تین کزنز ، ناران، ہنزہ اور خنجراب

[haroonmcs26]

لو جی کھانا تیار ہے۔ جس نے کھانا ہے وہ آ جائے لیکن پہلے ٹائم مشین کے ذریعے ماضی میں جائے تب ہی ملے گا۔ ورنہ صرف تصویر پر گزارا کرے (:

[haroonmcs26]

قریب ہی موجود اسی ٹینٹ میں جس میں نماز مغرب ادا کی تھی اسی میں عشاء کی نماز بھی ادا کی۔ اس کے بعد کیمپ میں آ کر لیٹ گئے۔ تھوڑی ہی دیر میں وسیم اور احمد گھوڑے بیچ کر سو گئے۔ لیٹے ہوئے واضح طور پر دریائے کنہار کی طاقت محسوس ہو رہی تھی۔ زمین میں ہلکے ہلکے سے ارتعاش کا احساس ہورہا تھا۔ ساتھ تیز پانی کے بہنے کی آواز بھی واضح سنائی دے رہی تھی۔ لیکن یہ آواز نا خوشگوار نہیں تھی۔ مجھے نیند نہیں آرہی تھی شاید پہلی بار کیمپ میں رات گزارنے کا اثر تھا یا کوئی اور وجہ۔ 11:30 ہو چکے تھے ۔ وسیم اور احمد نیند کے اتنے کچے تھے کہ دریائے کنہار کے پانی کا شور تو کیا اگر انکے پاس ڈھول بھی بجائے جائیں تو وہ اٹھنے والے نہیں تھے۔ کیمپ کے پیرا شوٹ کی وجہ سے سردی کا بالکل بھی احساس نہیں تھا۔ بلکہ مجھے گرمی محسوس ہو رہی تھی۔ میں کیمپ سے باہر نکل آیا۔ واہ کیا خوبصورت نظارہ تھا۔ چاند نکلا ہوا تھا اور اسکی روشنی پوری وادی میں پھیلی ہوئی تھی۔ دریا کے پانی میں بھی اسکی چمک نظر آ رہی تھی۔ ایک الگ ہی دنیا کا نظارہ تھا جس کا احساس ہم اپنے گنجان آباد شہروں میں رہتے ہوئے نہیں کر سکتے۔ ناران کی روشنیاں بھی نظر آرہی تھیں۔ ہاف بازو ٹی شرٹ اور ٹراؤزر میں بھی سردی کا زیا دہ احساس نہیں ہو رہا تھا۔ بس ہلکی ہلکی ٹھنڈک کا احساس تھا جس میں مزہ آ رہا تھا۔ آدھی رات گزرنے کے باوجود ابھی بھی سیاحوں کے آنے کا سلسلہ جاری تھا۔ میں ان کی گاڑیوں کو آتے ہوئے دیکھ سکتا تھا۔ ایک پتھر پر بیٹھ کر دریائے کنہار کے پانی کا دلفریب نظارہ کرتا رہا۔ شاید میں کیمپ سے اس وجہ سے باہر آ گیا تھا کہ یہ فطرت کے نظارے مجھے کھینچ رہے تھے۔ ان کو شاید شکوہ تھا کہ ان کے پاس آ کر میں کیمپ میں لیٹا ہوا ہوں۔ میری طرح کچھ اور لوگ بھی چاندنی رات کا لطف اٹھا رہے تھے۔ موبائل سے کچھ تصویریں بھی لیں۔ مجھے آج بھی وہ رات یاد ہے۔ اس کا تصور آج بھی مجھے گردو پیش سے بیگانہ کر دیتا ہے تقریبا ایک گھنٹا خوبصورت کنہار کے کنارے گزار کر واپس کیمپ میں آ گیا اور اب پرسکون نیند کی وادی میں کھو گیا۔ ایک حسین رات-ایک حسین یاد۔

[haroonmcs26]

ایک حسین رات-ایک حسین یاد

[zain15]

اس مقصد کے لئے ہم نے تین لٹرز کی جو دو بوتلیں رکھی تھیں وہ ہمارے بہت کام آ تی تھیں۔ ورنہ ساتھ بہتے ہوئے دریا کا پانی بھی استعمال کیا جا سکتا تھا۔ میں نے وہاں کے مقامی افراد کو دریا کے پانی میں وضو کرتے اور اسکے پانی کو استعمال کرتے دیکھا تھا
In hilly areas of pakistan,the sewerage line from the homes,hotels are towards the main water stream,so most of water streams are highly polluted.
One should avoid to use that water in making food stuff or drinking,

Sent from my iPhone

[haroonmcs26]

اس مقصد کے لئے ہم نے تین لٹرز کی جو دو بوتلیں رکھی تھیں وہ ہمارے بہت کام آ تی تھیں۔ ورنہ ساتھ بہتے ہوئے دریا کا پانی بھی استعمال کیا جا سکتا تھا۔ میں نے وہاں کے مقامی افراد کو دریا کے پانی میں وضو کرتے اور اسکے پانی کو استعمال کرتے دیکھا تھا
In hilly areas of pakistan,the sewerage line from the homes,hotels are towards the main water stream,so most of water streams are highly polluted.
One should avoid to use that water in making food stuff or drinking,

Sent from my iPhone

بھائی جان ہم نے کھانا پکانے اور پینے کیلئے دریا کا پانی استعمال نہیں کیا تھا۔ میں تو آپ کو وہ بتا رہا ہوں جو میں نے وہاں دیکھا تھا۔ اگر اسلامی نقطہ نظر سے دیکھا جائے تو وہ پانی پاک ہے۔ پہاڑی علاقوں کے رہنے والے ایسی ہی ندیوں، چشموں، جھرنوں اور دریاؤں کا پانی کھانا پکانے، نہانے، کپڑے دھونے اور پینے کے لئے استعمال کرتے ہیں۔ آپ کے خیال میں ہوٹلوں میں ایسے علاقوں میں کونسا پانی سپلائی کیا جاتا ہے۔ ان علاقوں میں بورنگ کا طریقہ نہ ہونے کے برابر ہے۔ ۔ واللہ اعلم۔

[haroonmcs26]

صبح 4:30 پر آ نکھ کھلی۔ ٹنیٹ سے باہر نکلا ۔ ہلکا ہلکا سا اندھیرا چھایا ہوا تھا۔ نماز پڑھنے کیلئے لوگ دریا کے پانی سے وضو کر رہے تھے۔ میں نے بھی دریا کا رخ کیا۔ ایک پتھر پر بیٹھ کر وضو کیا۔ پہاڑی دریا تھا پانی بے حد ٹھنڈا۔ لیکن ہم جیسوں کیلئے تو یہ بھی ایک ایڈونچر ہی لگ رہا تھا۔ دریا کے پانی میں صبح صبح وضو کرنے کا بھی اپنا ہی مزہ تھا۔ وضو کرنے کے بعد ٹینٹ مسجد میں نماز ادا کی۔ کل اور پرسوں رات مسلسل سفر کی وجہ سے دل کر رہا تھا کہ غسل کیا جائےلیکن دریا کے پانی میں وضو کرنے یا منہ دھونے تک تو صحیح ہے نہانے کا حوصلہ نہیں تھا۔ اسلئے ناران بازار کا رخ کیا۔ اور لگے کوئی حمام ڈھونڈنے۔ ایک حمام نظر آیا اور وہاں گرم پانی سے غسل کیا۔ گرم پانی سے غسل کرنے پر جسم میں سے تھکاوٹ کا احساس جاتا رہا اور تروتازہ ہو گیا۔ اپنے ذاتی بڑے رومال کو بطور تولیہ استعمال کیا۔ جو میں نے ہر ایک کے لئے اسی طرح کے کثیرا لمقاصد کاموں کے لئے لیا تھا۔ حمام والوں کے تولیے کو استعمال کرنے کا حوصلہ نہیں ہوا۔ نہانے کا جرمانہ 100 روپے ادا کرنے کے بعد واپس آیا تو باقی ساتھیوں نے بھی حمام کی راہ لی۔ سورج کی کرنیں وادی کے گرد پھیلے ہوئے پہاڑوں پر پڑنا شروع ہو گئی تھی۔ نئی صبح اور نئے ایڈونچر کا آغاز۔ پہاڑ وں کی چوٹیوں پر دھوپ اور نیچے والے حصے پر چھاؤں۔ پہاڑی علاقوں پر دھوپ چھاؤں کا یہ کھیل سارا دن جاری رہتا ہے۔ پہاڑی علاقوں کی صبح اور شام کا نظارہ بھی اپنی انفرادیت رکھتا ہے۔اوپر اس پوسٹ کے عنوان میں 2016 کو غلطی سے 2015 لکھا گیا ہے۔

[haroonmcs26]

ناران میں جا بجا لگے ہوئے ٹینٹ۔ آپ سرخ رنگ کی مہران کے ساتھ ہی سفید رنگ کا ٹینٹ دیکھ سکتے ہیں۔ جو کہ نماز کیلئے مختص ہے۔

[haroonmcs26]

ناران میں صبح کے وقت پہاڑوں پر دھوپ چھاؤں کا کھیل جاری۔ ساتھ بہتا ہوا دریائے کنہار۔

[haroonmcs26]

نہانے کے بعد ٹینٹ کے اندر کپڑے تبدیل کیے۔ اور جلدی جلدی سارا سامان گاڑی میں پیک کیا۔ اور صبح 7 بجے گاڑی سٹارٹ کی۔ شیشوں پر اوس کی وجہ سے کچھ نظر نہیں آ رہا تھا۔ ہیٹر چلا کر ان کو صاف کیا اور ناران کے واحد پٹرول پمپ پر پہنچ گئے۔ اسوقت پٹرول پمپ پر رش بالکل نہیں تھا۔ کیونکہ لوگ ابھی خواب خرگوش کے مزے لے رہے تھے یا روانہ ہونے کی تیاریوں میں لگے ہوئے تھے۔ پمپ پر پرانے دور کی گراریوں والی مشینیں لگی ہوئی تھی۔ جن کو جنریٹر سے چلایا گیا۔ وہاں سے ٹینکی فل کروائی۔ 10 لٹر پٹرول، قیمت 700 روپے ، فی لٹر 70 روپے چارج کیا گیا جو سرکاری ریٹ سے 4 سے 5 روپے زیادہ تھا۔ میٹر ریڈنگ 30835۔ مجھے پٹرول کی مقدار میں بھی گڑ بڑ کا احساس ہوا۔ لیکن مجبور ی تھی یہ یہاں واحد پمپ تھا۔ اسلئے ٹینکی فل کروائی کیونکہ میں راستے میں کوئی رسک نہیں لینا چاہتا تھا۔ بعد میں میں گاڑی کی فیول اوسط نکالی تو وہ 13.3 کلومیٹر فی لٹر تھی۔ اس سے مجھے واقعی ہی اندازہ ہو گیا کہ واقعی ہی پمپ کی مشین میں گڑ بڑ تھی۔ کیونکہ اس پورے سفر اور اس سے بھی پہلے پہاڑی علاقوں میں کئے گئے سفر کی اوسط کے لحاظ سے یہ واقعی بہت کم تھی۔ اسلئے دوستوں کو میرا مشورہ ہے کہ مانسہرہ یا بالاکوٹ سے گاڑی کی ٹینکی فل کروا لیں جہاں سے سرکاری ریٹ کے مطابق پٹرول ملتا ہے۔ ایک اور بھی آپشن ہے ناران میں پرائیویٹ ایجنسیاں بھی ہیں جو پٹرول مہیاکرتی ہیں۔ آپ ان سے بھی پٹرول لے سکتے ہیں۔ ریٹ وہی 70 روپے۔ کم ازکم تول تو پورا ہو گا۔ پٹرول ڈلوانے کے بعد ناران سے آگے روانہ ہوئے۔ ناران کے بعد حسین مناظر کی بھرمار ہے۔ انسان کے لئے فیصلہ کرنا مشکل ہو جاتا ہے۔ کہ کہاں رکیں کہاں نہ رکیں۔ میرے ذاتی خیال کے مطابق وادی کاغان ناران کی اصل خوبصورتی ناران اور درہ بابوسر کے درمیان ہے۔

[haroonmcs26]

ناران سے کچھ آگے زیر تعمیر ایک خوبصورت عمارت اور اسکے ساتھ بہتا ہوا پر سکون دریائے کنہار۔ ناران سے آگے اس مقام کے آس پاس دریا کا پاٹ چوڑا ہو جاتا ہے جس کی وجہ سے دریائے کنہار کے پانی میں وہ تیزی نہیں رہتی ۔ یہاں بہت سے جگہیں ایسی ہیں جہاں دریا کی گہرائی بھی زیادہ نہیں ہے۔ ان جگہوں پر رافٹنگ پوائنٹ بنے ہوئے ہیں جہاں پر ربڑ کی ہوا بھر ی کشتی کی سواری بھی کر سکتے ہیں۔ اس جگہ پر دریا کی اپنی ہی خوبصورتی ہے۔

[sufian00]

great sir
very nice

[haroonmcs26]

ناران سے کچھ آگے کے خوبصورت مناظر۔

[haroonmcs26]

کچھ اور مناظر۔

[haroonmcs26]

تصویر میں نظر آتی عمارت کے پیچھے مقامی آبادی کی بستی نظر آ رہی ہے۔ اس قسم کی آبادیاں جا بجا پہاڑوں پر موجود ہیں۔ ان کو اس انداز سے آباد کیا گیا ہے۔ کہ قدرتی آفات جیسے لینڈ سلائیڈنگ وغیرہ کی صورت میں نقصان کم سے کم ہو۔ 8 بج چکے تھے سو ہم نے اس مقامی آبادی کے سامنے سڑک کے ساتھ ایک مناسب جگہ دیکھ کر گاڑی روک دی۔ ساتھ دریا بہہ رہا تھا اور اردگرد پہاڑوں کے مناظر دلوں کو لبھا رہے تھے۔ جہاں بھی ہم صاف پانی کا چشمہ یا پائپ دیکھتے تھے کولر اور بوتلیں وغیرہ بھر لیتے تھے ۔ اس پانی کو ہم کھانا پکانے، پینے اور بر تین دھونے کے لئے استعمال کرتے تھے۔ ناشتے کا مینیو تھا : دلیہ، بریڈ، آملیٹ، بسکٹ اور چائے۔ تینوں ہی کام میں لگ گئے تاکہ سب کام جلدی ختم ہو جائے کیونکہ آج ہم نے بہت لمبا فاصلہ طے کرنا تھا۔ ارادہ تھا کہ شام تک ہنزہ پہنچا جائے۔ پہلے ساس پین میں دودھ ڈال کر دلیہ تیار کیا گیا۔ اسی دوران پیاز ، ٹماٹر اور ہری مرچیں وغیرہ کاٹ لی گئیں۔ کام جلدی کرنے کے لئے ہم نے چھریاں بھی دو رکھیں ہوئیں تھیں۔ جیسے ہی چولہا فارغ ہوا۔ وسیم آملیٹ کی تیاری میں لگ گیا۔ اس دوران ہم لوگ مگوں میں دلیہ ڈال کر اس سے لطف اندوز ہوتے رہے۔ اس مقصد کے لئے ہم نے تیار شدہ پنجاب دلیہ کے پیکٹ رکھے ہوئے تھے جو کہ چند منٹ دودھ میں ابالنے پر تیار ہو جاتا ہے۔ آملیٹ کے تیار ہونے کے بعد بریڈ اور آملیٹ پر ہاتھ صاف کیا گیا ۔ اس کے بعد چائے کا دور چلا جسکے ساتھ بسکٹ کا بھی تڑکا تھا۔ اتنا بھاری ناشتہ کرنے کی ایک وجہ تھی کہ راستے میں قیام کو کم کیا جا سکے۔ اگر ہم دوپہر کا کھانا بھی تیار کرنے لگ گئے تو اتنا لمبا سفر کیسے طے ہو گا۔ صاف ستھرا اور اپنے ہاتھوں سے تیار کیا ہوا با اعتماد ناشتہ کرکے مزا آ گیا۔ بنیادی طور پر ہم میں سے کوئی بھی ایسا نہ تھا جو باہر کے کھانے کو پسند کرتا ہو۔ اگر ہم نے کہیں باہر سے کھانا کھایا تو مجبوری میں ہی کھایا۔

[fareed15]

Maza Aa gia aap ke post partee hoveee..

[haroonmcs26]

ناشتے کی تیاری کے مراحل۔

[mohsin.tariq555]

ناشتے کی تیاری کے مراحل۔

Akhir kar bhai ko shoes mil gaye pehan'nay k liay​

Sent from my Nexus 5 using PW Forums mobile app

[haroonmcs26]

Maza Aa gia aap ke post partee hoveee..

پسندیدگی کا بہت بہت شکریہ۔

[haroonmcs26]

[haroonmcs26]

great sir
very nice

شکریہ سفیان بھائی۔