جولائی 2017 اور گلگت بلتستان

[grewal.hse]

Very Nice Haroon Bhai; Please Keep continue!

[haroonmcs26]

بہت شکریہ جناب۔ انشاء اللہ کوشش ہو گی کہ جلد سے جلد روئیداد کو مکمل کر دوں۔

[nagar1]

haroon bhai bara tarsate hain yar

[haroonmcs26]

اب ہم مناور گلگت کے علاقے سے گزر رہے تھے۔ مجھے اپنے پچھلے سال کے سفر کے دوران ملنے والے مولانا ہارون الرشیدصاحب یاد آ گئے جن کا تعلق اسی علاقے سے ہے اور وہ شاہراہ قراقرم پر ہی واقع ایک مدرسے کے مہتمم بھی ہیں۔ انکے مدرسے کا بورڈ دیکھ کر گاڑی کو ایک سائیڈ پر لگا دیا تاکہ ان سے ملاقات کر سکیں۔ پچھلے سال جب میں ان سے ملا تھا تو ہم بالکل اجنبی تھے لیکن مجھے انکی مہمان نوازی اور محبت نے گرویدہ کر لیا تھا۔ اور یہ وہی محبت تھی جس نے مجھے گاڑی روکنے پر مجبور کر دیا ۔ گاڑی سے اتر کر مدرسے کے اندر داخل ہوئے تو وہاں مجھے انکے بچے نظر آئے۔ میں نے انھیں پہلی نظر میں ہی پہچان لیا ۔ ان سے مولانا صاحب کے متعلق پوچھا تو وہ مدرسہ کے ساتھ ہی موجود گھر میں انکو بلانے کے لئے بھاگے۔ اب میں آ تو گیا تھا لیکن دل میں یہ بھی تھا کہ کہیں وہ پہچان ہی نہ سکیں کیونکہ ایک سال پہلے کی ایک مختصر ملاقات ہی تو تھی جس نے ہماری واقفیت بنائی تھی۔ کچھ دیر بعد مولانا صاحب نظر آئے اور بڑی گرم جوشی سے ہم سے ملے۔ پچھلی سال میری داڑھی کافی چھوٹی تھی لیکن اب ماشاء اللہ بڑی ہو گئی تھی۔ ان کو اپنا تعارف کرایا اور پچھلے سال کا حوالہ دیا تو وہ اور بھی گرم جوشی سے ملے۔ میں نے ان سے کہا کہ آپ کی پچھلے سال کی محبت مجھے کھینچ لائی ہے اس پر انھوں نے بہت محبت کااظہار کیا۔ وہ ہمیں لیکر گھر میں موجود بیٹھک میں لے گئے۔ بیٹھک کو سادگی سے لیکن اچھے انداز میں ترتیب دیا گیا تھا۔ فرشی نشست کا اہتمام تھا ۔ جس میں دیوار کے ساتھ ساتھ گدے اور تکیے رکھے ہوئے تھے۔ یہ ان علاقوں کا مخصوص انداز تھا۔ اور مجھےانکی فرشی نشست کا انداز بے حد پسند آیا جسکو میں گلگت بلتستان میں کئی جگہوں پر دیکھ چکا ہوں۔مولانا صاحب نے پہلے شربت سے ہماری تواضع کی۔ اب آپ کہیں گے ان علاقوں میں شربت۔ اصل میں گلگت کے آس پاس کا علاقہ جولائی میں کچھ گرم ہی رہتا ہے اسلئے شربت کا بھی استعمال ہوتا ہے۔ اسکے بعد انھوں نے گھر میں نمکین شرک بنوائے۔ یہ اس ڈش کا مقامی نام ہے۔ یہ باہر سے دیکھنے میں سموسے جیسے نظر آتے ہیں لیکن اصل میں اندر سے کھوکھلے ہوتے ہیں اور نمکین آٹے سے بنائے جاتے ہیں پھر انکی کی تلائی کی جاتی ہے۔ شرک کے ساتھ بہترین چائے ۔ مزہ آ گیا۔ مولانا صاحب کی مہمان نوازی کے ساتھ ان چیزوں کا لطف دوبالا ہو گیا۔ ان علاقوں میں عام طور پر لوگ نمکین چائے کا استعمال کرتے ہیں لیکن مولانا صاحب نے ہماری وجہ سے چینی بھی ساتھ رکھی تھی۔

[haroonmcs26]

بھائی دل سے معذرت چاہتا ہوں کہ کوشش کے باوجود روئیداد کو بروقت مکمل نہ کر سکا۔ اصل میں نومبر سے اتنی مصروفیت رہی کہ وقت ہی نہ نکال سکا جیسے دو ہمشیراں کی شادی، بیٹے کی بیماری، میرے ہر دلعزیز اور باپ جیسے تایا جان کی وفات جنھوں نے ابو کی وفات کے بعد ہمیں انکی کمی محسوس نہ ہونے دی اور دفتری مصروفیات۔ انشاء اللہ کوشش کروں گا کہ روئیداد کو جاری رکھ کر جلد سے جلد ختم کروں۔ امید ہے آپ ہماری خطا کو معاف کر دیں گے۔ بہت شکریہ

[nagar1]

Allah apko khushian de aur masrufiat qaaim rkhe..agar jaldi khtm krdi phir hmara intazar khtm hojaega aur ye hm bhi nahi chahte

[haroonmcs26]

بہت شکریہ۔ دعاؤں کا اور آپ کی محبت کا تہہ دل سے مشکور ہوں۔

[haroonmcs26]

اسکے بعد گپ شپ کا سلسلہ شروع ہو گیا۔ مولانا صاحب کی ایک بات ہے موضوع کسی قسم کا بھی ہو وہ خود کو اسکے مطابق ایڈجسٹ کر لیتے تھے۔ دینی ہو دنیاوی ہویا مزاح ہو۔ پھر باتوں کا رخ ایک سے زیادہ شادیوں کی طرف مڑ گیا۔ ہمارے ساتھ جو یاسر بھائی ہیں انکی تین بیویاں ہیں اور ابھی جناب چوتھی کرنے کے چکر میں ہیں۔ اس سلسلے میں کافی زیادہ مذاق چلتا رہا اور عنصر اس موضوع کا کافی نشانہ بنا کیونکہ وہ ابھی غیر شادی شدہ تھا۔ مولانا صاحب کے بچے بھی وہاں آ گئے۔ پچھلے سال کے ٹور میں لی گئی انکی تصاویر ابھی بھی میرے موبائل میں محفوظ تھی۔ انکو وہ تصاویر دکھائیں تو وہ بہت خوش ہوئے۔ اچھا خاصا وقت مولانا صاحب کے پاس گزار کر روانگی کا ارادہ کیا۔ مولانا صاحب نے بہت کہا کہ کھانا کھا کر جانا لیکن ہمیں ابھی کافی آگے جانا تھا۔ اسلئے ان سے معذرت کی اور انکی مہمان نوازی کا شکریہ ادا کیا۔ انکی بیٹھک سے باہر نکلے تو دیکھا انھوں نے اپنے گھر میں ایک چھوٹا سے باغیچہ بھی لگایا ہوا تھا جس میں سیب، خوبانی اور پھولدار پودے وغیرہ لگے ہوئے تھے۔ ان میں سیب اور خوبانی بھی لگی ہوئی نظر آرہیں تھیں۔ دوستوں نے ایک آدھ سیب توڑا بھی لیکن ابھی وہ مکمل تیار نہیں تھے۔ گھر سے باہر نکل کچھ پیسے ہم نے مدرسے کے چندہ بکس میں ڈالے اور بچوں میں گولیاں، ٹافیاں، کیک، بسکٹ، چپس وغیرہ بھی تقسیم کرنے کے بعد مولانا صاحب کی مہمان نوازی کے احساس کے ساتھ ہم آگے روانہ ہو گئے۔

[haroonmcs26]

اب ہم دوبارہ شاہراہ قراقرم پر تھے۔ گلگت کے آس پاس شاہراہ قراقرم کے بل کم ہو جاتے ہیں اور باآسانی تیزی سے گاڑی کو ڈرائیو کیا جا سکتا ہے۔ مولانا صاحب کی رہائش گاہ سے کچھ آگے جا کر ایک چیک پوسٹ آئی اور وہاں اپنی آمد کا اندراج کروایا ۔ پوسٹ والے یہ بھی لکھتے ہیں کہ آگے منزل کونسی ہے۔ ہم نے منزل سوئے ہنزہ بتائی۔

[haroonmcs26]

راستے میں پاک چین دوستی کے اظہار کے طور پر ایک یادگار کو دیکھ کر وہاں کچھ دیر کیلئے رک گئے۔ ایف ڈبلیو او نے اس یادگار کو تعمیر کیا تھا۔

[haroonmcs26]

کچھ دیر کے بعد ہمیں ایک آگاہی بورڈ نظر آیا جس کے مطابق سیدھے جائیں تو گلگت شہر اور دائیں طرف جائیں تو دنیور کی طرف نکل جائیں گے۔

[haroonmcs26]

اس بورڈ سے کچھ آگے ہم اس دوراہے پر پہنچ گئے جس کی آگاہی ہمیں اس بورڈ نے دی تھی۔ وہاں ایک یادگار بھی نظر آرہی تھی جو کہ دوراہے کے عین درمیان میں بنی ہوئی تھی۔ سامنے جانے والی سڑک گلگت شہر اور دائیں طرف جانے والی سڑک دنیور سے ہوتے ہوئے ہنزہ سے گزر کر خنجراب بارڈر تک پہنچتی ہے، یہاں سے گلگت شہر چند منٹ کی مسافت پر ہے۔ پچھلے سال ہم بے خیالی میں سیدھے چلتے چلے گئے اور ہمیں اس وقت پتا چلا جب ہم گلگت شہر کے مرکزی دروازے پر پہنچے اور ہمیں پھر وہاں سے واپسی کا راستہ لینا پڑا ۔ لیکن اس دفعہ ہم نے کوئی غلطی نہ کی اور دنیور کی طرف جانے والے راستے پر مڑ گئے جو کہ درحقیقت شاہراہ قراقرم ہی ہے۔

[haroonmcs26]

جب ہم دنیور کی طرف جانے والے راستے پر مڑ گئے تو ہمیں گلگت شہر اپنے بائیں ہاتھ پر دور سے نظر آ رہا تھا۔

[haroonmcs26]

گلگت کے آس پاس آبادیاں کچھ زیادہ نظر آتی ہیں شاید اسکی یہ وجہ ہے کہ گلگت اس صوبے کا دارالخلافہ ہے ۔

[haroonmcs26]

پھر ہم اس بڑے کنکریٹ سے تیار شدہ پل پر پہنچ گئے جو کہ دریائے گلگت پر بنایا گیا ہے۔

[haroonmcs26]

پل کو کراس کیا اور کچھ فاصلہ طے کرنے کے بعد ہم دنیور کے قصبے میں پہنچ گئے جو کہ میرے خیال میں چلاس کے بعد شاہراہ قراقرم پر پہلا سب سے بڑا قصبہ ہے۔ یہاں ہمیں کئی بنک بھی نظر آئے اور بازار بھی کافی بڑا تھا جس میں روزمرہ زندگی کی تقریبا ہر چیز نظر آ رہی تھی۔ میٹر ریڈنگ 53500، وقت 10 بجکر چھپن منٹ۔ یاسر بازار میں کاغذی اخروٹ اور بادام کا ریٹ پتا کرنے گیا تاکہ واپسی پر جہاں سے مناسب ہوں گھر والوں کیلئے خریدے جا سکیں۔ جو وہ پتا کرکے آیا اس کے مطابق اخروٹ چار سو روپے کلو اور بادام سات سو پچاس روپے کلو۔

[haroonmcs26]

جیسے جیسے ہم ہنزہ کی طرف جاتے جا رہے تھے گردو پیش میں سبزے کا اضافہ ہوتا جا رہا تھا ورنہ چلاس سے گلگت تک ہم نے زیادہ تر خشک پہاڑ اور وادیاں ہی دیکھیں تھیں۔ ایک جگہ پر دریا، سبزہ اور سنگلاخ پہاڑوں کے امتزاج سے بنا ہوا خوبصورت منظر جس نے ہمیں رکنے پر مجبور کر دیا۔

[nomee2004]

just waoooooo

[haroonmcs26]

بہت شکریہ

[shoaib_ahmad_khan]

your pictures are amazing.. wonderful photography with mobile cam..