وادی کمراٹ، ایک ان کہی داستان، روئیداد سفر ستمبر 2019، تحریر ہارون الرشید

[haroonmcs26]

آگے دوبارہ راستے میں بڑے بڑے پتھرآ گئے تھے ۔جیسے جیسے ہم آگے بڑھ رہے تھے سبزہ کم ہوتا جا رہا تھا اور اردگرد پہاڑ اور راستہ زیادہ تک خشک اور بنجر تھا ۔ انھیں بڑے پتھروں کے پاس ہمیں مقامی چرواہے بھی نظر آئے ان کی بکریاں پیٹ بھرنے کے بعد ان بڑے بڑے پتھروں پر دھوپ سینک رہیں تھی جدھر دیکھو بکریاں اور بھیڑیں ہی نظر آ رہیں تھیں۔ سیاحوں میں سے ایک بندے نے میں کی آواز نکالی تو پھر سمجھو ہر طرف سے وہی آوازیں آنے لگیں اور بکریوں اور بھیڑوں نے میں میں کی گردانیں شروع کر دیں۔ ان کے اس فعل سے ہم لوگ کافی محظوظ ہوئے۔ ان بڑے پتھروں سے آگے پھر کھسکنے والے پتھر تھے اور اس سے آگے وہ برف والا پہاڑ ہنوز دور ہی نظر آرہا تھا اور میری تھکن میں بھی اضافہ ہوتا جا رہا تھا۔

[haroonmcs26]

مزید آگے بڑھے تو ہمیں کٹورہ جھیل کی طرف سے آنے والا پر جوش نالہ نظر آیا جو کہ دائیں طرف تھوڑا گہرائی میں بہہ رہا تھا یہ نالہ آگے جا کر چھوٹی کٹورہ جھیل میں شامل ہو رہا تھا ۔ یہ نالہ بڑی بڑی چٹانوں کے درمیان سے پر شور آواز میں بہہ رہا تھا لیکن یہ شور کانوں کو ایک خوشگوار کیفیت کا احساس دلا رہا تھا ۔

[haroonmcs26]

کچھ سیاح ان بڑی چٹانوں پر نالے کے پاس موجود تھے اور تصویریں اتار رہے تھے ۔ شعیب کو بھی اچانک جوش چڑھا اور وہ بھی گہرائی میں ان چٹانوں کی طرف چلا گیا تاکہ اپنی تصویر اتروا سکے جبکہ میں تھکن کی وجہ سے گہرائی میں جا کر دوبارہ اوپر آنے کا حوصلہ نہیں پا رہا تھا جبکہ آج شعیب مجھ سے زیادہ ایکٹو تھا۔میں نے زوم کر کے اس کی فوٹو بنائی ۔

[irfanullah_mk]

ہارون بھائی آپ کی بات بالکل ٹھیک ہے اس لئے کہ 2015میں صرف شمرین کاٹیج (راجہ تاج محمد کا ہوٹل) ہی تھا اب تو کافی تباہی مچانے والی ٹینٹ ہوٹل بن گئے ہیں۔مجھے تو خدشہ ہے کہ خدا نہ کریں اس جگہ کا حال بھی سیف الملوک جھیل سا نہ ہوجائے۔

[haroonmcs26]

صورتحال تو کچھ ایسی ہی کا گمان ہوتا ہے ہوٹلوں کی تعمیر کیلئے لکڑی کی ضرورت بھی ہوتی ہے اور ہم نے اردگرد کے جنگل میں بہت سے درختوں کو کٹا ہوا بھی دیکھا۔ اگر مقامی لوگ عقل مندی کا مظاہرہ کریں تو وہ اپنی آمدنی اور اس جگہ کو بچا سکتے ہیں۔

[haroonmcs26]

تھوڑا آگے جا کر میں ایک ہموار پتھر پر لیٹ گیا ۔ میں اپنے آپ کو بہت تھکا ہوا محسوس کر رہا تھا سر ہی نہیں جسم بھی درد کر رہا تھا شاید مجھ پر بخار کے اثرات تھے لیکن میں اپنی تھکن پر ہلکی پھلکی بات ہی کر رہا تھا شعیب کو زیادہ محسوس نہیں کروا رہا تھا کہ کہیں وہ بھی اس کا شکار نہ ہو جائے اگر آج وہ فریش تھا تو یہی بہتر تھا ۔کچھ دیر آرام کے بعد ہمت جمع کر کے دوبارہ آگے روانہ ہو گئے۔

[nagar1]

Suna ha k jaz banda tk road bnane ka plan tha lakin acha hua k forest department walon ne itne sare darakht katne ki ijazat nahi di jiski wjase kaam rok dia gya

[haroonmcs26]

ہم اب بھی پتھروں پر ہی چل رہے تھے اور وہ پتھر ایسے تھے جیسے کہ ہاتھ سے اٹھا کر اوپر نیچے رکھے ہوں وہ پاؤں رکھنے پر اپنی جگہ چھوڑ رہے تھے ان پتھروں میں ریت کے ذروں کی طرح کی چمک تھی۔ میں نے ان کی تصویر بھی اتاری لیکن تصویر میں وہ چمک نظر نہیں آ رہی تھی۔

[haroonmcs26]

حسن بھائی شکر ہے کہ یہ کام رک گیا ورنہ جس دن جہاز بانڈہ تک روڈ بن گیا تو سمجھ لیں کہ وہاں کا حسن ختم ہو جائے گااس جگہ کا اصل حسن اور خوبصورتی اس کے پیدل ٹریک کی وجہ سے ہی محفوظ ہے۔

[haroonmcs26]

اب وہ برف سے ڈھکا ہوا پہاڑ کافی قریب محسوس ہو رہا تھا لیکن پہاڑی علاقوں میں یہ قربت نظارہ کا دھوکا ہوتی ہے کیونکہ بڑی چیز ہمیں ایسا لگتا ہے جیسے بہت قریب ہو لیکن جب اس کی طرف چلو تو پھر ایسے محسوس ہوتا ہے جیسے وہ ہم سے دور بھاگ رہی ہو۔ اسی وجہ سے میرے خیال میں ہمیں ابھی بھی کم از کم آدھا گھنٹہ لگ ہی جا نا تھا جھیل کے پاس پہنچتے ہوئے لیکن پھر بھی حوصلہ ضرور بڑھا کہ منزل اب دور نہیں ہے۔ ان پتھروں کے بعد ایک چڑھائی کو عبور کرنے کے بعد صورتحال کافی واضح ہو گئی تھی اب تھوڑی اترائی آ گئی تھی اور منزل واقعی زیادہ دور نہیں تھی۔ اترائی اتر کر آئے تو دیکھا کہ سامنے پہاڑ کی عمودی دیوار تھی اور پوچھنے پر پتا چلا کہ اس کے آگے کٹورہ جھیل تھی ۔ لوگ اس عمودی دیوار میں پتھروں کے کٹاؤ پر ہاتھ رکھتے ہوئے وہ چڑھائی چڑھ رہے تھے جو کہ تقریباً دومنزل کے برابر تھی یعنی جھیل ہماری تھکاوٹ کا آخری امتحان لینے پر تلی ہوئی تھی اور اس وقت میری تھکاوٹ واقعی اتنی تھی کہ میں سوچ رہا تھا کہ چڑھ پاؤں گا یا نہیں لیکن اتنی قریب آ کر پیچھے ہٹنا تو آوارہ گردوں کی فطرت نہیں ہوتی۔ پہلے شعیب آگے بڑھا اور اسکے پیچھے میں ۔ وہاں اور لوگ بھی تھے جن میں سے کچھ چڑھ رہے تھے اور کچھ واپس اتر رہے تھے اسی وجہ سے باری کا انتظار بھی کرنا پڑ رہا تھا کہ لوگوں کی ٹریفک کلیئر ہو ۔ راستہ ایک ہی تھا اور وہ بھی تنگ۔ موقع ملنے پر آہستہ آہستہ ہم بھی وہ عمودی چڑھائی چڑھ ہی گئے وہ اتنی بھی مشکل نہیں تھی جتنی دور سے نظر آ رہی تھی۔

[haroonmcs26]

جیسے ہی عمودی چڑھائی چڑھ کر اوپر پہنچے سب سے پہلے ہماری نظر لہراتے ہوئے سبز ہلالی پرچم پر پڑی اور اس کو دیکھ کر دل میں طمانیت سی بھر گئی کہ ہم اپنے ملک کی آزاد فضاؤں میں سانس لے رہے ہیں اور بے ساختہ ہاتھ کے اشارے سے اسے سلیوٹ بھی کیا اور اس کے بعد میری نظر قدرت کے اس حسین شاہکار پر پڑی جس کو دنیا کٹورہ جھیل کے نام سے جانتی ہے۔

[haroonmcs26]

اس پر نظر پڑتے ہی زبان سے بے اختیار سبحان اللہ نکل گیا اور وقتی طور پر تو میں اپنی تھکاوٹ کو بھی بھول گیا واقعی اگر اس کو دیکھے بغیر لوٹ جاتا تو پوری زندگی افسوس ہی رہتا۔ یہ اللہ کی شان ہے کہ ویرانے میں بھی اس نے کیسی کیسی مصوری کی ہوئی ہے اور اس کی مصوری کا ہر انداز اور رنگ کتنا مکمل ہوتا ہے کہ بے اختیار دل اسکی طرف کھنچتا چلا جاتا ہے۔ کافی دیر تو کسی اور طرف دھیان دیئے بغیر میں جھیل کو ہی دیکھتا رہا جو واقعی ہی کٹورے میں مقید پانی کی طرح ہی نظر آ رہی تھی لیکن اس قدرتی کٹورے کی دیواریں بلندو بالا پہاڑوں کی بنی ہوئیں تھیں اور قدرت کا یہ کٹورہ دل موہ لینے والا تھا۔تھکن کے ساتھ طمانیت کا احساس پورے جسم میں دوڑ رہا تھا اور وہ احساس تھکن پر حاوی تھا۔

[haroonmcs26]

ابھی ہم وہیں کھڑے ہو کر جھیل کر دیکھ رہے تھے اور اس کے ساتھ کو کیمرے کی آنکھ میں محفوظ کر رہے تھے کہ ہمیں ایک معمر او ر منحنی سے جسم کا مالک ایک شخص وہ عمودی چڑھائی چڑھ کا اپنی طرف آتا نظر آیا۔ بے شک اس کی سانس پھولی ہوئی تھی لیکن دل بے اختیار اس کی ہمت کی داد دینے پر مجبور تھا اورمیں نے واقعی ہی آگے بڑھ کر الفاظ میں ا ن کی ہمت کی داد دی ۔ ان کی ہمت دیکھ کر بے اختیار وہ گھسا پٹا سا فقرہ ذہن میں آ گیا کہ "دل ہونا چاہیدا جوان عمراں چہ کی رکھیا"۔ یہ آوارہ گردی جنون ہی ایسا ہے کہ یہ عمر کی اس منزل میں بھی ایسے دشوار گزار راستوں پر لے آتا ہے۔

[rehankillbill]

Haroon bhai akheri post ki pic ne mere dil ko or motivate kar diya hai Allah pak inhe sehat de taake yeh or is tarah ki manzil ko hasil kar sakein or hum jaiso ko inspire kare

[haroonmcs26]

جی بالکل ریحان بھائی۔ کٹورہ جھیل کا راستہ اتنا بھی آسان نہیں ہے اور اس سے پہلے ٹکی ٹاپ سے جہاز بانڈہ تک کا راستہ اور ان کی ہمت تھی کہ وہ آہستہ آہستہ ہی سہی لیکن پہنچنے میں کامیاب رہے۔ واقعی ان کا حوصلہ قابل ستائش تھا۔

[sajid65]

MashaAllah. Bohat Khoob.

[haroonmcs26]

جزاکم اللہ خیرا۔ بہت شکریہ برادر

[Fayaz02]

Very nice trip.

[haroonmcs26]

شکریہ برادر۔

[maslambaloch57]

Haroon bhai. AOA. Ek to lahore men thithar thund ooper se Kumrat travelogue, thund maziz mehsoos hoti hai. Anyways andaz e bayan khoob hai apka. Masha Allah.