وادی سماہنی، آزاد کشمیر، از ہارون الرشید
وادی سماہنی ،آزاد کشمیر کی ایک خوبصورت وادی ہے جو ضلع بھمبر میں واقع ہے۔ یہ وادی لاہور سے تقریباً دو سو کلومیٹر کی مسافت پر ہے لیکن اتنی کم مسافت کے باوجود زیادہ لوگ اس سے واقف نہیں ہیں۔ حالانکہ چشموں، آبشاروں، سر سبز نظاروں، پیدل ٹریکس، تاریخی و روایتی جگہوں اور قدرتی حسن سے مالا مال یہ وادی محبت اور تعاون کرنے والے لوگوں کا گھر ہے۔ اس وادی میں تقریباً ایک درجن کے لگ بھگ آبشاریں موجود ہیں اور روایتی پن چکی کا بھی مشاہدہ یہاں کیا جا سکتا ہے ۔سردیوں میں بھی یہاں کا ٹور کیا جا سکتا ہے کیونکہ یہاں عام طور پر برف باری نہیں ہوتی اور راستے سارا سال کھلے رہتے ہیں اور سردی قابل برداشت ہوتی ہے ۔ سردیوں میں دن کو اور گرمیوں میں رات کو یہاں کے خوبصورت پیدل ٹریکس کا مزہ لیا جا سکتا ہے۔ جی ٹی روڈ سے گجرات یا کھاریاں سے بھمبر کی طرف سڑکیں نکلتی ہیں جو آگے سماہنی وادی کی طرف جاتی ہیں لیکن کھاریاں والی سڑک جو بذریعہ کوٹلہ ،بھمبر جاتی ہے وہ اچھی حالت میں ہے اس کے علاوہ میر پور سے بھی یہاں جایا جا سکتا ہے۔میں نے فروری کے آغاز میں میر پور سے یہاں کا بائیک ٹور کیا اور یہ تھریڈ اسی سفر کے متعلق ہے لیکن مصروفیات کی وجہ سے میں اس سفر کو تحریری صورت میں لانے سے قاصر ہوں کیونکہ تحریر کیلئے بہت زیادہ وقت درکار ہوتا جس کے لئے میں اپنے قارئین اور دوستوں سے انتہائی معذرت کرتا ہوں ۔ امید ہے میری مجبوریوں کو سمجھتے ہوئے وہ مجھے معاف کر دیں گے۔ آپ لوگوں کی معلومات کیلئے میں اس سفر کی تصاویر اور ویڈیو کہانی کا یو ٹیوب لنک یہاں شیئر کرتا رہوں گا امید ہے یہ آپ کو پسند آئے گی۔ میں نے کوشش کی ہے کہ تحریر کی طرح اس ویڈیو کہانی میں بھی زیادہ سے زیادہ معلومات آپ کے سامنے رکھ سکوں۔ اگر آپ کو میری یہ کاوش پسند آئے تو میرا یو ٹیوب چینل ضرور سبسکرایب کریں اور گھنٹی کا بٹن بھی دبائیں تاکہ آپ کو نئی نئی سیاحتی ویڈیوز ملتی رہیں۔ بہت شکریہ ۔ ہارون الرشید، لاہور
میرپور سے وادی سماہنی کے خوبصورت گاؤں کھنہ تک کے سفر کی ویڈیو کہانی۔
اس ویڈیو میں راستے کی مکمل تفصیلات اور درکار وقت بتایا گیا ہے نیز اہم موڑوں کے بارے میں معلومات ہیں تاکہ سفر کرنے والوں کیلئے آسانی ہو ۔میر پور سے وادی سماہنی کی طرف دو راستے جاتے ہیں ایک میر پور سے بذریعہ بھمبر اور دوسرا مختصر لیکن قدرتی مناظر سے بھر پور پیر گلی، دورال والا راستہ ۔ میں نے اسی خوبصورتی سے لطف اندوز ہونے کیلئے یہ مختصر راستہ اختیار کیا ۔یہی راستہ آگے مرکزی سماہنی تک بھی جاتا ہے۔کھنہ جانے کا مقصد اس علاقے کی خوبصورت آبشار جو "کھنہ آبشار "کہلاتی ہے کو دیکھنا تھا جس کی تفصیلات اگلی ویڈیو میں آئیں گی۔
کھنہ آبشار ، وادی سماہنی کی ایک مشہور آبشار ہے۔یہ ایسی آبشار ہے جس کے متعلق مقامی لوگ بھی کم جانتے ہیں کیونکہ یہ آبادی سے کچھ ہٹ کر قدرتی جنگلی پن میں موجود ہے۔ اس آبشار کی جھلک تو مین روڈ سے چند قدم کے فاصلے سے نظر آ سکتی ہے لیکن اس کے قدموں میں جانے کیلے کچھ پیدل ہائیک کرنی پڑتی ہے۔ اس ویڈیو میں اس کے ان دونوں مقامات کی مکمل تفصیلات موجود ہیں ۔ ویڈیو مین کئی جگہ وقت بھی لکھ دیا ہے تاکہ آپ کو پتا چل سکے کہ کتنا وقت درکار ہو گا اس خوبصورت آبشار کو دیکھنے کیلئے۔
وادی سماہنی کے گاؤں سمرالہ میں واقع صدیوں پرانی باؤلی جو آج بھی پانی مہیا کرتی ہے اور اس میں موجود پانی اپما لیول بر قرار رکھتا ہے۔ قدیم زمانے کی انجنئرنگ اور فنتعمیر کا نمونہ۔
سمرالہ ، وادی سماہنی کا ایک خوبصورت گاؤں ہے جو کہ سماہنی کے قصبہ سے کچھ بلندی پر واقع ہے ۔ اس گاؤں کے گردونواح بہت خوبصورت ہیں اور ہم نے اس کے گردو نواح کو دیکھنے کیلئے وہاں سے سمرالہ ٹاپ/کپا گلہ ٹاپ تک پیدل ہائیک کی۔ راستے میں خوبصورت مناظر، صدیوں پرانی باؤلی، قدیم درخت، سمرالہ آبشار ، وادیوں کا بلندی سے نظارہ اور مقبوضہ کشمیر کی پہاڑیوں وغیرہ کا بھی نظارہ کیا۔ یہ ویڈیو اسی ہائیک کے متعلق ہے۔
سمرالہ گاؤں، وادی سماہنی کے پاس ایک چھوٹی آبشار جس میں گرمیوں میں نہانے کا بہت مزہ ہے۔
سمرالہ گاؤں جو کہ سماہنی قصبہ سے کچھ بلندی پر واقع ہے لیکن یہاں کوئی پختہ سڑک فی الحال نہیں جاتی ہے ۔ وہاں تک جانے کیلئے ایک آف روڈ ٹریک ہے جس پر سفر کرنے کی وجہ سے ہماری بائیکس پنکچر ہو گئی۔
ریال ٹاپ، وادی سماہنی کی ایک مشہور جگہ ہے جو کہ اس وادی کیلئے پنج پیر راکس جیسی اہمیت رکھتا ہے اور عام طور پر سیاح وادی سماہنی کی سیر کے دوران یہاں ضرور جاتے ہیں۔ یہ ویڈیو اسی ریال ٹاپ کے متعلق ہے جس میں اس کا سماہنی سے فاصلہ، روڈ کنڈیشن اور درکار وقت کے علاوہ اس ٹاپ کی مکمل تفصیلات دی کئی ہیں۔ برائے مہربانی چینل کو سبسکرائب کریں۔ شکریہ۔
haroonmcs26
(haroonmcs26)
#10
سندوعہ آبشار، وادی سماہنی کی ایک خوبصورت اور بڑی آبشار ہے جو لاہور سے تقریباً دو سو کلومیٹر دور ہے۔ ایک ایسی آبشار جہاں تک ہر قسم کی گاڑی میں جایا جا سکتا ہے۔ اس آبشار کی تفصیلات جانئے اس ویڈیو میں۔ اگر ویڈیو پسند آئے تو میرے چینل کو بھی سبسکرائب کریں۔
haroonmcs26
(haroonmcs26)
#11
انسان زمانہ قدیم میں اناج کو پیسنے کیلئے پن چکیوں کا استعمال کرتا رہا ہے لیکن نئی ٹیکنالوجی اور بجلی کی چکیوں کے بعد یہ تقریباً ختم ہو چکی ہیں ۔ اس ویڈیو میں ہم آپ کو وادی سماہنی کی ایک پن چکی کولائیو کام کرتے دکھائیں گے جو کہ آج بھی اناج پیسنے کیلئے استعمال کی جاتی ہے اور اس کے آٹے کی افادیت اور ذائقہ ابھی بھی جدید چکیوں سے زیادہ ہے۔ برائے مہربانی میرے چینل کو سبسکرائب کریں اور بیل آئیکون کو بھی دبائیں۔ شکریہ۔
haroonmcs26
(haroonmcs26)
#12
وادی سماہنی کی ایک آبشار کی ویڈیو کہانی۔ یہ آبشار ایک خوبصورت محل وقوع اور قابل دید نظاروں والی جگہ پر واقع ہے۔ ایک ایسی پر سکون جگہ جہاں آپ صرف پانی کی قدرتی موسیقی کی آواز سنتے ہیں اور ہر طرف سکون ہی سکون محسوس ہوتا ہے۔ اگلی ویڈیوز کیلئے میرے چینل کو سبسکرائب کریں اور بیل آئیکون کو بھی دبائیں۔ شکریہ۔
haroonmcs26
(haroonmcs26)
#13
ہمارے وادی سماہنی کے ٹور کے دوران ہماری رہنمائی اور مہمان نوازی سماہنی کے ایک مقامی شخص محمد اشفاق مغل صاحب نے کی جو کہ سماہنی میں بطور گائیڈ اور ٹور مینیجر کے طور پر بھی اپنی خدمات پیش کرتے ہیں۔ یہ ویڈیو ان کے متعلق ہے تاکہ اگر کوئی شخص سماہنی جانا چاہتا ہے تو وہ معلومات کیلئے ان سے رابطہ کر سکتا ہے۔ ہمارے سماہنی ٹور کی یہ آخری ویڈیو ہے۔ اگر آپ کو ہماری ویڈیوز پسند آئی ہیں تو میرے چینل کو سبسکرائب ، لائیک اور شیئر کریں اور بیل آئیکون کو بھی دبائیں تاکہ آُ پ کو ہماری سیاحتی ویڈیوز ملتی رہیں۔ شکریہ۔ ہارون الرشید، لاہور ، پاکستان۔
haroonmcs26
(haroonmcs26)
#14
سب دوستوں سے ایک مدد بھی چاہیئے تھی کہ میں نے اپنے یو ٹیوب چینل کا آغاز کیا ہے جس کے سبسکرائبرالحمد للہ ایک ہزار کے قریب پہنچ گئے ہیں اور چینل مونیٹائیز ہونے کے قریب ہے۔ آپ دوستوں سے درخواست ہے کہ میرے چینل کو سبسکرائب کریں، میری ویڈیوز کو دیکھیں اور دوستوں کے ساتھ شیئر بھی کریں۔ میری ویڈیوز میں آپ کو نمو دو نمائش کم نظر آئے گی البتہ میری تحریروں کی طرح معلومات ضرور ملیں گی۔ آپ کے تعاون کا طلبگار ہوں۔ جزاکم اللہ، بہت شکریہ۔ ہارون الرشید۔
haroonmcs26
(haroonmcs26)
#15
haroonmcs26
(haroonmcs26)
#16
سندوعہ آبشار کی ایک خوبصورت مختصر ترین ویڈیو۔
