تین کزنز ، ناران، ہنزہ اور خنجراب

[haroonmcs26]

ہم اور عطاآباد جھیل۔

[haroonmcs26]

تیسری سرنگ شروع ہونے سے پہلےگاڑی پارک کرنے کیلئے اور جھیل کا نظارہ کرنے کیلئے مناسب جگہ موجود تھی۔

[haroonmcs26]

عطاء آباد جھیل۔ حسین رنگوں کا امتزاج۔

[haroonmcs26]

عطاء آباد جھیل پر شام کے پھیلتے ہوئے سائے۔

[haroonmcs26]

تیسری سرنگ میں داخل ہونے سے پہلے جھیل کے ساتھ ہم نے کچھ وقت گزارا اور اسکے رنگوں میں کھوئے رہے۔ لیکن جب شام کے سائے ڈھلتے دیکھے تو آگے کوچ کا ارادہ کیا۔ اور تیسری سرنگ میں داخل ہو گئے۔ چھ بجکر گیارہ منٹ پر ہم نے چوتھی سرنگ کے سامنے مختصر قیام کیا۔ عطاء آباد جھیل اب بھی ہمارے ساتھ تھی لیکن اس کے ادا دکھانے کا انداز بدل چکا تھا۔

[haroonmcs26]

چوتھی سرنگ اب ہماری نظروں کے سامنے تھی۔

[Rabeelch]

bro i must protest here ............. ap nay yey chilkay nai uthay kia???? in ur pic i can c all the trash at babusar top left by ppl... please at least u shud not have contributed to it......

Exactly, But still his story took me back there and I enjoyed more than actually being there, I keep some dustbin paper with me and collect all the littering in it and drop it to first municipality designated place.Specially people through used pampers which are scattered,Alu k chilko ki kher hey woh tow organic hotey hen ,pampers tow hamesha rehtey hen

[haroonmcs26]

چوتھی سرنگ کو پار کرکے ہم پانچویں سرنگ میں داخل ہوئے۔ ۔سرنگوں سے گزرتے ہوئے لوگ شور مچاتے ہوئے آواز کی گونج سے لطف اندوز ہو رہے تھے۔ گاڑی کی ہیڈ لائٹس جلا کر رکھنا پڑتی ہے۔ کوشش کریں کہ زیادہ رفتار پر گاڑی نہ چلائیں کیونکہ درمیان میں ایک دو جگہ سرنگ کے اندر مرمت کا کام بھی چل رہا تھا۔ سرنگوں میں کئی جگہ سائیڈ میں کافی کھلی جگہیں بھی موجود تھیں تاکہ کسی خرابی کی صورت میں گاڑی وغیرہ کو ایک طرف پارک کیا جاسکے۔ جب میٹر ریڈنگ 31187 تھی تو ہم نے پانچویں سرنگ کو پار کر لیا اور چھٹی سرنگ میں داخل ہو گئے۔جو کہ تقریبا ایک کلومیٹر طویل تھی۔اب ٹھیک طرح سے یاد نہیں کہ عطاء آباد سرنگوں کی تعداد چھ ہی تھی یہ ایک دو مزید اورتھیں۔

[haroonmcs26]

سرنگوں کا طویل سلسلہ اندازا تقریبا آٹھ سے نو کلومیٹر پر پھیلا ہوا تھا اور اس سارے سفر میں عطاء آباد جھیل ہمارے ساتھ تھی۔ لیکن بعض سرنگوں کے اختتام پر وہ نظر آ تی تھی اور بعض جگہ نہیں۔ایک سرنگ سے پہلے سیکیورٹی چیک پوسٹ بھی تھی جہاں اندراج کروانا پڑتا ہے۔ اب مجھے یاد نہیں کہ کس سرنگ سے پہلے وہ چیک پوسٹ آئی تھی۔ ایک سرنگ کے اختتام پر تو عطاء آباد جھیل کا بہت بڑا حصہ ہماری نظروں کے سامنے تھا۔ بہت دور تک اس کے نیلے پانیوں کا نظارہ کیا جاسکتا تھا۔ بے ساختہ گاڑی کو ایک طرف کرکے بریک لگا دی۔ اس سے پہلے عطاء آباد جھیل کا کچھ ہی حصہ ہماری نظروں سے گزرا تھا لیکن اب اسکا بہت بڑا حصہ دعوت نظارہ دے رہا تھا۔ وقت تقریبا سو ا چھ کا تھا۔ عطاء آباد جھیل کا نیلگوں پانی، اسکے ساتھ اٹھتے ہوئے بھورے پہاڑاور اس میں تیرتی ہوئیں کشتیاں خواب کا حصہ معلوم ہو رہیں تھیں۔پہاڑ خشک اور بنجر تھے لیکن جھیل کا ساتھ وہ بھی خوبصورت لگ رہے تھے۔ سڑک کے ساتھ کچھ سبزہ بھی نظر آرہا تھا۔

[haroonmcs26]

سرنگوں کے سلسلے کے اختتا م سے کچھ پہلے ہماری ویگن آر بھی عطاء آباد جھیل کا نظارہ کرتے ہوئے ۔

[haroonmcs26]

سرنگوں کے سلسلے کے درمیان سیکیورٹی چیک پوسٹ جہاں پر آپ کو اندراج کروانا پڑتا ہے۔ اندراج کا وہی طریقہ تھا جو اس سے پہلے ہم نے اختیار کیا تھا ۔ وسیم میرا شناختی کارڈ لے کر جاتا اور اندراج کروا کر واپس آ جاتا۔ زیادہ وقت نہیں لگتا تھا۔ اس دوران ہم اطراف کے نظاروں کا جائزہ لیتے رہتے تھے۔

[haroonmcs26]

عطاء آباد جھیل کا ایک اور خوبصورت نظارہ۔

[haroonmcs26]

سرنگوں کا طویل سلسلہ ختم ہو چکا تھا۔ اور اب چھوٹے چھوٹے حصوں کی بجائے عطاء آباد جھیل کا بہت بڑا حصہ ہمارے سامنے تھا۔ جھیل پہاڑوں کے درمیان بل کھاتی ہوئی نظر آرہی تھی۔

[haroonmcs26]

کچھ آگے سڑک سے نیچے گہرائی میں جھیل کے کنارے کے پاس کئی کشتیاں بھی نظر آرہیں تھیں۔ پہلے ان کشتیوں کے ذریعے گاڑیوں تک کو پار کروایا جاتا تھا لیکن اب یہ صرف سیاحوں کو جھیل کی سیر کرانے کے لئے استعمال ہورہیں تھیں۔ کئی رنگ برنگی کشتیاں جھیل کے کنارے پر لنگر انداز تھیں اور جھیل کی خوبصورتی کو مزید نکھار رہیں تھیں۔ کشتیاں کافی بڑی تھیں لیکن بلندی سے چھوٹی چھوٹی نظر آ رہیں تھیں۔اس مقام سے سڑک سے کھڑے ہو کر جھیل بہت دور تک نظر آئی۔ اور دور سے آتی ہوئی ایک کشتی اور اس سے پانی میں پیدا ہونے والی پانی کی لکیریں بہت خوبصورت لگ رہیں تھیں۔

[haroonmcs26]

گہرائی میں سیاحوں کی بہت سی گاڑیاں بھی جھیل کے پاس کھڑیں تھیں۔ جھیل تک جانے کیلئے ایک کچا بلدار رستہ نیچے کی طرف نظر آرہا تھا۔ جس سے ہر قسم کی گاڑی بآ سانی جا سکتی ہے۔ ہم نے بھی سوچا کہ کشتی میں بیٹھ کر جھیل کی سیر کرتے ہیں۔ اسلئے ہم بھی اپنی ویگن آر کو اس کچے رستے سے گزار کر نیچے لے گئے اور ایک مناسب جگہ پر کشتیوں سے کچھ پہلے اسے پارک کردیا۔

[haroonmcs26]

جھیل کا آنکھوں میں سماجانے والا ایک منظر۔ کنارے پر کھڑی ہوئیں کشتیاں اور فوٹو گرافی میں مصروف کچھ سیاح۔

[haroonmcs26]

نیلا پانی اور رنگ برنگی کشتیاں۔

[haroonmcs26]

گاڑی کو کھڑا کرنے کے بعد ہم دوسرے سیاحوں کی طرح چہل قدمی کرتے ہوئے جس جگہ پہنچ گئے جہاں کشتیوں پر سوار ہوتے ہیں۔ چھ بجکر اڑتیس منٹ ہو گئے تھے۔ اور شام کے سائے بھی گہرے ہوتے جا رہے تھے۔ پوچھنے پر پتا چلا کہ جب بیس لوگ پورے ہو جاتے ہیں تو تب کشتی جھیل کے سفر کیلئے روانہ ہوتی ہے۔ فی آدمی کرایہ 100 روپے تھا لیکن ڈھلتی ہوئی شام کی وجہ سے لوگ کم تھے۔ دوسرا طریقہ یہ تھا کہ 2000 روپے دو اور پوری کشتی بک کروا لو۔ ہم نے خنجراب بارڈر کو دیکھنے کے بعد دوبارہ اسی راستے سے گزرنا تھا اسلئے ہم نے 2000 روپے ضائع کرنے مناسب نہیں سمجھے اور سوچا واپسی پر کشتی کی سیر کی جائے ۔

[haroonmcs26]

عطاء آباد جھیل ڈھلتی شام کے رنگوں میں اور جھلمل کرتا پانی۔

[haroonmcs26]

پانی کا رنگ کہیں نیلا نظر آرہا تھا اور کہیں سفید۔