Sirf company aur dealer mazay kr rhay hen esi products pr. Ghatiya cheezein itni sasti le aatay hen keh na repair waloun ko bachat na consumer ko. Bas kharab ho tu new le lo. Aur koi customization ka option hi nhn rakha hua keh banda masla jo keh unhi ka diya hua hei theek krwa sakay. Dekho ab paisay bhi laga diyay aur company se company ki product ka masla hal nhn hua. Kesay hota. Jab unhoun ne us product mei unti quality ki chezein hi nhn daalin tu settings idher udher krnay se kiya hona tha.
Dc solar pr bhi problems hen. Dc motor durable nhn. Sab 1-2 tak ka maal bnaya hua hei. Phir jitna gur utna mehnga.
Per masla yahi rehna hei keh apni product ka masla compny ne hl nhn krna. Warranty mei koi cheez lein tu woh bhi company ki aksar warranty nhn hoti balkay dkandar ki hoti hei keh thori zyda qeemat pr deta hei. Keh agar khrab ho gyi koi chez tu jo paisay liyay thay unhi mei khud hi repair ya new dey ga.
Q keh apko nuqsaan ho rha hei tu ap sab ki trah confuse bhi hngay jo is position mei hotay hen jinka dealer hi jhoot bol day aur company set na kr sakay. Confuse is trah ke keh ab solar per kharcha karein tu har cheez bas sasti lein. Mehngi ki gunjaish nhn. Aur agar mehngi ka soochein tu yeh dar keh company ya dealer jhoot na bol rhay hn tu phir mehngi bhi gayi.
Tu main masla talented aur honest technician dhondhnay ka hei jo sahi mashwaray day ya products day. Jo na sirf achi ho balkay repairable bhi aur sasti bhi q keh locally made aur customizeable bhi.
Full automatic solar unit hi sirf lakh rupay ka hei. Aur plates aur batteries aur phir dc pankhay ya cooler ya ac woh alag paisay hen. Phir installation ke alag.
Mein jaanta hn yahan lahore mei defense mei aik banday nay 15 lakh laga diyay. (Dont remember the amount exactly per thi bohat). Aur phir abid ko phone kiya keh ab 6 month tak tu sab theek tha. 3-4 Ac chal rhay thay raat ko bhi batteries pr waghera. Per ab batteries ka backup nihayat hi down ho gya hei. Tu faida itnay laganay ka keh bas 6 maheenay hi setup raha.
Again keh rha hn keh jab tak app acha banda dhondhnay mei time nhn lagayein gay apko (matlab hum sab ko) har field mei choona hi lagay ga chahay phir woh dr hi q na ho, politician ya school ya business partner ya kuch bhi.
Abhi shayed apka budget ka masla ho warna abid ke ups ka kehta aur apko send ho jaata 2-3 din mei bna kr. Aur 4-5 day apko karachi mil jaata. Khair ismay bhi risk hen. Keh banda jhota na ho ya phir wohi puranay kaam. Purani sharab nai bottle mei.
Good luck brother. Aur abid ka ups laina ho tu btana. Warna mei uska number post krta rehta hn. Apphone pe 10-15 minute tak mashwara kr sktay hen chahay kisi bhi chez ka ho. Per bina tang kiyay. Dish tv ho. Istri ho. Stabilizer ho. Ghar ki wiring ho. Ups ho. Battery ho. Solar ho. Generator problem ho (electrical problem), air conditioner ho fridge ho mobile ho laptop ho, bijli ka meter ho, waghera ya anything related to electricity. He will almost know and give you honest Pakistan related solution of the problem either made by pakistan product or chinese or japanese. Etc. Agar busy na ho tu mashwara denay mei koi problem nhn. Per jo tang kray phir ghusa aata hei. Aksar mashwara lenay aatay hen aur usay hi sikhanay lag jatay hen keh yeh theek hei yeh nhn.
Good luck brother.
