کشمیر جنت نظیر، جولائی 2019۔ روئیداد سفر۔ تحریر ہارون الرشید

[ajmal.mehmood70]

Wao . wonderful. Waiting bhai....

[haroonmcs26]

بہت شکریہ برادر۔ ان شاء اللہ جلد ہی مزید اقساط۔

[haroonmcs26]

ان شاء اللہ بروز جمعہ مورخہ 25.9.20 کو لاہور سے بنجوسہ جھیل جانے کا پروگرام ہے جہاں 27 تاریخ کو عالمی یوم سیاحت کے سلسلہ میں ایک تقریب کا اہتمام کیا گیا ہے جس میں بائیکرز کمیونٹی سے تعلق رکھنے والے لوگ شرکت کریں گے۔ ہفتہ کو جھیل پر کیمپنگ ہو گی اور اسکے بعد میرا ارادہ پنج پیر راکس پر نائٹ کیمپنگ کا ہے ۔ واپسی ان شاء اللہ بروز پیر ہو گی۔ اس سے واپسی پر اس روئیداد کو آگے بڑھاؤں گا۔

[ajmal.mehmood70]

Great. Good Luck Brother

[haroonmcs26]

جزاکم اللہ خیرا۔

[haroonmcs26]

please subscribe, like, share and comment. thank you

[haroonmcs26]

Please Subscribe, Like, Share, Comment. Thank You

[naheedmir]

Hi Haroon,
You shared a great post. There is no doubt that our beloved country Pakistan is blessed with diversity in regions and weather. It is ALLAH's special benevolence on Pakistan. We are enjoying 4 weathers and even we Pakistanis have not visited many of the exceptionally beautiful northern regions.
The point is that we lack the foresight to get benefit from these natural resources.
May our country progress by leaps and bounds.

Best.

Thanks

[haroonmcs26]

تحریر کو پسند کرنے کیلئے آپ کا شکر گزار ہوں۔ میں آپ کی بات سے مکمل اتفاق کرتا ہوں کہ ہمارا ملک دنیا کے ایسے خطہ میں واقع ہیں جہاں ہر قسم کے موسم اور ہر قسم کی زمین موجود ہے۔ ایسا خطہ زمین بہت کم ملکوں کے پاس ہے۔ ہمارے پاس بلندو بالا پہاڑ، بہتے دریا، سنہری صحرا، میدان، سمندر، ، تاریخی عمارتیں و آثار قدیمہ وغیرہ ہیں۔ اور آخر میں بات وہی جو پاکستان بننے سے ہو رہی ہے کہ ان کو استعمال کیا جائے۔ پیوستہ رہ شجر سے امید بہار رکھ۔

[haroonmcs26]

برائے مہربانی چینل کو سبسکرائب کریں اور ساتھ بیل بٹن کو بھی دبائیں۔ شکریہ۔

[haroonmcs26]

Please subscribe, like, share my channel and also press bell icon

[naheedmir]

Hi there,
It's one of the marvelous waterfalls in Pakistan. You have clicked the captivating beauty of nature. It's wonderful!

Thanks

[haroonmcs26]

plz subscribe and press bell icon

[haroonmcs26]

پندرہ جولائی 2019ء

صبح اٹھ کر ملحقہ مدرسہ میں نماز فجر با جماعت ادا کی۔ بیگ میں کل کی ناشپاتیاں رکھی تھیں وہ کھائی اور نہا دھو کر تازہ دم ہو گئے۔ مدرسہ کے منتظم نے بڑے پر تکلف ناشتے کا بندوبست کیا تھا جس میں پراٹھے، آملیٹ، فرائی انڈے، چنے، دہی اور چائے شامل تھی۔ ناشتہ سے فارغ ہو کر ہم نے منتظم کا تہہ دل سے شکریہ ادا کیا جس نے کوئی جان پہچان نہ ہونے کے باوجود اتنی خدمت کی اور اپنا سامان بائیک پر لوڈ کرنے کے بعد روانہ ہو گئے۔ وہاں سے ہم مین بازار میں پہنچے تو سوچا کہ فالتو سامان جیسا کہ استعمال شدہ کپڑے جو کل کی بارش میں گیلے بھی ہو گئے تھے کو واپس گھر بھجوا دیا جائے ۔ پاکستان پوسٹ آفس والے شاپر میں ڈال کر پارسل وصول نہیں کررہے تھے اس لئے قریب ہی موجود ایک جنرل سٹور سے ایک چھوٹا کارٹن لیا اور وہ چیزیں اس میں ڈال کر لاہور کیلئے بک کرادی جس کا خرچہ 325 روپے پڑا۔ جب ٹور مکمل کرکے ہم گھر واپس پہنچے تو میں نے دیکھا کہ گھر والوں نے پارسل کو ہاتھ بھی نہیں لگا یا اور وہ اسی طرح پیک پڑا تھا ۔ میں نے پوچھا کہ کھولا کیوں نہیں تو انھوں نے بتایا کہ وہ سمجھے پتا نہیں کہ کیا سامان ہے آپ واپس آ کر ہی کھولیں تو بہتر ہے ۔ جب میں نے بتایا کہ اس میں تو گیلے اور استعمال شدہ کپڑے تھے تو کافی شغل لگا۔ بہر حال پارسل کو بک کروا کر ٹریفک پولیس کے اہلکار سے پیر چناسی ٹاپ جانے والے راستے کا پوچھا اور مین بازار سے اس کی طرف روانہ ہو گئے۔ سڑک پختہ اور کھلی تھی جو مسلسل چڑھائی کی طرف جا رہی تھی۔ سڑک کنارے واقع ایک موٹر سائیکل ورکشاپ سے چین کو تھوڑا ڈھیلا کرایا کیونکہ کل جب ہم نے مظفر آباد آتے ہوئے اسے کسوایا تھا تو انھوں نے زیادہ ہی کس دیا تھا ۔ وقت ساڑھے دس بجے کا ہو رہا تھا ۔ پوسٹ آفس میں پارسل بک کرواتے ہوئے کافی وقت لگ گیا تھا۔ چین کسوا کر دوبارہ روانہ ہو گئے ۔ کچھ فاصلہ طے کرکے ایک جگہ رک گئے جہاں سے مظفر آباد شہر کا نظارہ کیا جا سکتا تھا۔ شہر کی آبادی وادی نما جگہ میں کافی رقبہ پر پھیلی ہوئی تھی ۔

##

##

[haroonmcs26]

مظفر آباد شہر سے پیر چناسی کا راستہ تقریباً چھبیس کلومیٹر ہے اور سارا ہی چڑھائی والا راستہ ہے لیکن اچھا کارپٹڈ روڈ اس کو آسان بنا رہا تھا۔ جب پیر چناسی ٹاپ تقریباً پندرہ کلومیٹر رہ گیا تو ایک جگہ رک گئے ۔دھوپ نکلی ہوئی تھی اسلئے میں نے اپنے لانگ شوز دھوپ میں رکھ دیئے تاکہ وہ سوکھ جائیں اور خود بھی دھوپ سینکنے کے ساتھ ساتھ سڑک کی منڈیر پر بیٹھ کر گہرائی کی طرف نظر آنے والی وادی کے مناظر میں گم ہو گئے جہاں وادی کے درمیان سے دریا بھی گزر رہا تھا۔

[haroonmcs26]

کچھ دیر دھوپ سینکنے کے بعد ہم دوبارہ بائیک پر تھے۔ طلحہ کا آج میٹرک کا رزلٹ بھی آنا تھا لیکن میں جان بوجھ کر اسے یاد دہانی نہیں کروا رہا تھا اور نہ ہی اس ذکر کو چھیڑ رہا تھا کہ کہیں وہ ٹینشن ہی نہ لے لے لیکن میں نے اس کے رزلٹ کا پتا لگانے کیلئے گھر کہہ دیا تھا۔ کچھ دور گئے تو ایک موڑ پر یو ٹرن اور چڑھائی کی وجہ سے بائیک نے چڑھنے سے انکار کر دیا تو طلحہ کو اتر کر دھکا لگانا پڑ ا۔ روڈ اچھا تھا لیکن کئی جگہ پر یو ٹرن اور زیادہ چڑھائی کی وجہ سے مسئلہ بن رہا تھا۔ جب ایک اور موڑ پر بھی دھکے کی نوبت آئی تو میں نے بائیک کا ایئر فلٹر نکال دیا تاکہ زیادہ آکسیجن کی وجہ سے بائیک زیادہ پاور پیدا کرے۔ اس سے بائیک کی کارکردگی زیادہ بہتر ہو گئی اور آرام آرام سے تقریباً بارہ بجے ہم بالآخر پیر چناسی ٹاپ پر پہنچ گئے۔ اسی دوران طلحہ کا میٹر ک کا رزلٹ بھی آ گیا اور وہ پاس ہو گیا۔ جب اسے پتا چلا تو وہ سفر کو اور بھی انجوائے کرنے لگا اور چہکنے لگا ورنہ اس سے پہلے وہ تھوڑا سوچ بچار میں تھا۔ اگر آرام سے مظفر آباد سے پیر چناسی جایا جائے تو تقریباً ڈیڑھ گھنٹے کے قریب وقت لگتا ہے۔

[haroonmcs26]

دربار کے احاطہ کی چھوٹی دیوار کے ساتھ ہی ہم نے بائیک کر پارک کیا اور جوتے اتار کر احاطہ میں داخل ہو گئے۔ دربار کی چھوٹی بلڈنگ احاطہ کے داخلہ کے مقام سے چند قدم دور تھی جس کے سبز گنبد کے نیچے صاحب مزار کا نام حضرت پیر سید شاہ حسین رح لکھا ہوا تھا جو کہ پیر چناسی کے نام سے زیادہ معروف ہیں۔ایک پختہ راستہ پر چلتے ہوئے دربار کی بلڈنگ میں داخل ہوئے اور فاتحہ خوانی کی ۔اندر چند لوگ مل کر نعت پڑھ رہے تھے ہم بھی کچھ دیر وہاں رکے اور اس کے بعد دوبارہ احاطہ کے اندر آ گئے۔

[haroonmcs26]

داخلے کے پختہ راستے کے دونوں اطراف سر سبز گھاس کا قالین بچھا ہوا تھا ۔ ہم نے کچھ دیر ننگے پاؤں اس گھاس پر چہل قدمی کی جس سے جسم میں تازگی و فرحت کا احساس پیدا ہوا۔

[haroonmcs26]

اسکے بعد دربار کے اطراف کا جائزہ لیا۔ یہ مقام پہاڑ کی ٹاپ پر واقع تھا اور وہاں سے اطراف میں پھیلی ہوئی وادیوں کا نظارہ کیا جا سکتا تھا۔ اگر دربار کی طرف رخ کرکے کھڑے ہوں تو دائیں طرف وادی میں گہرائی سے لیکر پہاڑ کی بلندی تک مکانات نظر آ رہے تھے اور وہ بھی سڑک نظر آ رہی تھی جس پر سفر کرتے ہوئے ہم یہاں تک پہنچے تھے۔

[haroonmcs26]

بائیں طرف وادی نیلم اور اس کے پہاڑ تھے۔ وادی نیلم کی طرف بہت زیادہ گہرے بادل نظر آ رہے تھے ایسے لگ رہاتھا جیسے بادلوں کی ایک ٹھوس دیوار موجود ہو۔ اتنے ٹھوس بادلوں کا نظارہ میں پہلی بار کر رہا تھا ۔ ان بادلوں کی وجہ سے وادی نیلم میں ایک حادثہ بھی ہوا جس کا ذکر آگے جا کر آئے گا۔ بادلوں کی وجہ سے اردگرد کی چوٹیوں کا منظرواضح نہیں تھا۔