پاکستان میں کار خریدنے سے پہلے یہ اہم ڈاکیومنٹس ضرور چیک کریں

پاکستان میں کوئی کار خریدنے سے پہلے تمام اہم ڈاکیومنٹس کی پوری معلومات حاصل کرنا بہت اہم ہے۔ ریسرچ کرنے اور خریدنے کے لیے کار کا انتخاب کرنے کے بعد یہ بات یقینی بنائیں کہ پیسہ خرچ کرنے سے پہلے اِن ڈاکیومنٹس کو چیک کر لیں۔ 

کئی لوگوں کے لیے کار خریدنا ایک بڑی انوسٹمنٹ ہوتی ہے۔ اس لیے ضروری ڈاکیومنٹس کو اچھی طرح چیک کریں اور اپنی انوسٹمنٹ کو محفوظ کریں۔ نیچے وہ ڈاکیومنٹس ہیں جو کار خریدنے سے بھی لازماً چیک کیے جانے چاہئیں۔

رجسٹریشن 

جو کار آپ خریدنے جا رہے ہیں وہ یا تو رجسٹرڈ ہوگی یا اَن رجسٹرڈ ۔ اگر وہ کار رجسٹرڈ ہے تو آپ اسے دو مزید کیٹیگریز میں ڈال سکتے ہیں۔ پہلی، اگر کار اسلام آباد میں رجسٹرڈ ہے تو تمام ڈاکیومنٹس ایکسائز اینڈ ٹیکسیشن آفس، اسلام آباد میں جمع کروائے جا سکتے ہیں۔ جمع کروانے کے بعد آفس آپ کو ایک کارڈ ایشو کرے گا۔ دوسری، اگر کار کسی دوسرے شہر میں رجسٹرڈ ہے تو ایکسائز اینڈ ٹیکسیشن آفس ڈاکیومنٹس واپس کر دے گا۔

رجسٹرڈ کار کے ڈاکیومنٹس 

یہاں جن ڈاکیومنٹس کی ضرورت ہے وہ اوریجنل نمبر پلیٹ، رجسٹریشن بُک/رجسٹریشن کارڈ (اب تک ٹوکن ادا کیا جا چکا ہو) اور موجودہ مالک کا CNIC ہیں۔ دوسرے شہروں میں رجسٹرڈ کارز کی طرف جائیں تو آپ کو اوپر موجود ڈاکیومنٹس کے ساتھ ساتھ پرچیز انوائس، پچھلے ٹرانسفر کی رسید، پچھلے مالک کا CNIC اور پچھلی رجسٹریشن بُک/کارڈ کی بھی ضرورت ہے۔ 

جو کار آپ خرید رہے ہیں وہ اگر امپورٹڈ بھی ہے تو آپ کو کچھ مزید ڈاکومنٹس لازمی چیک کرنا ہوں گے۔ ان میں بل آف لَیڈنگ، wharfage رسید، گُڈز ڈِکلیئریشن (GD)، پاسپورٹ کی کاپی اور ایکسپورٹ سرٹیفکیٹ (Thukan یا لاگ بُک)۔ اگر کار رجسٹرڈ نہیں ہے تو پاسپورٹ کاپی لازماً valid ہونی چاہیے۔ 

اَن رجسٹرڈ کارز کے ڈاکیومنٹس 

مقامی طور پر بنائی جانے والی کاروں (CKD یونٹس) کی صورت میں آپ کو پرچَیز انوائس (تین پیپرز) اور اس شخص کے CNIC کی کاپی کی ضرورت ہوگی جس کے نام پر انوائس بنی تھی۔ امپورٹ گاڑی کی صورت میں آپ کو بل آف لَیڈنگ (BL)، wharfage رسید، گڈز ڈکلیئریشن (GD)، پاسپورٹ کاپی اور ایکسپورٹ سرٹیفکیٹ کی ضرورت ہوگی۔ 

CNIC اور پاسپورٹ

یہاں آپ کو جن چیزوں کو چیک کرنے کی ضرورت ہے وہ CNIC اور expiry تاریخ ہیں۔ CNIC پر موجودہ مالک کا نام لازماً رجسٹریشن بک ميں موجود نام جیسا ہونا چاہیے۔ پاسپورٹ ہو تو ایک مرتبہ پھر نام چیک کریں اور یہ نام لازماً گڈز ڈکلیئریشن (GD) اور بل آف لیڈنگ (BL) پر موجود نام ہی ہو۔ 

GD، BL اور ایکسپورٹ سرٹیفکیٹ 

گڈز ڈکلیئریشن (GD) کے کیس میں تین چیزیں چیک کریں۔ پہلے امپورٹڈ کار کا origin یعنی یہ کار کہاں سے آئی ہے۔ پھر consignee کا نام چیک کریں، جو لازماً پاسپورٹ پر موجود نام ہی ہو۔ تیسرا چیسی نمبر چیک کریں، اور یہ BL اور ایکسپورٹ سرٹیفکیٹ پر موجود نمبر ہی ہونا چاہیے۔ یہاں رجسٹریشن نمبر بھی نوٹ کریں کہ جس پر یہ گاڑی دوسرے ملک میں چل رہی تھی۔ 

BL میں consignee کا نام اور چیسی نمبر چیک کریں۔ ہر ڈاکیومنٹ پر بھی چیسی نمبر چیک کریں۔ ایکسپورٹ سرٹیفکیٹ میں چیسی نمبر دیکھیں اور اسے GD اور BL پر موجود نمبر سے میچ کریں۔ 

نمبر پلیٹ اور پرچَیز انوائس 

کار کی نمبر پلیٹس لازماً اوریجنل ہونی چاہئیں۔ کبھی کبھی لوگ اپنی کاروں پر فینسی نمبر پلیٹیں لگا دیتے ہیں۔ اگر ایسا ہو تو اوریجنل نمبر پلیٹس ضرور مانگیں۔ یہ بھی یقینی بنائیں کہ نمبر پلیٹ پر موجود رجسٹریشن نمبر ہی رجسٹریش بُک میں موجود ہو۔ پرچیز انوائس کی صورت میں یقینی بنائیں کہ اس ڈاکیومنٹ پر موجود نام ہی CNIC پر لکھا ہو۔ پرچیز انوائس کے ساتھ ساتھ سیلز سرٹیفکیٹ سے بھی اس معلومات کو یقینی بنا سکتے ہیں۔ 

رجسٹریشن کارڈ/بُک 

سب سے پہلے تو یہ چیک کریں کہ رجسٹریشن بُک/کارڈ اوریجنل ہے یا ڈُپلی کیٹ۔ پھر چیک کریں کہ یہاں لکھا نام اور شناختی کارڈ پر موجود نام ایک ہی ہے۔ یہ بھی دیکھیں کہ چیسی نمبر GD، BL، ایکسپورٹ سرٹیفکیٹ اور انوائس سب میں موجود نمبروں سے میچ کر رہا ہے۔ آخر میں دیکھیں کہ اب تک کا ٹوکن ادا کیا گیا ہے اور کوئی ٹوکن باقی نہیں ہے۔ 

گزشتہ ٹرانسفر لیٹر اور رسیدیں

اگر کار موجودہ مالک سے پہلے کسی دوسرے شخص کے نام پر بھی رہی تھی تو آپ کو پچھلے ٹرانسفر لیٹر اور رسیدیں چیک کرنے کی بھی ضرورت ہے۔ ٹرانسفر رسیدیں بتاتی ہیں کہ آپ کی کار موجودہ مالک کو قانونی طریقے سے منتقل ہوئی تھی۔ پہلے مالک کے CNIC کی کاپی بھی لازماً ہونی چاہیے، لیکن اس کا valid ہونا ضروری نہیں۔ ساتھ یہ بھی یقینی بنائیں کہ ٹرانسفر لیٹر بھرا گیا ہے اور وہ اوپن نہیں ہے۔ اوپن ٹرانسفر لیٹر پر موجود کار نہ خریدیں۔ آپ کو NOC چیک کرنے کی بھی ضرورت ہے اگر کار بینک سے لیز کروائی گئی ہو۔ لیکن پچھلے کیسز کی طرح یہاں بھی موجودہ مالک اور کار کا چیسی نمبر ضرور چیک کریں۔

Read about 10 points to consider before buying a new car.

مزید ایسی ہی معلوماتی خبروں کے لیے آتے رہیں اور اپنی رائے نیچے کمنٹس میں پیش کریں۔