جولائی 2017 اور گلگت بلتستان

[haroonmcs26]

آپ کا بھی بہت شکریہ کہ آپ نے سفر نامہ پڑھنے کے لئے وقت نکالا۔

[Atif_Jawaid]

IMG_20170717_095750.jpg4160x3120 3.62 MB

@haroonmcs26 bhai .. shaami Kabab daikh kr tummy mai chohai dour lagana shorro ho gae hain ... !!
carry on ... abi tk ka safar umda hai baki b mazeed umda hoo ga ...

[haroonmcs26]

ہاہاہا۔ انشاء اللہ آگے کا سفر اور بھی شاندار ہو گا۔

[haroonmcs26]

ناشتے سے فارغ ہو کر سب توانائی سے بھر پور اور ترو تازہ ہو گئے۔ ظاہر ہے بھائی جسم کی گاڑی کو پٹرول جو مل گیا تھا۔ اب ہم مانسہرہ کی طرف رواں دواں تھے۔ سڑک کی حالت پچھلے سال کی نسبت بہت زیادہ بہتر تھی ورنہ پچھلی دفعہ تو سڑک کا کافی بڑا حصہ زیر تعمیر تھا۔ جگہ جگہ ٹریفک پولیس کے اہلکار بھی اپنی ڈیوٹیوں پر مامور نظر آئے۔ مانسہرہ شہر سے پہلے ہی ہم بائی پاس کے ذریعے وادی ناران کی طرف جانے والے رستے پر مڑ گئے ۔ بائی پاس والی سڑک زیادہ کھلی نہیں تھی لیکن اس پر ٹریفک بہت کم ہوتی ہے اور مانسہرہ کے رش سے بچت ہو جاتی ہے۔ مانسہرہ شہر کا ایک منظر۔ دور دور تک پھیلے ہوئے مکانات انکے درمیان موجود سبزہ اور دور سے نظر آتے سبز پہاڑ اور ان پر بادلوں کا رقص۔

[haroonmcs26]

اب سڑک کے اطراف کے مناظر خوبصورت سے خوبصورت ہوتے جا رہے تھے۔ ایسے لگتا تھا جیسے ہر چیز نے سبز لباس پہن لیا ہو۔ آنکھوں میں بھی سبز رنگ بستا جا رہا تھا۔ مانسہرہ کے بعد کا ایک منظر۔

[haroonmcs26]

راستے کے مناظر کو آنکھوں میں بساتے ہوئے ہم آگے بڑھے چلے جا رہے تھے۔ جابہ سے آگے سڑک کے ساتھ ہی ایک چشمہ آتا ہے جس کا پانی ایک چھوٹے سے تالاب میں اکٹھا ہو کر نشیب کی طرف بہہ جاتا ہے ۔ وادی ناران کی طرف جاتے ہوئے سڑک کے کنارے یہ پہلا واضح چشمہ نظر آتا ہے۔ اسلئے اکثر لوگ جو گرم علاقوں سے اس طرف آتے ہیں یہاں کچھ دیر رک کر اپنے پیروں کو ٹھنڈا کرتے ہیں۔ ہم بھی وہاں رک گئے۔ گاڑی کو لاک کرنے کے بعد میں جوتیوں سمیت پانی کے اس چھوٹے سے قدرتی تالاب میں اتر گیا جس کا پانی گھٹنوں سے زیادہ گہرا نہیں تھا۔ پانی بہت زیادہ ٹھنڈا نہیں تھا ۔ ایک خوشگوار احساس ہو رہا تھا اور گرمی کا احساس ختم ہوتا محسوس ہورہا تھا۔ پانی شفاف تھا کہ تالاب کی تہہ تک نظر آرہی تھی۔ اسمیں کہیں کہیں چھوٹی چھوٹی مچھلیا ں بھی نظر آرہی تھی جن کو لوگ عرف عام میں ڈولا مچھلی کہتے ہیں۔ پانی سر سبز پہاڑوں سے بہتا ہوا اس چھوٹے سے تالاب میں اکٹھا ہو کر آگے گہرائی کی طرف رواں دواں تھا۔ جس طرف سے پانی آرہا تھا وہاں پہاڑوں اور اس پر پھیلے ہوئے سبزے کا منظر بہت دلکش تھا۔

[haroonmcs26]

چشمے کے پانی کا چھوٹا سا قدرتی تالاب جو کہ گرم علاقوں سے آئے ہوئے لوگوں کو اپنی طرف کھینچ لیتا ہے۔

[haroonmcs26]

چشمے سے دوسری طرف کا منظر۔

[haroonmcs26]

کچھ دیر چشمے کے پانی کی ٹھنڈک کو جسم میں اتار کر تھوڑا بلندی کی طرف چل پڑا جہاں سے چشمہ بہتا ہوا آرہا تھا۔ اوپر جاتے ہوئے تھوڑی احتیاط کی ضرورت ہے کیونکہ مسلسل پانی کی وجہ سے کئی پتھر وں پر کافی پھسلن تھی۔ بلندی سے پانی پتھروں کے درمیان سے راستہ بناتے ہوئے آرام آرام سے آرہا تھا۔

[haroonmcs26]

چشمے کے پانی کے تالاب کے ساتھ ثانی کی تصاویر۔

[haroonmcs26]

چشمے کے پاس عنصر بھی ایکشن میں ۔

[haroonmcs26]

تالاب کے ساتھ ہی مقامی لوگ گاڑیاں دھونے میں مصروف تھے۔ اس مقصد کیلئے وہ ایک پائپ کو چشمے کی بلندی سے لیکر آتے اور پانی نیچے آتے آتے سروس اسٹیشن کی طرح پریشر بنا لیتا تھا۔ یعنی بغیر پمپ اور موٹر کے زوردار پریشر۔ وہ گاڑی دھونے کا 100 روپیہ لے رہے تھے۔ لیکن ہمیں ابھی اس کی ضرورت نہیں تھی۔

[haroonmcs26]

وہ سڑک جس پر ہمیں سفر کرتے ہوئے دور نظر آتے اور دلوں کو کھینچتے ہوئے پہاڑوں کی طرف جانا تھا ۔

[Atif_Jawaid]

چشمے کے پاس عنصر بھی ایکشن میں ۔

@haroonmcs26 ..... Ansor bhai ko bolte jaket or suiter rakh lete sath aage sardii hone wali hai kaafi ..

[zahid135]

Beautiful pics and well detailed.
I love to drive on this road from Mansehra to Naran

[haroonmcs26]

عنصر بھائی نے پورا انتظام کیا ہوا ہے۔ آگے کیلئے جیکٹ کے علاوہ چادر، اپر ، گرم ٹوپی وغیرہ سب کچھ انکے بیگ میں رکھا ہوا ہے۔

[haroonmcs26]

بہت شکریہ۔ واقعی اس روڈ پر ڈرائیونگ کا اپنا ہی مزہ ہے۔

[haroonmcs26]

چشمے کے پاس کچھ وقت گزار کر آگے روانہ ہوئے ۔ باقی ساتھی کافی پر جوش تھے اور کہہ رہے تھے کہ یہ تو مری سے بھی زیادہ خوبصورت ہے اور میں دل ہی دل میں مسکرا رہا تھا کہ ابھی تو وادی کاغان ناران کا صحیح انداز میں آغاز بھی نہیں ہوا یہیں دل ہار گئے تو آگے کیا ہوگا۔ جب بیسیاں کے پاس پہنچے تو وہاں دریا کا منظر بہت خوبصورت تھا یہاں دریا کافی وسیع جگہ پر بہہ رہا تھا اور بہاؤ میں وہ تیزی نہیں تھی جو کہ آگے جا کر آ جاتی ہے۔ پہاڑوں کی طرف سے آتا ہوا دریا یہاں پہلے دو حصوں میں تقسیم ہوتا ہے جن میں سے ایک اسکا مرکزی دھارا ہے دوسرا کم گہرا اور کم بہاؤ والا جس میں ہم نے کچھ مقامی بچوں کو بھی نہاتے دیکھا۔ آگے جا کر یہ دونوں حصے دوبارہ آپس میں مل جاتے ہیں۔ بیسیاں کے مقام پر دریائے کنہار کا پہلا نظارہ ہوتا ہے۔ ہم نے بھی کچھ وقت وہاں گزارنے کا سوچا۔ گاڑی کو کھڑی کرکے ہم سڑک سے کچھ نشیب میں پہنچ گئے تاکہ دریا کا قریب سے نظارہ کیا جا سکے۔ قریب جا کر دیکھا تو پانی اتنا بھی آہستہ نہیں تھا جتنا ہم نے سڑک سے دیکھتے ہوئے سوچا تھا۔ عنصر کی خوشی دیدنی تھی۔ سب پتھروں اور دریا کے پاس جا کر تصاویر اتار رہے تھے۔ اسی دوران کویت سے امجد بھائی کی واٹس ایپ کال آ گئی۔ وہ میرے ہر ٹور پر مجھے کئی کئی بار کال کرتے ہیں۔ ان کو ویڈیو کال کے ذریعے دریا کا نظارہ کروایا اور کچھ تصاویر بھی بعد میں بھیجیں۔ ویڈیو کا ل کے دوران انھوں نے کہا کہ میں بھی آئندہ اسی علاقے میں آؤں گا۔ انھوں نے مزید بتایا کہ ان کا اکتوبر میں وطن واپسی کا پروگرام ہے اس وقت چلیں گے ۔ میں نے انھیں بتایا کہ اکتوبر میں تو موسم اور راستے کی صورتحال کے مطابق ہی فیصلہ کریں گے۔ اسکے بعد میں دوبارہ اپنے اردگرد پھیلے مناظر کو دیکھنے میں مصروف ہو گیا۔ دریا کے کنارے مقامی لوگوں نے کچھ کاشت کاری بھی کی ہوئی تھی۔ جس طرف سے دریا آ رہا تھا وہاں کا منظر قابل دید تھا۔ پہاڑوں کے پیچھے پہاڑ سر اٹھائے ہوئے کھڑے تھے۔ جن میں سے اکثر نے سبزے کی چادر اوڑھ رکھی تھی۔ اور دور کے پہاڑوں پر دھند سی چھائی ہوئی تھی اور آسمان پر بادل بھی موجود تھے۔ دور تک سر سبز وادی پھیلی ہوئی تھی اور اسمیں سے بہتا ہوا دریا ئے کنہار پوری شان کے ساتھ بہہ رہا تھا۔واقعی ایک خوبصورت منظر تھا۔

[haroonmcs26]

دریائے کنہار کے بہاؤ کے رخ کا منظر۔

[adeel715]

Assalamu Alaikum Haroon Bhai
MashALLAH ap ka Trip bohat acha raha parh kar bohat maza ah raha ha. aap Deosi Wagon R par gya tha??
aur ap ka kasa experience raha Deosi jana ka Wagon R pa

JazakAllah