وادی کمراٹ، ایک ان کہی داستان، روئیداد سفر ستمبر 2019، تحریر ہارون الرشید

[haroonmcs26]

جی برادر ننانوے فیصد یہی مقولہ بالکل درست ہے۔

[haroonmcs26]

باقی بھی ٹھیک ہے لیکن میرا سب سے اچھا تجربہ گلگت بلتستان اور کشمیر کا رہا ہے۔

[maslambaloch57]

Well narrated Haroon bhai.

[rehankillbill]

haroon bhai apna apna experience banda hasil karta hai kafi scene howe teh mere sath GB wale tour pe jis ke madde nazar rakh kar keh rah hoon baki koi gila sikhwa nahi kyon ke har tarah ke log har jagah paye jaate hain or kashmir wala portion abhe list mein hai to oska mein kuch keh nahi sakhta filhaal

[nagar1]

Rehan bhai mjse share krlen inbox men​

[haroonmcs26]

بہت شکریہ جناب۔

[haroonmcs26]

بالکل درست ریحان بھائی۔ اصل میں جس کے ساتھ جیسی بیتتی ہے اس کے خیالات اس کے مطابق ہی ڈھل جاتے ہیں۔

[r1]

Beautiful picture and well narrated bro!

I myself is a biker and love traveling and I know how people gather around your bike and look at your outfit, helmet, cam gear. I have been to Kumrat last year but with a fancy and fragile partner so couldn't enjoy much as he was so concerned about food and quality of hotels. I have plans to rediscover whole north in next season InshALLAH.

[ishaque.rafique]

بہت ہی معلوماتی پوسٹ ۔

ایک دن میں کمراٹ وادی پہنچنا واقعی بہت کمال کی بات ہے ۔

آپ کے ساتھ سفر کرنے کا شوق بڑھ گیا ہے کیونکہ میں بھی ہوٹل کی بجائے کیمپ کو ہی پسند کرتا ۔

[haroonmcs26]

بہت شکریہ برادر۔ آپ جیسے سینئر پاک وہیلر کی حوصلہ افزائی بہت ہمت دیتی ہے۔ باقی اگر ہمسفر اچھے ہوں تو واقعی سفر میں مزہ آتا ہے اور جب مزاج نہ ملتے ہوں تو بعض اوقات انسان پریشان بھی ہوتا ہے۔ لیکن جب ایسی صورتحال ہوتی ہے تو میں تو یہی سوچتا ہوں کہ لازمی نہیں کہ ہر ذہن ہمارے ذہن سے ملتا ہو اس لئے چھوٹی موٹی باتیں نظر انداز کرنا پڑتی ہیں۔ باقی جو شخص پہاڑی علاقوں میں صرف اچھا کھانا اور ہوٹل ہی ڈھوندتا رہتا ہے وہ وہاں کی خوبصورتی سے لطف اندوز نہیں ہو سکتا۔ جہاں فطرت اپنے اصل رنگ میں نظر آتی ہے وہاں یہ سہولیات عام طور پر اچھی نہیں ملتی۔

[haroonmcs26]

ایک دن میں کمراٹ پہنچنے کیلئے ہمت تو واقعی جمع کرنی پڑی تھی۔ میں زیادہ متفکر شعیب کی وجہ سے تھا کیونکہ اس کا پہلا بائک ٹور تھا باقی ہم جیسے آوارہ گردوں کو تو اندازہ تھا کہ برداشت تو کرنا پڑتا ہے۔ کیمپنگ کی لائف ذرا مشکل ضرور ہوتی ہے لیکن ہوتی دلچسپ ہے۔ کبھی قسمت میں ہوا تو ان شاء اللہ ساتھ سفر بھی کریں گے۔

[haroonmcs26]

مورخہ 9 ستمبر 2019ء۔

صبح آنکھ کھلی تو دیکھا کہ نماز قضا ہونے میں بہت کم وقت رہ گیا ہے۔ آس پاس کوئی ہوٹل نہیں تھا اور مجھے اندازہ بھی نہیں کہ پانی کہاں اور کتنی دور ہے اسلئے تیمّم کرکے ٹینٹ میں ہی نماز ادا کی اور پھر دوسروں کو بھی اٹھایا۔ جلدی سے سامان پیک کرکے بائکس پر رکھا لیکن پھر بھی کافی وقت لگ گیا۔ بابر نے اپنی بائک کے چین کو ٹائٹ کیا اور ہم اسی ہوٹل کی طرف چل پڑے جہاں رات کو کھانا کھایا تھا۔ وہاں جا کر واش روم سے فارغ ہو کر منہ ہاتھ دھو کر فریش ہو گئے ۔ پانچ پراٹھے ، دو انڈوں اور تین چائے کا آرڈر دے کر ہوٹل کے اندر چبوترے پر فرشی نشست پر بیٹھ کر ناشتہ کیا جس کا بل تین سو روپے بنا۔ رات نیند لیکر اور ناشتہ کرکے سب کا موڈ فریش تھا ۔ شعیب جس کا پہلا بائک ٹور تھا وہ بھی چہک رہا تھا۔ بازار بھی بیدار ہو چکا تھا ۔ کچھ تصاویر کھینچ کر ہم آگے وادی کمراٹ کی طرف جانے والے راستے پر روانہ ہو گئے۔

[haroonmcs26]

رات تو اندھیرے کی وجہ سے سوائے سڑک کے ہمیں کچھ نظر نہیں آ رہا تھا لیکن اب اردگرد کے سر سبز مناظر آنکھوں کے سامنے تھے ۔

[haroonmcs26]

کچھ آگے جا کرسڑک دو راہے میں تقسیم ہو رہی تھی ایک تو تھوڑا بائیں طرف کسی مقامی آبادی کی طرف چڑھائی میں جا رہا تھا اور دوسرا تھوڑا دائیں طرف ڈھلوان میں اور یہ دائیں طرف والا راستہ ہی ہماری منزل وادی کمراٹ کی طرف جا رہا تھا ۔ تھوڑی سی ڈھلوان اتر کر ہم ایک پل پر آ گئے جس کے پاس ہی ایک چشمہ ایک چھوٹی سے آبشار کی صورت میں نیچے کی طرف آ رہا تھا ہم بھی کچھ دیر وہاں رک گئے کیونکہ ان ہی چیزوں کو دیکھنے تو ہم اتنی دور سے آئے تھے۔

[haroonmcs26]

پل کو کراس کرکے ہم دوسری طرف آ گئے۔ اب دریا ہمارے ساتھ ساتھ تھا۔ شنیلہ تراک نامی ایک جگہ پر دریا کا خوبصورت منظر دیکھنے کے لائق تھا۔

[haroonmcs26]

ایک آبادی میں بائک مکینک کی دوکان کھلی دیکھ کر ہم رک گئے وہاں سے بابر نے بائک کی چین سیٹ کروانی تھی کیونکہ صبح جب اس نے ٹائٹ کی تھی تو کچھ زیادہ ہی ٹائٹ ہو گئی۔ وہاں جس مکینک سے ہمارا پالا پڑا وہ ضلع ساہیوال کا تھا اور روزی کی تلاش میں یہاں قیام کیے ہوئے تھا۔ وہ بہت خوش اخلاقی سے ہم سے ملا۔ میں نے اپنی بائک کے دونوں وہیلز کھلوائے کیونکہ میں محسوس کر رہا تھا کہ بریکس مسئلہ کر رہی ہیں اور ان کی پکڑ زیادہ مضبوط نہیں ہے۔ بریک کھلوا کر ان کو ریگ مار لگوایا ۔ اگلا وہیل دیکھا تو اس کی اندرونی سطح ناہموار تھی ایک سائیڈ زیادہ اونچی اور دوسری نیچی تھی اس وجہ سے بریک کی پکڑ زیادہ اچھی نہیں تھی لیکن اس کا فی الحال حل ہمارے پاس نہیں تھا اس لئے اس کو ایسا ہی رہنے دیا کہ واپس جا کر پوری ہب ہی تبدیل کر لوں گا۔ فی الحال کام تو چل رہا تھا لیکن بائک کی رفتار مناسب رکھنا پڑ رہی تھی۔ زیادہ بریک ٹائٹ کرنے پر وہ وہیل کوجکڑ تی تھی خاص طور پر جب ہینڈل مڑتا اور چڑھائی ہوتی۔ اسی دوکان میں موجود کولر سے پانی پی کر ہم دوبارہ سڑک پر تھے۔ ایک جگہ سورج کی کرن دریا پر ایسے پڑ رہی تھی جیسے آسمان سے کوئی روشنی عمو داً زمین کی طرف اتر رہی ہو۔ بڑا مسحور کن منظر تھا۔ ایسے لگ رہا تھا جیسے سورج کی کرنیں بھی رات اس خوبصورت جگہ سے دور رہ کر صبح کو والہانہ انداز سے مل رہی ہوں۔

[haroonmcs26]

ایک جگہ دریا کے اوپر پل دیکھ کر میں نے بائک ایک طرف پارک کر دی۔ میرے ساتھیوں نے بھی بریک لگا دیں۔ ہم پیدل اس لکڑی اور آہنی رسوں سے بنے پل کی طرف چل پڑے اور دریا کا نظارہ کرنے لگے۔پہاڑی دریا کی روانی مجھے ہمیشہ سے اپنی طرف کھینچتی تھی اور وہاں بھی ایسا ہی ہو رہا تھا۔

[haroonmcs26]

بابر کچھ دیر بعد اپنی بائک وہا ں لے آیا تاکہ بائک کے ساتھ بھی تصاویر اتاری جا سکیں۔ ہم زیادہ دیر وہاں نہ رک سکے کیونکہ دریا کی دوسری طرف سے ایک جیپ آ رہی تھی جس کو راستہ دینے کیلے ہم واپس سڑک کی طرف چل پڑے۔

[haroonmcs26]

کچھ فاصلہ طے کرنے کے بعد پھر ایک قدرت کے جادو نے پاؤں جکڑ لیے۔ منظر ہی کچھ ایسا تھا ۔ وہاں دریا ایک وادی میں کئی شاخوں میں تقسیم ہو کر بہہ رہا تھا جگہ کے نام کا پہلا لفظ شنیلہ تو مجھے یاد ہے دوسرا پتا نہیں کیا تھا۔ منظر سینری کی صورت میں ڈرائنگ روم میں لگانے کے قابل تھا۔ وادی میں دریا کے آس پاس مقامی آبادی بھی نظر آرہی تھی اور ایک سکول بھی تھا۔

[haroonmcs26]

وہ دونوں مجھ سے آگے چل رہے تھے اور کبھی تو ایسا ہوتا کہ وہ میری نظروں سے غائب ہو جاتے۔ وجہ کچھ یوں بنتی تھی کہ کوئی بھی حسین نظارہ دیکھ کر میرا دل باغی ہو جاتا اور وہیں رکنے کی ضد کرتا حالانکہ اسے پتا بھی تھا کہ ہمارے پاس زیادہ وقت نہیں لیکن کیا کریں وہی بات آ جاتی کہ "دل تو بچہ ہے جی" ہر خوبصورت چیز کی تمنا کرنے لگ جاتا تھا۔ اور ایسی ہی خوبصورت چیزوں کی تمنا میں میرے ساتھی نظروں سے غائب ہو جاتے اور جب وہ مجھے دور دور تک نظر نہ آتے تو بادل نخواستہ مجھے بھی چلنا پڑتا۔کئی بار تو شعیب رک کر میرا انتظار کرتا کہ پتا نہیں کہاں رہ گیا۔ ایک آدھ جگہ تو ایسی آئی کہ میں وہاں کافی دیر رکا رہا اور جب میں کافی دیر نظر نہ آیا تو شعیب کو کچھ فاصلہ واپسی کا بھی طے کرنا پڑا اور جب میرے ساتھی مجھ سے پوچھتے کہ کہاں رہ گئے تو میں ایک ایسے عاشق کی طرح جو محبوبہ سے ملنے کے بعد اپنا دل کا راز ظاہر ہونے سے کتراتے ہوئے مختلف بہانہ بناتا ہے ان سے کہتا کہ یار بائک کی بریک مکمل فٹ نہیں اس لئے ذرا آرام آرام سے آ رہا تھا۔