔ گھر پہنچ کر اتنی بھی ہمت نہیں تھی کہ سامان اتار لیتے ۔ میں سیدھا اپنے کمرے میں گیا اور بیڈ پر لیٹتے ہی بے خبر ہو کر سو گیا۔ بے شک بارہ دن کے اس ٹور نے بہت تھکا دیا تھا لیکن ان بارہ دنوں کی یاد ولیم وڈز ورتھ کے ڈیفوڈلز کے پھولوں کی طرح ساری زندگی میرے ساتھ رہنی تھی۔ ۔۔ختم شد۔۔۔

اللہ حافظ۔۔۔والسّلام ۔ ۔۔ ہارون الرشید ، لاہور۔

[sajid65]

Mashallah. An Excellent and Exciting Trip comes to end.
Really enjoyed the story.
Keep it up Haroon Bhai.
Very well Done

[haroonmcs26]

جزاکم اللہ خیرا۔ بہت شکریہ محمد ساجد بھائی۔ میں نے کوشش کی کہ اس سفر کے دوران جو کچھ بیتی اور جو کچھ میں نے محسوس کیا اس کو آسان الفاظ میں بیان کروں۔ میں بارہا کہہ چکا ہوں کہ میں کوئی پیشہ ور لکھاری نہیں ہوں تو اس لحاظ سے بہت سے الفاظ کے چناؤ میں گرامر میں غلطیاں ہوئیں ہوں گی لیکن مجھے اس بات کی خوشی کہ دوستوں نے میری ان غلطیوں کو نظر انداز کرکے میری تحریر کو پسند کیا اور وقتاً فوقتاً میری حوصلہ افزائی بھی کرتے رہے جس سے مجھے تحریک ملی کہ میں اس روئیداد کو اختتام تک پہنچانے میں کامیاب ہوا ورنہ ایک وقت ایسا بھی آیا کہ مصروفیات کی وجہ سے میں سوچ رہا تھا کہ اس روئیداد کو نا مکمل ہی چھوڑ دوں لیکن پھر بہت سے دوستوں کے اصرار اور حوصلہ افزائی کی وجہ سے میں آہستہ آہستہ لکھتا رہا اور اس کو مکمل کرنے میں کامیاب ہو گیا۔ یہ صرف اور صرف اللہ کے فضل و کرم اور آپ جیسے دوستوں کی حوصلہ افزائی کی وجہ سے ممکن ہو سکا۔ بہت شکریہ

[haroonmcs26]

سب دوستوں سے ایک مدد بھی چاہیئے تھی کہ میں نے اپنے یو ٹیوب چینل کا آغاز کیا ہے جس کے سبسکرائبرالحمد للہ ایک ہزار کے قریب پہنچ گئے ہیں اور چینل مونیٹائیز ہونے کے قریب ہے۔ آپ دوستوں سے درخواست ہے کہ میرے چینل کو سبسکرائب کریں، میری ویڈیوز کو دیکھیں اور دوستوں کے ساتھ شیئر بھی کریں۔ میری ویڈیوز میں آپ کو نمو دو نمائش کم نظر آئے گی البتہ میری تحریروں کی طرح معلومات ضرور ملیں گی۔ آپ کے تعاون کا طلبگار ہوں۔ جزاکم اللہ، بہت شکریہ۔ ہارون الرشید۔

[haroonmcs26]

کیل سے تاؤ بٹ کے راستے کی ویڈیو کہانی۔ برائے مہربانی میرے چینل کو سبسکرائب کریں اور بیل آئیکون کو بھی دبائیں۔ شکریہ۔

[aqeelsr464]

Masha Allah....bahut kub haroon bahi humesha ki tarah ap ka travel vlog per k aisa lagta hai k hum khud safer kr rahy hain in haseen jagon py...Allah ap ko issi tarah safernamy laukny ki hemat dy jis ko per k hum sukoon lyte rahn ..

[haroonmcs26]

بہت شکریہ راجہ عقیل صاحب۔ آپ ان سفر ناموں میں میرے ساتھ رہے اور حوصلہ افزائی کرتے رہے۔

[haroonmcs26]

[nomee2004]

mashalaah haroon bhai app ny mujhe mery taobutt ky safar ki yad taza karwa di waqy he taobutt kam sy kam 2 din hon tu bohat pur sakoon ehsas hota hai hai per wohi bat hum thehry nokri paisa log kam time ki waja sy kuch khawishen adhori he reh jati
baqi bohat khoob likha app ny Allah app ko abad rakhy

[bilal.tariq.18041]

،ھارون بھائی
میں آپ کےٹریول تھریڈز بہت عرصےسے فولو کر رہا ہوں۔ میں نے اپ کا گلگت ھنزا، کمراٹ اور نیلم ویلی کے تھریڈ فولو کیا۔ آ پ کا انداز بیاں اچھا ہے اور اس کو مزید بہتر بنانے کے لیے میں تین تجاویز پیش کرنا چاہتا ہوں۔میں یہ امید کرتا ہوں کہ آپ میرے
جائزہ کو مثبت طور پہ لیں گے۔

ا۔ اپنے سفر کی روداد کو جلد از جلد پوسٹ کریں ممکن ہو تو زیادہ سے زیادہ 20دن کے اندر تھریڈ مکمل کر لیں تاکہ پڑھنے والوں کی دلچسپی قائم رہ سکے۔مثال کے طور پہ ایسا نہ کریں کہ آپ لکھیں کہ ہم اڑنگ کیل جانے کے لئے لفٹ میں سوار ہوئے۔ پھر چار دن کا وقفہ پورا کرنے کے بعد آپ لکھیں کہ ایک گھنٹہ پیدل چلنے کے بعد ہم اڑنگ کیل پہنچ گئے۔اس کے بعد ایک ماہ کے لیے غایب اور پھر اڑنگ کیل سے نیچے اترے۔ اپنے پڑھنے والوں کی دلچسپی ہرگز ختم نہ ہونے دیں۔ آ ج کے دور میں کوئی مہظ پانچ منٹ کی وڈیو نہیں دیکھتا تو تحریر کون پڑھے گا۔اپنے پڑھنے والوں کی قدر کریں۔ اب تو ویسے بھی سمارٹ فون کا دور ہے اپنی روداد جلدی پوسٹ کریں۔

ب۔ اپنی روداد کو مختصر الفاظ میں بیان کریں۔کوشش
کیجئےجب کسی علاقے کی خوبصورتی کی تعریف یا راستے کی مشکلات بیان کرنا مقصود ہو تو اس کو مناسب الفاظ میں بیان کریں اور زیادہ تمہید نہ باندھیں۔یہ فورم پوسٹ ہے کوئ فری لانسنگ اسائنمنٹ نہیں کہ لازمی ہو کہ 500الفاظ ہر صورت پورے کرنے ہوں۔

ج۔ جہاں لفظوں میں بیان کرنا مشکل لگے تو تصاویر کا سہارا لیں

یہ قول یاد رکھیں
A picture is worth a thousand words

شکریہ

[haroonmcs26]

پسندیدگی کیلئے مشکور ہوں۔ واقعی انسان کے ساتھ دوسری مجبوریاں نہ ہوں تو وہ جگہیں زیادہ قیام کی متقاضی ہیں۔ شکریہ۔

[haroonmcs26]

باکل درست فرمایا آپ نے لیکن برادر اس کے ساتھ بہت سی اور بہت ضروری مصروفیات ہوتی ہیں جن کو پورا کرنا ضروری ہے اور جن کے بغیر گزارہ ممکن نہیں۔ میں نے جب بھی اپنے کسی تھریڈ کو شروع کیا تو ارادہ یہی بناتا کہ اس کو جلد سے جلد مکمل کر وں لیکن پھر ایسی مصروفیات و واقعات آ جاتے ہیں کہ انسان اپنی سوچ کو عملی جامہ پہنانے سے قاصر ہو جاتا ہے اور اسی وجہ سے پھر قارئین کو بہت انتظار کرنا پڑتا ہے۔ باقی میں اپنے قارئین کی قدر کرتا ہوں اور اسی وجہ سے ان کی آراء کو بھی اہمیت دیتا ہوں اور اسی چیز کو مدّنظر رکھ کر ان کی پوسٹ کو جواب بھی دیتا ہوں۔ باقی برادر ایک اور بات میں گوش گزار کرتا چلوں کہ لکھنا آسان کام نہیں بے شک سمارٹ فون کا دور ہے لیکن میں جب لکھتا ہوں تو مجھے مکمل یکسوئی چاہیئے کیونکہ لکھتے وقت میں اپنے آپ کو تصوراتی طور پر اسی جگہ لے جاتا ہوں اور پھر اپنے دماغ سے اس وقت کی یادوں اور سوچوں کو کھوجتا ہوں اور پھر ان کو الفاظ کا جامہ پہناتا ہوں اور میں کوئی ایسے نہیں کہہ رہا میں لکھتے وقت اپنے آپ کو ان خوبصورت مناظر کے ساتھ پاتا ہوں۔ میری ذاتی رائے میں تصاویر، ویڈیو/وی لاگنگ وغیرہ لکھنے سے بہت ہی آسان کام ہیں۔ باقی میں اپنی تحریروں میں بار بار ایک بات کہتا ہوں کہ میں کوئی پیشہ ور لکھاری نہیں اس وجہ سے کمی کوتاہی تو ہو سکتی ہے جن سے صرف نظر کرنے پر میں اپنے قارئین کا شکر گزار ہوں۔ شکریہ۔

[haroonmcs26]

بائیک ٹور کیلئے بہترین کوالٹی کا ٹینک بیگ جس کو بطور بیک پیک بھی استعمال کیا جا سکتا ہے۔ میں نے یہ بیگ اپنے استعمال کیلئے خریدا اور زبردست پایا اسی وجہ سے آُپ لوگوں کے ساتھ بھی شیئر کر رہا ہوں۔ میرے چینل کو سبسکرائب کریں اور بیل آئیکون کو بھی دبائیں۔ شکریہ۔

[haroonmcs26]

Most practical saddle bags for your tour bike. I bought them for my tour bike and found them very spacious & cheaper than side boxes. Please subscribe my channel, thanks

[haroonmcs26]

اچھی کوالٹی اور ٹور کیلئے بہترین سائز کا موٹر سائیکل ٹاپ باکس جو کہ میں نے اپنی ٹور بائیک کیلئے خریدا ہے۔ برائے مہربانی میرے چینل کو سبسکرائب کریں۔ شکریہ۔

[haroonmcs26]

My new tour bike with new tank bag, saddle bags & top box. Please subscribe my channel and also press bell icon.

[haroonmcs26]

[ishaque.rafique]

Yee apko kaisy idea hota k chain lose / tight hai ?

[ishaque.rafique]

خیال آ رہا تھا کہ اگر اس میں کوئی گر جائے تو اس کا کیا بنے گا

Ahhhh !
Yhi Bridge kuch saaal phly toota tha