تین کزنز ، ناران، ہنزہ اور خنجراب

[haroonmcs26]

شاہراہ ریشم کا قدیم راستہ جو صرف ایک زگ زیگ لکیر کی صورت میں نظرآ رہا تھا۔اب اس راستے کا استعمال تقریبا ترک ہو گیا ہے۔ بعض جگہوں پر اس کو صرف مقامی چھوٹے موٹے گاؤں کے باسی ہی استعمال کرتے ہوں گے۔

[haroonmcs26]

شاہراہ قراقرم کے بلدار اور اوپر کی طرف بلند ہوتے راستوں کی خوبصورتی کو دیکھتے ہوئے سفر جاری تھا۔ آگے بڑھنے کے ساتھ ساتھ سبزے کی مقدار میں اضافہ ہوتا جا رہا تھا۔ اب تو پہاڑوں کے پیچھے سر اٹھائے برفپوش چوٹیاں بھی بآ سانی نظر آ رہیں تھیں۔کہیں وہ چوٹیاں بالکل واضح نظر آتیں تھیں اور کہیں وہ دھند اور بادلوں کا نقاب اوڑھے ہوئے تھیں۔

[haroonmcs26]

اب سڑک کے اردگرد باغات بھی نظر آرہے تھے۔ جن میں خوبانی اور سیب واضح نظر آ رہے تھے۔ وادی ہنزہ کی خوبانیوں کا بہت سن رکھا تھا۔ ویسے تو لاہور میں بھی بازار سے خرید کر خوبانیاں کھاتے آ رہے ہیں لیکن خواہش تھی کہ درختوں سے تروتازہ خوبانیاں توڑ کر کھائی جائیں۔ چلت کے راستے سے تقریبا 4 کلومیٹر آگے ایک جگہ راستے کے بالکل ساتھ ہی خوبانیوں کے درخت دیکھ کر جن پر پکی ہوئیں خوبانیاں دعوت دے رہیں تھیں رک گئے۔ وہاں ایک مقامی نوجوان سے بعد از اجازت احمد اور وسیم پھرتی سے درختوں پر چڑھ گئے اور میں شاپر پکڑ کر نیچے کھڑا ہوگیا۔ وہ پکی پکی خوبانیاں توڑ کر دیتے رہے اور میں شاپر میں ڈالتا رہا۔ ہنزہ کی خوبانیاں پہلی بار منہ میں ڈالیں تو مزہ آ گیا۔ ایسا مزہ کبھی بازار سے خوبانیاں خرید کا کھانے کا نہیں آیا تھا۔ جو وہاں کی تروتازہ اور آلودگی سے پاک اور وہ بھی بالکل مفت خوبانیوں کا آیا۔یہ خوبانیاں زہریلے سپرے سے پاک بھی تھیں۔ ہم خوبانیاں توڑنےاور انکو شاپر میں منتقل کرنے کے ساتھ ساتھ تناول بھی فرما رہے تھے۔ تقریبا1 سے ڈیڑھ کلو خوبانیاں توڑ کراور مقامی میزبان کا شکریہ ادا کرکے ہم آگے روانہ ہوئے۔ ڈرائیونگ کے دوران خوبانیاں تیزی سے ہمارے پیٹوں میں منتقل ہو رہیں تھیں۔ مزہ آ گیا۔

[haroonmcs26]

احمد اور وسیم خوبانیاں توڑتے ہوئے۔

[haroonmcs26]

ابھی پہلی خوبانیاں ہی ختم نہیں ہوئیں تھیں۔ کہ راستے میں مقامی بچے سڑک کے کنارے شاپر لئے نظر آئے۔ انکے پاس گاڑی روکی تو وہ بھاگ کر گاڑی کے پاس آئے۔ ہم نے دیکھا کہ ان شاپروں میں سیب، خوبانیاں اور تروتازہ انجیر تھیں۔ یہ خوبانیاں ان خوبانیوں سے دوگنا سائز کی تھیں جن کو ہم تناول کر رہے تھے اور اپنے خیال میں ہم انکو ہی زبردست سمجھ رہے تھے۔ ان سے خوبانیو ں، سیب اور تروتازہ انجیر کا ایک ایک شاپر خریدا اور بہت ہی کم ریٹ ۔ میرا خیال ہے انھوں نے کل 100 روپے ہی بمشکل لئے ہوں گے۔ جن میں 50 روپے کی تقریبا آدھا کلو انجیر، 3 پاؤ سیب اور تقریبا اتنی ہی خوبانیاں تھیں۔ ہم نے جہاں سے خوبانیاں توڑیں تھیں وہ تو ان باغات کا آ غاز تھا۔ اب جا بجا باغات نظر آرہے تھے۔ جیسے جیسے ہم ہنزہ کے قریب ہوتے جا رہے تھے۔ سبزے میں اضافہ ہوتا جا رہا تھا۔ ہم درختوں سے توڑی ہوئیں خوبانیاں کھا کر سیر ہو گئے تھے اسلئے خریدے ہوئے پھلوں کو دوبارہ استعمال کیلئے رکھ لیا گیا۔ کیونکہ شاید وہاں کے مقامی لوگوں کے لئے یہ ایک معمولی بات ہو لیکن ہمارے لئے یہاں کی یہ چیزیں سوغات سے کم نہیں تھیں۔

[haroonmcs26]

راستے میں ایک برفپوش چوٹی بار بار ہمیں اپنی جھلک دکھلا کر دوسرے پہاڑوں کے پیچھے غائب ہو جاتی تھی۔ اور ہماری آنکھوں میں دید کی پیاس مزید بڑھا جاتی تھی۔بعد میں پتا چلا وہ تھی خوبصورت پہاڑوں کی شہزادی ?راکا پوشی۔ سوا دو بجے ہم اس جگہ پہنچ گئے جہاں سے دنیا کی خوبصورت چوٹی راکا پوشی کا نظارہ کیا جاسکتا تھا۔ یہاں ایک بات دوستوں کے گوش گزار کرتا چلوں کہ ہنزہ سے پہلے دو مقامات آتے ہیں جن کو راکا پوشی ویو پوائنٹس کا نام دیا گیا ہے۔ لیکن ان میں جو پہلا پوائنٹ ہے وہاں سے راکا پوشی کی صرف چوٹی کا نظارہ کیا جا سکتا ہے۔ لیکن اس سے کچھ آگے دوسرا پوائنٹ آتا ہے۔ جہاں سے راکا پوشی کا نظارہ بہترین ہے۔ وہاں سے چوٹی کے ساتھ ساتھ راکا پوشی کا دامن بھی واضح نظر آتا ہے اور راکا پوشی کے گلیشیئر ز سے ایک چشمہ زور و شور سے بہتا ہوا نظر آتا ہے۔ یہاں سے راکا پوشی کی بنیاد سے اسکی اٹھان تک مکمل نظارہ کیا جا سکتا ہے۔ گاڑی کو ایک طرف پارک کرکے پھلوں، بوتلوں اور کولر کو ساتھ لیکر راکا پوشی سے آنے والے چشمے کے ساتھ تھوڑا اوپر کی طرف روانہ ہو گئے تاکہ راکا پوشی کا واضح نظارہ کیا جا سکے۔ چشمے کے گرد بنے ہوئے ہوٹل سے آگے جا کر رکے اور نظر اٹھا کر جو راکا پوشی کو دیکھا تو منہ سے بے اختیار سبحان اللہ کا لفظ نکل گیا۔ ایسے لگا جیسے یہاں آنے کیلئے جو خرچہ کیا تھا وہ پورا ہو گیا۔ نظر اٹھا کر ایسے لگا جیسے جسم پتھر کا ہو گیا ہو۔ نظریں تھیں کہ راکا پوشی کے حسن سے ہٹتی ہی نہ تھیں۔ دل اور دماغ اس بات کا واضح اعتراف کر رہے تھے کہ ہارون میاں تم نے جو اب تک پہاڑ اور ان کی چوٹیاں دیکھیں ہیں وہ اس حسن و خوبصورتی کے آگے کچھ بھی نہیں۔ بنگال کے جادو کا تو سنا تھا جو سر چڑھ کر بولتا ہے۔ لیکن راکا پوشی کا جادو سر تو کیا دل پر بھی چڑھ رہا تھا۔ یہاں میں لفاظی نہیں کر رہا ہوں میں ابھی تک راکا پوشی کو نہیں بھول سکا۔ مجھے نہیں پتا کہ وسیم اور احمد کیا کر رہے ہیں۔ میں تو صرف راکا پوشی کو دیکھ رہا تھا۔ مجھے حقیقت میں اس سے محبت ہو گئی۔ پہاڑوں کی دنیا کی خوبصورت شہزادی اپنے برف کے سفید لباس کے ساتھ اپنے جادو سے دل کو مسحور کر رہی تھی۔ پہاڑوں کے جادو کا اتنا شدید اثر میں پہلی بار محسوس کر رہا تھا۔ دوربین سے جب راکا پوشی کو دیکھا تو نظر ہٹانا ہی بھول گیا۔ راکا پوشی پٹی کی سفید چمکدار چوٹیاں ان سے اترتے ہوئے گلیشیئر ز اور ان سے بہتا ہوا چشمہ سب بالکل واضح نظر آ رہے تھے۔ میں اپنے قدموں سے راکا پوشی کی بلند چوٹیوں تک کے نظارے کو بغیر کسی رکاوٹ کے دیکھ رہا تھا۔ مجھے اب بھی جب میں یہ تحریر لکھ رہا ہوں سمجھ نہیں آ رہی کہ کس طرف حسن کے اس مجسمے کو الفاظ میں بیاں کروں۔ مجھے الفاظ نہیں مل رہے جو اسکے حسن کو مکمل بیاں کر سکیں۔ کیمر ے کی تصاویر اور یہ الفاظ اسکی خوبصورتی کو خراج تحسین پیش نہیں کر سکتے۔ اس پورے سفر کے دوران وہ مناظر جنہوں نے مجھے مبہوت کر دیا تھا۔ میں راکا پوشی کو ان میں سے سر فہرست رکھ رہا ہوں۔ لیکن جیسا کہ میں پہلے عرض کر چکا ہوں ان نظاروں کی خوبصورتی کو وہی انسان محسوس کر سکتا ہے جسے مناظر فطرت سے پیار ہے۔ ورنہ دوسرے لوگوں کو برف سے ڈھکا ہو ا ایک پہاڑ ہی نظر آئے گا جس پر ایک اچٹتی ہوئی نظر ڈال کر وہ آگے روانہ ہو جائیں گے۔ جو کہ ایک فطرت سے محبت کرنے والے کے نزدیک توہین کے برابر ہے۔

[haroonmcs26]

اچانک راکا پوشی پر چھائے ہوئے بادل تھوڑی دیر کیلئے چھٹے اور راکا پوشی نے اپنا نقاب مکمل طور پرالٹ دیا۔ بس دوستوں کیا بتاؤ ہمار ا تو کام ہی ہو گیا۔ اگر اتنی محویت سے کسی خاتون کو دیکھتے تو شاید اب تک لوگ سنگسار ہی کر دیتے لیکن شکر ہے راکا پوشی کو دیکھنے پر ابھی لوگوں نے کوئی سزا تجویز نہیں کی تھی۔ اس سے پہلے میں نے چند بار ہی دوربین احمد وغیرہ سے لی تھی لیکن اب میں انکو دے ہی نہیں رہا تھا۔ راکا پوشی کا ایک ایک پیچ و خم میری نظروں کے سامنے تھا۔ راکا پوشی پٹی کی بلند ترین چوٹی بغیر کسی پردے کے دعوت نظارہ دے رہی تھی۔ لیکن کچھ دیر کے بعد راکا پوشی نے شاید میری نظروں کے والہانہ پن سے گھبرا کر دوبارہ بادلوں کا نقاب اوڑھ لیا۔ لیکن اسکے بعد بھی وہ وقتا فوقتا چند لمحوں کیلئے وہ اپنا نقاب اتار کر اپنا جادو بکھیرتی رہی۔ راکا پوشی ، حسن کی شہزادی شاید میں تمھیں زندگی بھر نہ بھول سکوں۔جب بھی مادیت پسند زندگی کی زنجیروں کو توڑ سکا تو دوبارہ تم سے ملنے آؤں گا۔ اب تم کو بھلانا ممکن نہیں۔

[haroonmcs26]

وسیم اور احمد راکا پوشی کو واضح دیکھنے کیلئے بلندی کی طرف گامزن۔

[haroonmcs26]

وسیم اور احمد راکا پوشی کا نظارہ کرتے ہوئے۔

[haroonmcs26]

راکا پوشی اور اس سے اترتے ہوئے گلیشیئرز۔

[turbo_charge]

اچانک راکا پوشی پر چھائے ہوئے بادل تھوڑی دیر کیلئے چھٹے اور راکا پوشی نے اپنا نقاب مکمل طور پرالٹ دیا۔ بس دوستوں کیا بتاؤ ہمار ا تو کام ہی ہو گیا۔ اگر اتنی محویت سے کسی خاتون کو دیکھتے تو شاید اب تک لوگ سنگسار ہی کر دیتے لیکن شکر ہے راکا پوشی کو دیکھنے پر ابھی لوگوں نے کوئی سزا تجویز نہیں کی تھی۔ اس سے پہلے میں نے چند بار ہی دوربین احمد وغیرہ سے لی تھی لیکن اب میں انکو دے ہی نہیں رہا تھا۔ راکا پوشی کا ایک ایک پیچ و خم میری نظروں کے سامنے تھا۔ راکا پوشی پٹی کی بلند ترین چوٹی بغیر کسی پردے کے دعوت نظارہ دے رہی تھی۔ لیکن کچھ دیر کے بعد راکا پوشی نے شاید میری نظروں کے والہانہ پن سے گھبرا کر دوبارہ بادلوں کا نقاب اوڑھ لیا۔ لیکن اسکے بعد بھی وہ وقتا فوقتا چند لمحوں کیلئے وہ اپنا نقاب اتار کر اپنا جادو بکھیرتی رہی۔ راکا پوشی ، حسن کی شہزادی شاید میں تمھیں زندگی بھر نہ بھول سکوں۔جب بھی مادیت پسند زندگی کی زنجیروں کو توڑ سکا تو دوبارہ تم سے ملنے آؤں گا۔ اب تم کو بھلانا ممکن نہیں۔

bohat khoobsurat...SUBHANULLAH... aik din zaroor milna hy is haseena sy... lovely...

Sent from my SM-G530H using PW Forums mobile app

[haroonmcs26]

bohat khoobsurat...SUBHANULLAH... aik din zaroor milna hy is haseena sy... lovely...

Sent from my SM-G530H using PW Forums mobile app

بہت شکریہ۔ حقیقت میں ابھی تک راکا پوشی کا منظر آنکھوں سے نکلا نہیں ہے۔ میرے کمپیوٹر کی فرنٹ سکرین پر بھی اسکی ہی تصویر لگی ہوئی ہے۔ کمال کا نظارہ تھا۔

[haroonmcs26]

راکا پوشی اور اسکے گلیشیئرز سے نکل کر بہتا ہوا تیز رفتار چشمہ۔

[haroonmcs26]

راکا پوشی۔ تھوڑا قریب سے۔

[haroonmcs26]

وسیم راکا پوشی سے آتے ہوئے چشمے کے پاس۔

[hussainbashir]

Supereb

Sent from my iPhone using PW Forums

[haroonmcs26]

راکا پوشی پر بادلوں کی آنکھ مچولی۔

[haroonmcs26]

راکا پوشی ، اس سے نکلتا چشمہ اور دائیں طرف ایک ہوٹل کا ڈائننگ لان۔

[haroonmcs26]

چشمے کو پانی سے گزر کر پار کرنا ممکن نہیں ہے کیونکہ پانی کا دباؤ زیادہ ہے۔ اسلئے اس پر ایک لکڑی کا نیا پل بنا ہوا ہے جس کے ذریعے چشمے کو پار کرکے دوسری طرف جایا جا سکتا ہے۔ جہاں مقامی لوگوں نے کچھ کرسیاں اور میز لگا کر بیٹھنے کا انتظام کیا ہوا ہے۔

[haroonmcs26]

راکا پوشی-پہاڑوں کی شہزادی۔