پاکستان میں الیکٹرک گاڑیوں کا انقلاب زوروں پر ہے، مارکیٹ میں بے شمار آپشنز سامنے آ رہے ہیں۔ آج ہم آپ کیلئے ایک اور الیکٹرک کار نیسان سکورا 2022 کا ریوئیو لے کر آئے ہیں جو کہ ایک 660 سی سی کار ہے۔ اسے 20 مئی 2022 کو نیسان کی طرف سے پہلی بیٹری الیکٹرک کار کے طور پر متعارف کرایا گیا تھا۔
نیسان ساکورا کی قیمت
ری کنڈیشنڈ ماڈل کی امپورٹ کی کل لاگت تقریباً دو ماہ قبل 5.1 ملین روپے تھی۔ تاہم، اس میں اب اضافہ ہوا ہے کیونکہ طلب بھی بڑھ گئی ہے اور ایکسچینج ریٹ بھی تبدیل ہوا ہے۔
بیٹری
بیٹری مجموعی طور پر 20 kWh ہے۔ کمپنی کا دعویٰ ہے کہ کار کی رینج 180 کلومیٹر ہے۔ تاہم، اونر کا اندازہ ہے کہ AC کا استعمال کرتے ہوئے یہ تقریباً 130-135 کلومیٹر رہ جاتی ہے۔
نیسان ساکورا کا چارجنگ ٹائم
نیسان ساکورا سنگل فیز وال ماؤنٹ چارجر کے ساتھ آتا ہے جو گھر پر 6 گھنٹے میں مکمل چارج فراہم کرتا ہے۔ اگر انڈسٹریل چارجر سے منسلک ہو تو، چارج کرنے کا وقت تقریباً 40 منٹ تک کم ہو جاتا ہے۔
اس کے علاوہ اگر حساب لگایا جائے تو یہ کار مکمل طور پر چارج ہونے میں 16-17 یونٹس لیتی ہے۔ جس کی قیمت تقریباً 1500 روپے ہے۔
انٹیرئیر اور دیگر خصوصیات
انٹیرئیر کی بات کریں تو گاڑی میں نرم، آرام دہ صوفے کی طرز کی سیٹس، کشادہ لیگ سپیس اور ایک جدید ڈیش بورڈ شامل ہے۔ یہ کار اینٹی کولیژن اسسٹ، 360 ڈگری کیمرہ، ٹچ کلائمیٹ کنٹرول اور بلوٹوتھ کنیکٹیویٹی سمیت متاثر کن خصوصیات پیش کرتی ہے۔ مزید یہ کہ گاڑی میں تین ڈرائیو موڈز ایکو، سٹینڈرڈ اور سپورٹس موجود ہیں۔ دیگر خصوصیات میں بریک ہولڈ، ری جنریٹو بریکنگ، رئیر اینڈ فرنٹ کیمرے اور 4 ایئر بیگز شامل ہیں۔
گراؤنڈ کلیئرنس
اگرچہ جاپانی ماڈلز کی گراؤنڈ کلیئرنس پاکستانی سڑکوں پر ایک مسئلہ ہے، لیکن اونر کا دعویٰ ہے کہ سکورا اچھی کلیئرنس اور اچھی سسپنشن فراہم کرتی ہے۔ مالک کے مطابق یہ شاذ و نادر ہی سپیڈ بریکر سے ٹکراتی ہے۔
پارٹس کی دستیابی
نیسان سکورا میں نیسان ڈیز کے پارٹس بھی استعمال ہو جاتے ہیں جو کہ اس گاڑٰ کیلئے اچھی بات ہے۔
احتیاطی تدابیر
صارفین کو نیسان سکورا کی بیٹریوں پر براہ راست پانی کے اسپرے سے پرہیز کرنا چاہیے اور سیلاب زدہ سڑکوں سے بچنا چاہیے۔
ویڈیو دیکھیں
