پاکستان سٹیٹ آئل نے الیکٹرک گاڑیوں کے مالکان کیلئے بہترین اقدامات اٹھانے کا سلسلہ شروع کر دیا ہے۔ پی ایس او نے بھیرہ سروس ایریا، اسلام آباد-لاہور موٹروے (ایم 2) پر الیکٹرک گاڑیاں چارج کرنے کے لیے چارجنگ سٹیشن قائم کیا ہے۔
تفصیلات کے مطابق چارجنگ سٹیشن شمالی اور جنوبی دونوں راستوں پر مسافروں کو سہولت فراہم کرے گا۔ دیگر سہولیات کے ساتھ کے علاوہ، چارجنگ سٹیشن پر فاسٹ چارجنگ جیسا فیچر بھی موجود ہے۔
الیکٹرک گاڑیوں کے مالکان کے لیے چارجنگ کے عمل کو آسان بنانے کیلئے آئل کمپنی پاس EV چارجنگ نیٹ ورک کو توسیع دینے کا منصوبہ رکھتی ہے۔
گزشتہ سال ٹیسلا انڈسٹریز نے لاہور-اسلام آباد موٹروے سے ملحقہ بھیرہ اور پنڈی بھٹیاں کے مقام پر دو الیکٹرک چارجنگ سٹیشنز نصب کیے۔ یہ دونوں پرجیکٹس ٹیسلا انڈسٹریز کیجانب سے مکمل کیے گئے تھے۔ “چن EV سٹیشن” ٹیسلا انڈسٹریز پاکستان کا ایک نجی منصوبہ ہے جس کا نام ندیم افضل چن کے نام پر کھا گیا ہے۔ خیال رہے کہ ندیم افضل چن سابق وزیر اعظم پاکستان کے ترجمان رہ چکے ہیں۔ ندیم افضل چن نے افتتاحی تقریب میں بطور مہمان خصوصی شرکت کی۔
چن EV سٹیشن کے بارے میں چند اہم معلومات یہ ہیں:
- یہ اسٹیشن بھیرہ ساؤتھ سروس اسٹیشن کے ایگزٹ پر واقع ہے۔
- یہاں 4 high-end ultra-fast EV چارجنگ پوسٹس دی گئی ہیں جن میں سے تین یورپین EVs جبکہ ایک جاپانی الیکٹرک گاڑی کے لیے مختص کی گئی ہے۔
- تمام چارجرز میڈ اِن پاکستان ہیں۔
- یہاں ایک وقت میں چار الیکٹرک گاڑیاں چارج کی جا سکتی ہیں۔
- 30 منٹس میں گاڑی کو 100 فیصد چارج کیا جا سکتا ہے۔
اس سے قبل بہت سے شہریوں کو شکوہ تھا کہ موٹروے پر الیکٹرک گاڑیوں کو چارج کرنے کی سہولت میسر نہیں ہے لیکن اب چن چارجنگ سٹیشن کے افتتاح کے بعد یہ مسئلہ بھی ختم ہو چکا ہے۔
