تین کزنز ، ناران، ہنزہ اور خنجراب

[haroonmcs26]

جب ہم چپس تل رہے تھے تو اسی دوران وہاں لینڈ کروزر پر ایک فیملی بھی آئی جس میں ایک عمر رسیدہ بزرگ بھی تھے۔ چلنے پھرنے سے معذور نظر آتے تھے۔ ان کو ایک وہیل چیئر پر اتار کر بٹھایا گیا۔ لیکن پتا نہیں کیا مسئلہ ہوا ان کی طبیعت خراب ہو گئی اور نیم بے ہوشی کی سی کیفیت طاری ہوگئی۔ کوئی کہہ رہا تھا کہ ہارٹ اٹیک ہو گیا کوئی کہہ رہا تھا کہ شوگر لیول ڈاؤن ہو گیا۔ اس نیم بے ہوشی کی کیفیت میں وہ بزرگ کرسی سے گر بھی پڑے۔ ان کی حالت پر لازمی طور پر ہوا کا کم پریشر بھی اثر انداز ہو رہا تھا۔ وہ فیملی جو لطف اندوز ہونے یہاں آئی تھی اب رو رہی تھی۔ ان بزرگ کو بڑی مشکل سے گاڑی کی پچھلی سیٹ پر منتقل کیا گیا اور گاڑی فورا چلاس سائیڈ پر چلی گئی تا کہ ان کو طبی امداد دی جا سکے۔

[haroonmcs26]

با بو سر ٹاپ پر پھیلے ہوئے مخصوص پتھر۔

[haroonmcs26]

بابو سر ٹاپ پر پڑی ہوئی برف کےمناظر۔

[haroonmcs26]

چپس کی تیاری کیلئے آلو کاٹتے ہوئے۔

[haroonmcs26]

چولہے کو ہوا سے بچاتے ہوئے۔

[haroonmcs26]

چپس کی تیاری کا ایک اور منظر۔

[haroonmcs26]

چپس کھانے اور چائے پینے کے بعد وقت پر نظر دوڑائی تو ذہن میں پریشانی آئی کہ تقریبا چار بج چکے ہیں اور ہم ابھی تک بابو سر ٹاپ پر موجود ہیں۔ احمد تو پہاڑ کے اوپر پھیلی ہوئی برف تک جانےکا کہہ رہا تھا لیکن ان کو وقت کی قلت کا احساس دلایا۔ اور سب گاڑی میں بیٹھ گئے۔ نظر چلاس کی طرف جاتی ہوئی سڑک پر تھی جو گہرائیوں میں اتر رہی تھی۔ جو معلومات میں نے حاصل کی تھی انکے مطابق تقریبا 40 سے 45 کلومیٹر کا یہ راستہ کہنے میں تو کچھ نہیں لیکن اترائی بہت زیادہ تھی۔ ہمیں تقریبا 13691 فٹ کی بلندی سے 3000 فٹ کی بلندی پر جانا تھا۔ اس راستے پر ڈرائیونگ میں بہت احتیاط کی ضرورت تھی۔ بسم اللہ پڑھ کر اور دعا پڑھ کر سفر کا آغاز کیا۔ سڑک بہترین حالت میں تھی۔ اور نئی تعمیر شدہ تھی۔ صرف مسئلہ زیادہ ڈھلان کا تھا۔ ایسے رستوں پر مجھے پہلے بھی گاڑی چلانے کا اتفاق ہوا تھا اسلئے پہلے یا دوسرے گیئر میں گاڑی کو ڈرائیو کررہا تھا۔ یہ بھی ذہن میں تھا کہ بریکوں کا استعمال کم اور گاڑی چھوٹے گیئر میں چلانی ہے۔ ہر وقت نہیں صرف بوقت ضرورت ہی بریکوں کا استعمال کرنا ہے۔ اگر ایسے راستوں پر بریک کا زیادہ استعمال کیا جائے تو بریک گرم ہو کر بیٹھ جاتی ہے۔ اسلئے اگر کبھی محسوس ہو کہ بریک پیڈل بیٹھ رہا ہے اور بریک کی کارکردگی متاثر ہو رہی ہے۔ تو 15 سے 20 منٹ قیام کر لیں تاکہ بریک اپنی پہلی حالت میں واپس آ جائے۔ لیکن اگر آپ کی گاڑی کا انجن فٹ ہے اور آپ بریکوں کا استعمال بہت کم کر رہے ہیں۔ تو لازمی نہیں کہ قیام کیا جائے۔ ہم نے اس راستے پر نہ ہونے کے برابر قیام کیا صرف ایک دو جگہ تصویریں اتارنے کیلئے مختصر قیام ہوا۔ احمد اور وسیم راستے کی اترائی کو بہت زیادہ محسوس کر رہے تھے۔ میں نے غلطی سے ان کے سامنے کچھ عرصہ پہلے کے کوہستان کے علاقہ کے دہشتگردی واقعات کا ذکر کر دیا تو انھوں نے کہا کہ یہی سے واپس چلتے ہیں اور بہتر ہے ناران کاغان کے آس پاس ہی گھوم لیا جائے۔ میں نے انکو تسلی دی کہ اب حالات بہتر ہیں لیکن یہ بات ان کے ذہن سے اسوقت تک نہ نکلی جب تک ہم اس علاقے سے گزر نہ گئے۔ شاپر سے بوتلیں نکالیں جس میں ہم نے گلیشیئر کی برف ڈالی تھی۔ بوتل ٹھنڈی تھی۔ گلاس میں ڈال کر مزے لئے گئے۔ بابو سر ٹاپ سے کچھ کلومیٹر آگے مختصر قیام کرکے تصویریں اتار یں اور سفر دوبارہ شروع ہو گیا۔ تقریبا 20 سے 25 کلومیٹر فاصلہ طے کرنے کے بعد ماحول اور موسم بالکل تبدیل ہو چکا تھا۔ سر سبز اور برفپوش پہاڑوں کی جگہ ویران ، خشک ،مٹی اور پتھروں کے پہاڑوں نے لے لی تھی۔ گرمی کا احساس ہو رہا تھا۔ کہاں بابو سر ٹاپ کی یخ بستہ ہوائیں اور کہاں گرمی کی لپٹیں۔ پہاڑ بھی ایسے جن کو دیکھ کر ہی لگتا تھا کہ بارش کے دوران یہ لینڈ سلائیڈ بہت کرتے ہوں گے۔ اتنے میں وسیم نے پیچھے توجہ دلائی دیکھا تو گہرے بادل تیزی سے ہماری طرف آ رہے تھے اور کچھ بارش کی بوندیں بھی ونڈ سکرین پر نظر آئیں۔ ذہن میں تشویش پیدا ہوئی کہ اگر بارش نے ہمیں آ لیا تو ہم لینڈ سلائیڈ کی وجہ سے کہیں پھنس بھی سکتے ہیں۔ گاڑی کی سپیڈ تھوڑی بڑھا دی لیکن خطرنا ک حد تک نہیں۔ جہاں ضرورت ہوتی گاڑی کو انتہائی کم سپیڈ بھی دینا پڑتی ۔ ہماری کوشش تھی کہ بادلوں سے تیز رفتاری سے اس علاقے سے گزرا جائے۔ دوستوں سے درخواست ہے کہ بارش کے دوران اس علاقے میں سفر نہ کریں۔ بادل ہونے کے باوجود گرمی کا احساس بدستور تھا حالانکہ ہوا بھی چل رہی تھی۔ لیکن ہوا میں تھوڑا لو کا احساس تھا۔ ہوا سے پہاڑوں پر کئی جگہ پر ہوا سے مٹی نیچے سرک رہی تھی۔ جہاں راستے میں ٹھوس پتھر کے پہاڑ تھے وہاں کئی چھوٹی چھوٹی آ بادیا ں بھی دیکھی۔ اور بہت سے ایسے مکانات بھی دیکھے جو لینڈ سلائیڈنگ کی وجہ سے ٹوٹ پھوٹ کا شکار ہو کر غیر آباد ہو چکے تھے۔ راستہ کچھ حد تک اعصاب پر اثر انداز ہوتا ہے۔ میں نے پورے رستے کی معلومات تو لے رکھی تھی لیکن میں یہ بھی جانتا تھا کہ پہاڑی علاقوں کے راستے ہمیشہ ایک سے نہیں رہتے۔ حقیقی طور پر تو اس راستے پر پہلی بار سفر کر رہا تھا۔ ڈھلتی شام، پیچھا کرتے بادل اور لینڈ سلائیدنگ والے پہاڑوں کو دیکھ کر راستہ طویل ہی محسوس نہیں ہو رہا تھا بلکہ ذہن پر دباؤ بھی تھا۔ وسیم اور احمد کی بولتی بند تھی کیونکہ میرے مقابلے میں انھوں نے پہاڑی علاقوں میں کم سفر کیا تھا۔ کئی جگہ کچھ فاصلہ آگےپہاڑوں سے اتنی مقدار میں مٹی اڑتی اور گرتی نظر آئی کہ ذہن میں خدشہ پیدا ہوا کہ کہیں لینڈ سلائیڈنگ نہ ہو جائے۔ دل ہی دل میں اللہ کا ذکر کرتے وہاں پہنچتے تو شکر کرتے کہ رستہ بند نہیں ہے۔ میرے ذہن میں یہ تھا کہ اندھیرا چھانے سے پہلے پہلے اس راستے کو طے کرنا ضروری تھا۔ نظریں بار بار میٹر ریڈنگ کی طرف جارہی تھی۔ جب تقریبا 40 کلومیٹر کا فاصلہ طے ہو گیا تو بار بار نیچے نظریں جاتیں کہ شاید اب قراقرم ہائی وے نظر آ جائے لیکن آگے پر پیچ موڑ ہی نظر آتے تھے جن سے نیچے تک دیکھنا ممکن نہیں تھا۔ اسوقت روڈ پر ٹریفک نہ ہونے کے برابر تھی۔ اب بادلوں سے کافی آگے نکل آئے تھے یا شاید بادلوں نے ہمیں ڈرانے کا ارادہ ترک کر دیا تھا۔ لیکن پیچھے نظر دوڑا کر احساس ضرور ہوتا تھا کہ پیچھے تیز بارش ہو رہی ہے۔ کئی جگہ پر سڑک پر لینڈ سلائیڈنگ بھی نظر آئی لیکن شکر ہے وہاں سے گاڑی بآ سانی گزر سکتی تھی۔ ایک موڑ گھوم کر سامنے دیکھا تو ایک چیک پوسٹ نظر آئی تو جان میں جان آئی کہ شکر ہے اللہ نے بغیر کسی مسئلے کے یہاں تک پہنچا دیا۔ جسم میں سکون کا احساس ہوا۔ جب پوسٹ پر پہنچے تو وہاں موجود ایک شخص نے گاڑی کو روکنے کا اشارہ کیا۔ سوچ رہے تھے کہ پتا نہیں کیوں روک رہا ہے لیکن گاڑی کو ایک سائیڈ پر روک لیا۔ اس نے پوچھا کہ پیچھے راستے کی کیا صورتحال ہے۔ اسکو بتایا کہ ہمیں تو کہیں بھی راستہ بند نہیں ملا۔ بارش کے متعلق پوچھا تو اسے بتایا کہ ہم بادلوں سے آگے آگے بھاگتے ہوئے آئے ہیں۔ دراصل وہ شخص اس راستے پر سفر کرنا چاہتا تھا اور اسکی اطلاعات کے مطابق اب وہاں تیز بارش ہو رہی تھی۔ اور وہ اس وجہ سے یہاں رک کر انتظار کر رہا تھا۔ چیک پوسٹ پر اندراج کروا کر جیسے ہی اسے کراس کیا تو ہم قراقرم ہائی وے پر تھے۔ لیکن سڑک ہائی وے کی طرح کھلی نہیں تھی۔ بائیں طرف سڑک چلاس کی طرف ہوتی ہوئی ایک طویل فاصلہ طے کرنے کے بعد مانسہرہ کی طرف نکل جاتی تھی۔ اور دائیں طرف وادی ہنزہ اور گلگت وغیرہ کی طرف۔ اگر کبھی وادی ہنزہ وغیرہ کی طرف جانا ہو تو بہتر ہے جس راستے سے ہم آئے تھے وہی راستہ اختیار کیا جائے یہ راستہ مختصر بھی اور چلاس ، پتن ، بشام وغیرہ کے راستے سے خوبصورت بھی۔ ہمارے والے راستے پر آتے ہوئے ناران کاغان کی خوبصورتی کو بھی آنکھو ں میں اتارا جاسکتا ہے۔ قراقرم ہائی وے تک آتے ہوئے ہمیں تقریبا دیڑھ سے دو گھنٹے لگے تھے۔ لیکن جب ذہن میں وسوسے ہوں تو سفر بہت لمبا لگتا ہے۔ قراقرم ہائی وے آنے کے بعد ہم نے دائیں طرف کا راستہ اپنایا کیونکہ ہم نے ہنزہ اور خنجراب کی طرف جانا تھا۔لیکن پریشانی ابھی ختم نہیں ہوئی تھی۔۔۔۔۔۔

[haroonmcs26]

بابو سر ٹاپ سے چلاس کی گہرائیوں میں اترتی ہوئی سڑک۔

[haroonmcs26]

بابو سر ٹاپ سے کچھ آگے کی تصاویر۔ خوشگوار موسم موڈ بھی خوشگوار بنا دیتا ہے لیکن اسوقت پتا نہیں تھا کہ اگلا راستہ الٹ اثر بھی ڈالے گا۔

[asifcae]

چولہے کو ہوا سے بچاتے ہوئے۔

bro i must protest here ............. ap nay yey chilkay nai uthay kia???? in ur pic i can c all the trash at babusar top left by ppl... please at least u shud not have contributed to it......

[haroonmcs26]

گہرائیوں کی طرف گامزن۔

[haroonmcs26]

راستے میں کام کرتی ایک کرین۔

[haroonmcs26]

بابو سر سے چلاس ۔پہاڑوں کا ایک منظر۔

[haroonmcs26]

خشک پہاڑوں کے درمیان سے گزرتی سڑک ۔ سڑک بہترین حالت میں لیکن اترائی زیادہ۔

[haroonmcs26]

راستے میں موجود ایف ڈبلیو او کا کیمپ اور بھاری مشینری۔

[haroonmcs26]

خشک اور بنجر پہاڑ اور دور اوپر سڑک پر کام کرتی ہوئی کرین۔

[haroonmcs26]

راستے میں ایک پہاڑی نالے پر بنا ہوا ایک پل۔

[haroonmcs26]

خشک پہاڑوں میں گھومتی ہوئی سڑک اور پہاڑی نالہ۔

[haroonmcs26]

ایک اور نظارہ۔

[haroonmcs26]

bro i must protest here ............. ap nay yey chilkay nai uthay kia???? in ur pic i can c all the trash at babusar top left by ppl... please at least u shud not have contributed to it......

آصف بھائی آپ کا احتجاج سر آنکھوں پر۔ فکر نہ کریں کم ازکم میں نے اس بارے میں کوشش ضرور کی۔ شاید آپ نے تھریڈ کے سٹارٹ میں جو سامان میں نے اس سفر کیلئے تیار کیا اس میں پڑھا ہو کہ میں نے کافی شاپنگ بیگ بھی رکھے تھے ان کا ایک مقصد یہ بھی تھا کہ جہاں کہیں قیام و طعام کیا جائے تو کم ازکم ہم وہاں کوڑا کرکٹ پھیلانے والوں میں سے نہ ہو۔ ہم نے جہاں بھی کھانا پکایا وہاں تمام فالتو مٹیریل شاپر میں ڈالا اور اسکو مناسب جگہ پر ٹھکانے لگایا۔ہم نے آلو کے تمام چھلکے اٹھا لئے تھے۔ بلکہ آپ کو ایک دلچسپ بات بتاتا ہوں ۔ جب ہم گھر سے روانہ ہو رہے تھے تو میرا چھوٹا بھائی میرے کزنز کو کہہ رہا تھا کہ ان علاقوں میں جا کر بھا ئی کی علیحدہ تھیوری دیکھنا کہ دوسرے لوگ وہاں کوڑا پھیلا رہے ہو ں گے اور بھائی اٹھاتا پھر رہا ہو گا۔امید ہے اب آپ کم از کم ہمارے خلاف اپنا احتجاج واپس لے لیں گے۔ شکریہ