قدیم بائکس کی اپنی ایک شان ہوتی ہے جو کہ ہر عام آدمی نہیں سممجھ سکتا ہے۔ آج ہم آپ کیلئے ایک ایسی ہی ایک بائک ہنڈا سی ڈی 200 کا ریوئیو لے کر آئے ہیں اور یقین کریں کہ ہم اس کی ریسٹوریشن کے معیار سے دنگ رہ گئے تھے۔ یہ بہت کم ہوتا ہے کہ دو دہائیوں سے زیادہ پرانی موٹر سائیکل کو اس طرح سے ریسٹور کیا جائے۔ آئیے آپ کو اس میں کی گئی تبدیلیوں کے بارے میں مزید تفصیل سے بتاتے ہیں۔
ہنڈا سی ڈی 200
سی ڈی 175 اور سی ڈی 185 جیسی کامیاب پروڈکٹ چلانے کے بعد ہنڈا نے 1980 میں سی ڈی 200 لانچ کی۔ یہاں ہنڈا کا بڑا مقصد یورپی اور شمالی امریکہ کی مارکیٹ تک رسائی حاصل کرنا تھا۔ جس کے لیے اسے ایک کروزر بائیک چاہیے تھی جو شہر اور ہائی ویز کے اندر بہترین سفر کا تجربہ دے سکے۔
چونکہ سی ڈی 175 اور 185 سپورٹس بائکس تھیں اور ان میں وائبریشن کے بھی مسائل تھے لیکن ان کی پِک اور ٹاپ سپیڈ بہت اچھی تھی۔ بعد ازاں سی ڈی 200 کارکردگی میں ایک برتری کے ساتھ سامنے آئی کیونکہ اس میں تیز رفتاری کے ساتھ ایک شاندار روڈ ہینڈلنگ بھی تھی۔
موڈیفکیشن
سی ڈی ایک کم اونچائی والی موٹرسائیکل ہے جس میں بہترین سٹیبلٹی بھی دیکھی گئی ہے۔ جہاں تک انجن پاور کے اعداد و شمار کا تعلق ہے یہ 16 ہارس پاور فراہم کر سکتا ہے اور ٹاپ سپیڈ 121 کلومیٹر فی گھنٹہ ہے جبکہ کروزنگ سپیڈ 90 – 97 کلومیٹر فی گھنٹی ہے۔
اس بائک میں موڈیفائیڈ فُٹ ریسٹ، کوائل اوورز، ایگزاسٹڈ کروم اور انجن کی تبدیل شدہ سیلز جیسی تبدیلیاں دیکھنے کو ملتی ہیں۔
سی ڈی 200 کی قیمت
اسے ایک سال قبل 375000 روپے میں خریدا گیا تھا اور ریسٹوریشن کے بعد اس پر 7 لاکھ لاگت آئی۔ اونر کو اب تک 7 لاکھ روپے کی آفر آ چکی ہے جس پر وہ ابھی اسے فروخت کرنے پر تیار نہیں ہے۔
