وادی کمراٹ، ایک ان کہی داستان، روئیداد سفر ستمبر 2019، تحریر ہارون الرشید

[rehankillbill]

Masha'Allah haroon bhai bohat khoob apke tafseel safanama ki wajah se wadi kumrat se or mohabbat hone lag gaye hai muje ,,

hmesha in places pa ja kr construction aur gand bala dekh k dil dukh jata ha

hassan bhai bara afsos hota hai yeh cheeze dekh kar dil jalta hai tabhe to apna mulk progress nahi kar pata yeh ke logo ko samjhana bohat mushkil hai

[haroonmcs26]

جی بالکل حسن بھائی۔ مجھے بھی لگ رہا تھا کہ اگر ایک دو سال کے بعد یہاں آؤں گا تو شاید بہت کچھ تبدیل ملے۔

[haroonmcs26]

Masha'Allah haroon bhai bohat khoob apke tafseel safanama ki wajah se wadi kumrat se or mohabbat hone lag gaye hai muje

##

شکریہ ریحان بھائی۔ وہ ہے ہی محبت کے قابل جگہ۔ میں نے ایسے قدرتی حسن میں بہت کم جگہیں دیکھی ہیں۔

[nagar1]

3, 3.5 ghnte ki hiking k baad itni khubsurat jgha phnch k thakan utr jati ha...
Haroon bhai jb men 2 saal pele gya tha tb itne hotels tyar nahi they lekin kaam chal raha tha

Roads Like Hell Leading to Places Like Heaven-Kumrat, Jaz Banda Trip 29 June to 02 July 2018

Our employer financed trip to Kumrat and Jaz Banda comprised of a lot of travelling without stay and on roads where taking our Hiace was a sin... [image][image][image]

[haroonmcs26]

3, 3.5 ghnte ki hiking k baad itni khubsurat jgha phnch k thakan utr jati ha...Haroon bhai jb men 2 saal pele gya tha tb itne hotels tyar nahi they lekin kaam chal raha tha

##

حسن بھائی مجھے نہیں پتا تھا کہ آپ کی بھی کمراٹ کے متعلق کوئی پوسٹ ہے۔ ان شاء اللہ ضرور اس کو پڑھوں گا۔

[haroonmcs26]

کٹورہ جھیل کی طرف ہم نے اپنا سفر صبح آٹھ بجے شروع کیا تھا اور ٹریک کا ابتدائی حصہ آہستہ آہستہ نشیب کی طرف جا رہا تھا اور ہریا لی اور خوبصورتی میں لمحہ لمحہ اضافہ ہوتا جا رہا تھا۔ پہلے میدان کے بعد اگلے میدانوں میں اکا دکا ہوٹل ہی تھے اور سیاحوں کا رش بھی کم تھا اسی وجہ سے سبزے کا قالین اور سینری زیادہ خوبصورت حالت میں تھے اور اتنی خوبصورتی دیکھ کر دل کی گہرائیوں سے سبحان اللہ نکل رہا تھا۔ جہاز بانڈہ سے کٹور ا جھیل کی طرف جانے کیلئے گھوڑے بھی دستیاب تھے جو کہ کٹورا جھیل تک ایک ہزار روپے مانگ رہے تھے۔ ہم جیسے لوگ تو ویسے بھی ان فضول خرچیوں کے عادی نہیں لیکن یہ اچھا ہی ہوا کیونکہ ہمیں بعد میں پتا چلا کہ گھوڑے اصل کٹورہ جھیل تک نہیں بلکہ اس کے نصف فاصلے میں واقع چھوٹی کٹورہ جھیل تک ہی جاتے ہیں لیکن یہ بات سیاحوں کو وہاں پہنچ کر ہی پتا چلتی ہے اور آگے کا نصف فاصلہ جو زیادہ مشکل ہے وہ پیدل ہی طے کرنا پڑتا ہے۔

[nagar1]

Ap jesa likh to ni skta lekin koshish zrur ki ha haqeer si..tb kumrat bilkul nya nya spot tha

[haroonmcs26]

شعیب راستے میں آنے والی ایک چھوٹی گائے کے ساتھ اٹکھیلیاں کرنے لگا لیکن وہ کہاں اس کے قابو میں آنے والی تھی۔ وہ ڈرتے ڈرتے اس کے پاس آیا لیکن قریب آتے ہی گائے نے دوڑ لگا دی۔

[haroonmcs26]

حسن بھائی کوئی جیسا بھی لکھے لیکن مجھے ایک بات کا ہمیشہ سے یقین رہا ہے کہ ہر سفر نامے میں کوئی نہ کوئی ایسی چیز ہوتی ہے جو دوسرے کے سفرنامے میں نہیں اور اس سے انسان کوئی نہ کوئی بات ضرور سیکھتا ہے۔ آپ کے سفر نامے کو پڑھ کر مجھے بھی کئی نئی چیزوں کا پتا چلا خاص طور پر کمراٹ میں قیام کے بعد آپ نے جو پیدل ٹریک کیا اس کی تصویریں اور وہ جگہ بہت خوبصورت نظر آرہی ہے۔

[haroonmcs26]

یہاں ہم سے تھوڑی غلطی ہوگئی کہ ہم نشیب میں ہی اترتے چلے گئے حالانکہ ہونا یہ چاہیئے تھا کہ نشیب کی بجائے اس کے بائیں طرف موجود پہاڑ پر بنے پگڈنڈی نما راستے پر چلتے جاتے ۔ جب ہم نشیب میں پہنچے تو وہاں چشمے کے رستے ہوئے پانی کی وجہ سے گھاس اور اسکے نیچے موجود مٹی کیچڑ اور ہلکی پھلکی دلدل جیسی کیفیت میں آ گئی تھی جس میں جوتوں کے دھنسنے کا امکان موجود تھا ۔ اس سے بمشکل بچتے ہوئے ہم دوبارہ بائیں طرف بلندی کی طرف چڑھنا شروع ہو گئے جہاز بانڈہ سے آنے والے میدانوں کا اختتام ایک چھوٹی سی پہاڑی پر ہوا جس کو عبور کرکے ٹریک کا دوسرا حصہ شروع ہو رہا تھا ۔

[haroonmcs26]

چھوٹی پہاڑی کو عبور کرکے ہم دوبارہ نشیب میں اترتے ہوئی ایک بہتے ہوئے خوبصورت نالے کے پاس پہنچ گئے۔ سبز ے کے درمیان سے بہتے ہوئے نالے کا منظر بہت مسحور کن تھا اور میں حقیقت میں اس جگہ کی خوبصورتی کو دیکھ کر دنگ رہ گیا۔ ٹریک کا یہ حصہ بے انتہا خوبصورتی لیے ہوئے تھا۔ مجھے افسوس ہے کہ میری لی ہوئی تصویریں اس جگہ کی خوبصورتی کو دس فیصد بھی بیان کرنے سے قاصر ہیں۔

[haroonmcs26]

کچھ نشیب میں آنے کے بعد ہم دوبارہ پھر چڑھائی کی طر ف رواں دواں تھے۔ شعیب اور بابر مجھ سے آگے تھے ۔ میں کیمرے کے استعمال کی وجہ سے ان سے پیچھے تھا اور دوسری وجہ پیچھے رہنے کی وہ تھکن تھی جو میں اس وقت محسوس کر رہا تھا ۔ شعیب کل کی نسبت بہت فریش تھا جبکہ میں اپنے آپ کو تھکا ہوا محسوس کر رہا تھا ۔ وہ دونوں تیز قدم اٹھا رہے تھے اور مجھ سے کافی آگے تھےلیکن مجھے کچھ دیر کے بعد کچھ لمحوں کیلئے رکنا پڑ رہا تھا اور وقتاً فوقتاً پانی کے چھوٹے گھونٹ بھی بھرنا پڑ رہے تھے لیکن میں ان کو روک نہیں رہا تھا کہ چلو اس طرح شعیب رواں دواں تھا۔ وہ پہاڑی پگڈنڈی میرا امتحان لے رہی تھی میں تھکاوٹ ضرور محسوس کر رہا تھا لیکن اتنی جلدی فیل تو ہونے والا میں بھی نہیں تھا۔

[haroonmcs26]

ایک اور پہاڑی کی چڑھائی کے بعد ایک لکڑی کے چھوٹے سے بغیر دیواروں والےکھوکھے کے پاس پہنچ گئے لیکن اس وقت وہاں کوئی موجود نہیں تھا یہ شاید کوئی ریفریشمنٹ سپاٹ تھا ۔ یہاں اپنے بائیں طرف موجود پہاڑی کو چھوڑ کر ہم پتھروں پر چلتے ہوئے تھوڑا سا دائیں ہو گئے۔ کچھ آگے شعیب میرا انتظار کر رہا تھا شاید اسے میری سست رفتاری کا اندازہ ہو گیا تھا جبکہ بابر دوسرے لوگوں کے ساتھ آگے جا چکا تھا۔ اس کے ساتھ سفر کرتے ہوئے واقعی اندازہ ہوا کہ ایک ایک ہوتا ہے اور دو گیارہ کے برابر۔ جب آپ کے ساتھ کوئی ہو تو اس سے بات کرتے ہوئے آپ کم تھکن محسوس کرتے ہیں او ر راستہ بھی کچھ آسان ہو جاتا ہے۔ آگے پھر چڑھائی والا راستہ تھا۔

[haroonmcs26]

کچھ چڑھائی کے بعد آگے رستہ نشیب کی طرف جا رہا تھا جہاں ہمیں ایک نسبتاً ہموار میدان نظر آ رہا تھا اور ہمارا ٹریک اس کے درمیان سے گزر رہا تھا یہ دیکھ کر دل میں کچھ اطمینان ہوا کہ چلو کچھ رستہ تو آسان آیا۔ اس میدان میں پانی کا ایک چھوٹا سا ذخیرہ بھی نظر آرہا تھا جس کو ہم پہلے چھوٹی کٹورہ جھیل سمجھے لیکن پھر ہماری یہ غلط فہمی دور ہو گئی۔ اترائی میں تھکن بھی کم ہو گئی تھی اور حوصلہ بھی بڑھ گیا تھا اسلئے میں اور شعیب خوش گپیوں میں مصروف چل رہے تھے جبکہ بابر ہم سے کم از کم بیس منٹ کے سفر پر آگے جا رہا تھا یقیناً اس کا اسٹیمنا ہم سے زیادہ تھا اور اسی وجہ سے شعیب بار بار اسے جن کہہ رہا تھا ۔یہ اچھا ہوا تھا کہ ہم نے پانی کی بوتلیں ساتھ لے لی تھی جن کی اس ٹریک پر اشد ضرورت بھی تھی۔ اس میدان کے دائیں طرف کچھ بلندی پر مقامی آبادی کے ایک دو گھر بھی نظر آئےوہیں پر مقامی بچے بوتلوں میں دودھ اور لسی بیچ رہے تھے ۔ ہاف لٹر چاٹی کی لسی کی بوتل کی قیمت پچاس روپے جبکہ دودھ کی سو روپے تھی۔ اس میدان کے اختتام پر دوبارہ چڑھائی کا آغاز ہو رہا تھا ۔

[haroonmcs26]

اس پتھروں والی چڑھائی کے بعد ہم چھوٹی کٹورہ جھیل کے پاس پہنچ گئے جو کہ ہمارے دائیں جانب کچھ گہرائی میں تھی مجھے وہ کچھ زیادہ متاثر کن نہیں لگی ۔ بنیادی طور پر یہ بڑی کٹورہ جھیل سے آنے والے نالے کےپانی کا ذخیرہ ہے لیکن اس سے آگے مزید کوئی نالہ نکلتا نظر نہیں آتا کیونکہ اس کے بعد پانی پہاڑوں کے اندر سے بہنے والے نالے کے ذریعے آگے روانہ ہوتا ہے ۔ گھوڑے یہیں تک لیکر آتے ہیں اور اس سے آگے کا راستہ پیدل ہی طے کرنا پڑتا ہے کیونکہ آگے گھوڑے نہیں جا سکتے۔ یہاں پر میرے اندازے کے مطابق اور ٹریک کی مشکل او ر آسانی کو دیکھتے ہوئے آدھی مسافت بنتی ہے اور اس سے آگے کا ٹریک زیادہ تھکا دینے والا تھا اس لئے ہم وہاں تھوڑی دیر بیٹھ گئے کہ کچھ آرام کر سکیں۔

[haroonmcs26]

چھوٹی کٹورہ جھیل کے پاس کچھ منٹ سستانے کے بعد ہم دوبارہ پہاڑی پگڈنڈی پر چڑھائی چڑھنے لگے۔ کٹورہ جھیل ہمارے دائیں جانب گہرائی میں تھی۔ اس سے ہمارا فاصلہ اتنا تھا کہ اس کے کنارے چرتے ہوئے مویشی ہمیں چھوٹے چھوٹے نظر آ رہے تھے۔ چڑھائی چڑھتے ہوئے تھکن اپنے اثرات دکھانے لگی تھی۔

[haroonmcs26]

پگڈنڈی پر کچھ دیر چلنے کے بعد اس کا اختتام ہو گیا ۔ اب ہمارے راستے میں بڑے بڑے پتھر تھے جن کے درمیان کوئی سیدھا راستہ تو تھا نہیں گھوم پھر کر خود ہی راستے کا انتخاب کرنا پڑ رہا تھا اور پتھروں کو پکڑ پکڑ کر ان پر چڑھنا پڑ رہا تھا اور ظاہر ہے تھکن بھی بڑھتی جا رہی تھی۔

[haroonmcs26]

ٹانگوں اور گھٹنوں کا کچھ دیر امتحان لینے کے بعد وہ بڑے بڑے پتھر ختم ہوئے اور تھوڑی سے اترائی آئی۔ جھیل کا ابھی بھی کوئی نام و نشان نظر نہیں آ رہا تھا بس یہ پتا تھا کہ جو بہت دور سامنے پہاڑوں پر برف نظر آ رہی تھی اس کے پاس ہی بڑی کٹورہ جھیل موجود تھی۔

[haroonmcs26]

تھوڑی سی اترائی کے بعد پھر چڑھائی شروع ہوگئی۔ اب پتھر زیادہ بڑے تو نہ تھے لیکن راستہ بہت زیادہ احتیاط کا متقاضی تھا کیونکہ پتھر کھسکنے والے تھے اور ان پر چلنے پر وہ اپنی جگہ چھوڑ رہے تھے۔ ایک دو جگہ ہم سلپ بھی ہوئے لیکن اللہ کا شکر تھا کہ بچت ہو گئی اسکے بعد ہم نے اور احتیاط شروع کر دی۔ اس چڑھائی پر تھوڑا آگے جا کر پتھروں کے درمیان ایک چشمہ بہتا ہوا نظر آیا ۔ بائیں طرف وہ چشمہ پہاڑ کی بلندی سے ایک چھوٹی سے آبشار کی صورت میں بہتا نظر آ رہا تھا اور پھر پتھروں کے درمیان سے بہتا ہوا نیچے چھوٹی کٹورہ جھیل کی طر ف جا رہا تھا۔ دل تو کر رہا تھا کہ اس چھوٹی سے آبشار کی طرف جایا جائے لیکن وہ کچھ بلندی پر تھی اور تھکا ہوا جسم اجازت نہیں دے رہا تھا۔ بوتلوں میں پانی کم رہ گیا تھا اس لئے جب ہم نے دیکھا کہ پانی صاف و شفاف ہے تو آدھی آدھی بوتلیں اس سے بھر لیں۔ ہم راستے میں تھوڑے تھوڑے فاصلےپر آرام کرتے ہوئے آ رہے تھے اور ایسی ہی ایک جگہ شعیب اپنی بوتل کہیں بھول آیا تھا ۔ راستے میں ایک صاف بوتل نظر آئی تو اس نے وہ پکڑ لی۔

[haroonmcs26]

چھوٹی کٹورہ جھیل جتنی چھوٹی نظر آ رہی تھی اتنی چھوٹی تھی نہیں ۔ ہمیں تقریباً اس کے پاس سے گزرتے ہوئے ایک گھنٹے ہونے والا تھا اور وہ ابھی بھی ہمارے ساتھ تھی۔