پاک سوزوکی جو کہ پاکستان کی آٹوموٹیو انڈسٹری کا ایک نمایاں نام ہے، نے اپنی دو مقبول موٹرسائیکل ماڈلز کی قیمتوں میں اضافہ کر دیا ہے۔ کمپنی نے سوزوکیGS150 اور GD110S کی قیمتوں میں 7000 روپے کا اضافہ ہوا ہے جس کے بعد ان دونوں بائکس کی نئی قیمتیں بالترتیب 359000 روپے اور 389000 روپے ہو گئی ہیں۔
خیال رہے کہ نئی قیمتیں 15 اکتوبر 2024 سے نافذ العمل ہو چکی ہیں۔
نئی قیمتوں کی تفصیلات درج ذیل ہیں:
سوزوکی GD110S: 359000 (پرانی قیمت: 352000)
سوزوکی GS150: 389000 (پرانی قیمت: 382000)
یہ قیمتیں ایکس فیکٹری اور فریٹ چارجز سمیت ہیں۔ یاد رہے کہ قیمتوں میں اتار چڑھاؤ ممکن ہے، اور ڈلیوری کے وقت لاگو ہونے والی قیمت کا اطلاق ہوگا۔ اس کے علاوہ، خریدار کو کوئی بھی قابل اطلاق حکومتی ٹیکسز بھی ادا کرنے ہوں گے۔
جیسا کہ توقع کی جا رہی تھی، کمپنی نے اس قیمت میں اضافے کی وجہ ظاہر نہیں کی ہے۔ GD110S اور GS150 ماڈلز کی قیمتوں میں اضافہ ممکنہ طور پر پیداواری لاگت میں اضافے، طلب میں اضافہ، اور حکومتی قوانین میں تبدیلیوں کی وجہ سے کیا گیا ہے۔ یہ تبدیلی موٹر سائیکلوں کی افورڈیبلیٹی پر اثر انداز ہو سکتی ہے۔
GS-150 کے لیے انسٹالمنٹ پلان
اگست 2024 میں، پاک سوزوکی موٹر کمپنی (PSMC) نے اپنے ایک ماڈل GS-150 کیلئے 0% مارک اپ کی پیشکش کی تھی۔ کمپنی کی سوشل میڈیا پوسٹ کے مطابق، آپ اپنی ڈریم بائک سوزوکی GS-150 اب آسان ماہانہ اقساط پر بھی خرید سکتے ہے۔ اس پیشکش کے ساتھ ملنے والے اہم فوائد میں 0% مارک اپ اور 25% ڈاؤن پیمنٹ شامل ہیں۔ مزید برآں، 24 ماہ کی قسطوں کا پلان بھی ایک اضافی سہولت ہے۔
اس سے قبل، اپنی سوشل میڈیا پوسٹ میں، پاک سوزوکی موٹر کمپنی نے اپنی گاڑیوں کے لیے بھی ایک ایسی ہی انسٹالمنٹ آفر پیش کی تھی، جس میں 425000 روپے تک کی زبردست بچت کے ساتھ 17.7 فیصد کا فلیٹ فکسڈ ریٹ شامل تھا۔ اس کے علاوہ اس آفر میں فوری ڈلیوری بھی شامل تھی۔
آپ Suzuki GS150 اور DG110S کی حالیہ قیمتوں کے بارے میں کیا سوچتے ہیں؟ کیا آپ اس پیشکش سے فائدہ اٹھانے کا ارادہ رکھتے ہیں؟ ہمیں کمنٹس سیکشن میں اپنی رائے سے آگاہ کریں۔
