جولائی 2017 اور گلگت بلتستان

[haroonmcs26]

آدھے سے زیادہ فاصلہ طے کرنے کے بعد اب سڑک کی ڈھلوان نسبتا کم ہو گئی تھی اسلئے گاڑی کی رفتار میں بھی اضافہ ہو گیا تھا۔ اب ہم خشک اور ریتلے پہاڑوں سے گزر رہے تھے ۔ گرمی میں اضافہ ہو گیا تھا لیکن اتنی بھی نہیں تھی کہ برداشت نہ ہو سکے۔ کئی جگہ پر ان راستوں کے محافظ یعنی ایف ڈبلیو او کی مشینری اور انکے کیمپ بھی نظر آئے ۔ ایک آدھ جگہ پر پٹرول اور ڈیزل کے سنگل یونٹ بھی لگے نظر آئے لیکن اب یہ نہیں پتا کہ یہ صرف ایف ڈبلیو او کی گاڑیوں کیلئے ہیں یا دوسرے بھی ان سے مستفید ہو سکتے ہیں۔ راستے میں کئی نئے لوہے کی تعمیر شدہ پلوں کے اورپر سے بھی گزرنا پڑا ۔ آخر کار شام پانچ بجے ہم قراقرم ہائی وے پر پہنچ گئے۔ میٹر ریڈنگ 53374 تھی۔

[haroonmcs26]

**شاہراہ قراقرم پر پہنچ کر ہم نے دائیں ہاتھ کی راہ لی ۔ اگر بائیں طرف جایا جائے تو چند کلومیٹر کے بعد چلاس آ جاتا ہے لیکن ہماری منزل ہنزہ تھی چلاس نہیں۔ جیسے ہی شاہراہ قراقرم پر چڑھتے ہیں تو دنیا کے طویل ترین دریاؤں میں سے ایک یعنی دریائے سند ھ کی جھلک نظر آتی ہے جو کہ شاہراہ کے ساتھ ساتھ رواں دواں ہیں۔ پانی کی رنگت مٹیالی تھی۔ دریائے سندھ کا نظارہ کرنے کیلئے ہم نےکچھ دیر قیام کیا۔ یہ وہ دریا ہے جو نکلتا تو تبت کی جھیل مانسرور سے ہے لیکن راستے میں کئی چھوٹے چھوٹے دریا اپنا وجود اسکے حوالے کر کے اسکو ایک عظیم دریا کا روپ دیتے ہیں۔ **
دریائے سندھ اور اسکے دائیں طرف شاہراہ قراقرم اور بیک گراؤنڈ میں پہاڑوں کا نہ ختم ہونے والا سلسلہ۔

[haroonmcs26]

پمپ کی تصویر کے پیچھے ایک ہوٹل بھی نظر آ رہا ہے جو کہ میرے خیال میں پچھلے سال یہاں نہیں تھا۔

[haroonmcs26]

پٹرول ڈلوا کر گاڑی کو مینیجر کے کمرے کے ساتھ ہی پارک کرنے کے بعد عقب میں واقع واش روم سے فارغ ہو کر باہر کونے میں لگی ایک ٹونٹی سے وضو کیا ۔ ٹونٹی کا پانی بھی کسی چشمے سے ہی آ رہا تھا لیکن یہاں پانی نارمل تھا اس میں وادی ناران کے پانی والی ٹھنڈک موجود نہیں تھی۔ یہاں کا موسم بھی ٹھنڈا نہیں تھا۔ واش روم کافی بڑا تھا اور اس میں نہانے کے لوازمات بھی موجود تھے۔ وضو کے بعد کمرے کے باہر ہی ایک چٹائی پر ظہر اور عصر کی نماز قصر ادا کی گئی۔

[haroonmcs26]

نماز ادا کرنے کی جگہ۔

[haroonmcs26]

پمپ سے سڑک کی طرف کی تصویر جس میں دریائے سندھ کے پار موجود سنگلاخ اور خشک پہاڑوں کا نظارہ کیا جا سکتا ہے۔

[haroonmcs26]

جس طرف سے سفر کرتے ہوئے ہم یہاں پہنچے تھے۔

[haroonmcs26]

نماز پڑھ کر جسم پر سکون اور تروتازہ ہو گیا اور ہم ایک بار پھر شاہراہ قراقرم پر آ گئے۔

[desdimona]

اسی درختوں والے ہوٹل میں ہر دفعہ میں بھی رک کر کھانا کھاتا ہوں اور سامنے والے پٹرول پمپ سے پٹرول فل کرواتا رہا ہوں، پرانی یادیں تازہ ہوجاتی ہیں تصاویر دیکھ کر

[desdimona]

اس تصویر میں کافی رش نظر آرہا ہے ورنہ یہ پٹرول پمپ ہر بار ویران ہی دیکھا ہے، جب بھی یہاں سے فیول ڈلوایا ہے ہمیشہ اکیلے ہی ڈلوایا ہے

[desdimona]

بہت عمدہ کارپٹ روڈ بن چکا ہے اب تو ورنہ پہلے تو ہمیشہ زیر تعمیر اور پتھریلا روڈ ہی ہوا کرتا تھا

[nomee2004]

bohat khoob

[haroonmcs26]

ناران سائیڈ سے آتے ہوئے سو کلومیٹر سے زیادہ فاصلہ طے کرنے کے بعد یہ پہلا پمپ آتا ہے ۔ اسلئے کبھی کبھی رش بھی ہو جاتا ہے۔

[haroonmcs26]

آپ نے بالکل صحیح فرمایا۔ 2016 کی نسبت 2017 میں روڈ کی حالت بہت بہتر تھی۔

[haroonmcs26]

بہت شکریہ جناب

[abdulraheem007]

السلام علیکم
آپ کے اور عبدالوحید طارق صاحب کے سفرنامے پڑھتے پڑھتے بندہ حقیقت میں خود کو آپ کا شریک سفر محسوس کرنا شروع ہوجاتا ہے.
آپ دونوں دوستوں کے سفر نامے پڑھ کر مجھے بھی سیاحت کا شوق پیدا ہوا جسے پورا کرنے کے لئے پچھلے سال ناران اور وادی نیلم سے ہوکرآیا ہوں اور پچھلے ماہ ہی ایوبیہ اور گرد نواح کی سیر کا لطف اٹھا چکا ہوں
آپ کا مفصل انداز بیاں بہت پسند آیا اللہ مزید فصاحت دے اور آپ کو اپنی حفاظت میں رکھے.

میں رائیونڈ سے ہوں اور حسین اتفاق دیکھئے کہ آپ کے شریک سفر عبدالرحمن ثانی میرے اچھے خاصے واقف کار ہیں امید ہے ہماری بالمشافہ ملاقات بھی جلد ہی ہوگی اور آپ کے اگلے دورے میں بذریعہ ثانی آپ کی ہم رکابی کا شرف بھی نصیب ہوگا.
ان شاءاللہ
@awtkhan

[haroonmcs26]

حوصلہ افزائی کیلئے آپ کا بہت مشکور ہوں۔ کوشش کرتا ہوں کہ سادہ انداز میں اپنے سفر کی روئیداد آپ لوگوں تک منتقل کر سکوں۔ میں کوئی پیشہ ور لکھاری نہیں ہوں بس ان علاقوں کے سفر کے دوران جو کچھ محسوس کیا وہ آپ لوگوں کے سامنے تحریر کی صورت میں لے آتا ہوں۔ تفصیلی انداز بیاں اس وجہ سے اختیار کرتا ہوں تاکہ نئے سفر کرنے والوں کا فائدہ ہو سکے۔ عبدالرحمن ثانی سے دوستانہ کے علاوہ خاندانی تعلقات بھی ہیں انشاء اللہ موقع ملا تو بالمشافہ ملاقات بھی ہو گی اور اکٹھے سفر بھی کریں گے۔

[haroonmcs26]

اب ہمارا سفر خشک پہاڑوں کے درمیان جاری تھا۔ ہمارے دائیں طرف زیادہ تر پہاڑ مٹی کے تھے جبکہ بائیں طرف دریائے سندھ کے پار پہاڑ ٹھوس پتھروں کے لگ رہے تھے۔ خشک اور ویران پہاڑوں کے درمیان کہیں کہیں سبزے کی جھلک بھی نظر آ جاتی تھی۔ سڑک پچھلے سال کی نسبت بہت بہتر تھی۔

[haroonmcs26]

سڑک کے اطراف کافی وسیع علاقہ وادی نما تھا ۔ جس میں گھاس اور چھوٹی موٹی جڑی بوٹیاں بھی نظر آ رہیں تھیں۔

[haroonmcs26]

کئی جگہوں پر سڑک دور تک بالکل سیدھی نظر آرہی تھی۔ جس پر کبھی کبھی آنے جانے والی گاڑیاں بھی نظر آ جاتی تھیں۔ تصویر میں بائیک ٹورسٹ بھی نظر آرہے ہیں جو کہ گلگت بلتستان کے ٹور سے واپس آرہے تھے۔