سوزوکی سوئفٹ مداحوں کیلئے ایک اچھی خبر یہ ہے کہ سوزوکی نئی جنریشن 2023 موسم خزاں میں آئندہ ماہ لانچ کر دی جائے گی۔ جس کے باعث مارکیٹ میں کافی جوش و خروش دیکھنے کو مل رہا ہے۔
سوئفٹ اپنی کارکردگی، فیول ایوریج اور سپوڑی لُک کی وجہ سے خریداروں میں مسلسل پسندیدہ کار رہی ہے۔ سوئفٹ کی آنے والی نئی جنریشن گاڑی کی مشہوری میں مزید اضافہ کرے گی۔
ایکسٹیرئیر
نئی سوزوکی سوئفٹ جو کہ ایک کوور میں لپٹی ہوئی دکھائی دی۔ جس کی کریکٹر لائنز سے اس کے سٹائل اور ڈیزائن کے فرنٹ اور رئیر لائٹ کے بارے میں بہترطور پر اندازہ لگایا جا سکتا ہے جبکہ رئیر ڈور ہینڈلز روایتی طور پر پرانے ڈیزائن کے ہیں۔
انٹیرئیر
2024 سوزوکی سوئفٹ کے جدید انٹیرئیر کی بات کی جائے تو اس بارے بہت سے امیدیں وابستہ ہیں جن میں ایک بڑی ٹچ سکرین انفوٹینمنٹ سسٹم، جو متعدد کنیکٹیویٹی آپشنز اور کنیکٹڈ کار ٹیکنالوجی بھی شامل ہے۔ گاڑی میں ٹیکنالوجی کے شوقین افراد آل ڈیجیٹل انسٹرومنٹ کلسٹر کے دئیے جانے پر خوش نظر آئیں گے۔ دیگر ممکنہ اضافے میں ایک وائرلیس فون چارجر، 360 ڈگری کیمرہ سسٹم، ہیڈ اپ ڈسپلے، ایمبیئنٹ لائٹنگ، اور چھ ایئر بیگز کے ساتھ ایک بہتر سیفٹی پیکج بھی شامل ہو سکتا ہے۔
نیا سوزوکی سوئفٹ 2023 ایڈوانسڈ پلیٹ فارم
نئی سوئفٹ سوزوکی کے ہارٹیکٹ پلیٹ فارم کے بہتر ورژن پر بنائی گئی ہے۔ یہ جدید پلیٹ فارم ہلکے وزن کے ڈھانچے کو برقرار رکھتے ہوئے ڈرائیونگ کے تجربے میں بہتر بناتا ہے۔ شائقین ممکنہ طور پر اسی سپورٹی ہینڈلنگ کی توقع کر سکتے ہیں۔
انجن پاور
موجودہ جنریشن کی سوزوکی سوئفٹ میں 1200 سی سی نیچرلی ایسپائریٹڈ اِن لائن-4 پیٹرول انجن دیا گیا ہے جو 88.5 ہارس پاور اور 113 نیوٹن میٹر کی پیک ٹارک پیدا کرتا ہے۔ نئی سوئفٹ میں یہی انجن جاری رکھی جانے کی امید ہے۔ ٹرانسمیشن آپشن 5 سپیڈ مینوئل اور 5 سپیڈ AMTمیں کوئی تبدیلی نہیں ہوگی۔ تاہم، افواہیں ہیں کہ ایک نئی الیکٹریفائیڈ پاور ٹرین آپشن شامل کرنے کا امکان ہے۔ اگرچہ اس سے متعلق تفصیلات بہت کم ہیں لیکن یہ سب بہتر کارکردگی اور فیول ایوریج کی طرف اشارہ کرتا ہے۔
خیال رہے کہ یہ گاڑی جاپان میں آئندہ ماہ اکتوبر میں لانچ کی جائے گی۔
