پنجاب میں ڈرائیونگ لائسنس حاصل کرنے سے متعلق تمام تر معلومات

لاہور میں ایک نوعمر ڈرائیور کی جانب سے خوفناک حادثے میں چھ افراد کی موت کے بعد پنجاب میں خاص طور پر کم عمر ڈرائیورز اور ڈرائیونگ لائسنس سے متعلق کریک ڈاؤن کا آغاز کیا گیا۔ اس دوران ہم نے 9 جنوری تک لائسنس فیس میں اضافے سے لے کر ڈرائیونگ لائسنس فیس میں نرمی اور بغیر لائسنس والے موٹرسائیکل ڈرائیوروں کے لیے جرمانے یا ایف آئی آر تک تمام رپورٹس سے آپ کو آگاہ کیا۔

ڈرائیونگ لائسنس سے متعلق تمام تازہ ترین پیشرفت سے متعلق آپ کو باخبر رکھنے کیلئےتمام اپ ڈیٹس کو ایک ہی بلاگ میں یکجا کر دیا ہے۔

ایف آئی آر ہوگی یا نہیں؟

بغیر لائسنس ڈرائیوروں کے خلاف کریک ڈاؤن کے بعد پولیس نے ایف آئی آر درج کرنا شروع کردی لیکن اس کے فوراً بعد، چیف ٹریفک آفیسر (سی ٹی او) مستنصر فیروز نے اعلان کیا کہ ایسے شہریوں کے خلاف مقدمہ درج نہیں کیا جائے گا جن کے پاس لرنر، ایکسپائر یا دوسرے ممالک کے ڈرائیونگ لائسنس موجود ہیں۔ مطلب، اگر آپ کے پاس مذکورہ بالا قسم کے اجازت نامے ہیں تو آپ کو ایف آئی آر کے بجائے صرف جرمانے کا سامنا کرنا پڑ سکتا ہے۔

دریں اثناء پنجاب کے نگران وزیراعلیٰ نقوی نے لائسنس ٹوکن رکھنے والے افراد کو جرمانے سے تین دن کی چھوٹ دینے کا اعلان کیا۔

ایک دن میں 74,000 لائسنسز کا اجرا

ڈرائیونگ لائسنس سے متعلق کریک ڈاؤن کے بعد ہزاروں کی تعداد میں درخواستیں موصول ہونے پر پولیس نے ایک ہی دن میں 74000 ڈرائیونگ لائسنسوں کا اجراء کیا۔ اس دوران لاہور میں حیران کن طور پر 24000 لائسنس جاری کیے گئے۔

تھانوں میں لائسنسوں کی دستیابی

لرنرز لائسنس کے حصول کے عمل کو سادہ اور آسان بنانے کیلئے لاہور ٹریفک پولیس نے ایک تبدیلی کی جس کا اطلاق 6 دسمبر 2023 سے ہوا۔ لرنرز لائسنس اب لاہور بھر کے پولیس سٹیشنوں کے فرنٹ ڈیسک پر آسانی سے دستیاب ہیں۔

لائسنس کی فیس میں 1566 فیصد اضافہ

ایک حیران کن اقدام کے طور پر صوبائی حکومت نے کاروں اور موٹرسائیکلوں دونوں کے لیے ڈرائیونگ لائسنس کی فیس میں خاطر خواہ اضافے کی منظوری دی۔ جس کے بعد لائسنس فیس 60 سے بڑھا کر 1000 روپے کرنے کا فیصلہ کیا گیا۔

اس متنازعہ فیصلے نے سوشل میڈیا پلیٹ فارمز پر تنقید کا ایک طوفان برپا کر دیا۔ اس دوران بہت سے شہریوں عدم اطمینان کا اظہار بھی کیا۔

ڈرائیونگ لائسنس فیس میں ریلیف

اس دوران ٹریفک پولیس نے واضح کیا کہ شہریوں کے پاس 31 دسمبر تک کا وقت ہے کہ وہ موجودہ نرخ پر اپنے لائسنس حاصل کریں۔ یعنی کہ عوام کو پابند کیا گیا کہ وہ یکم جنوری 2024 تک لائسنس بنوا لیں ورنہ اس ڈیڈلائن کے بعد انھیں اضافی فیس ادا کرنا ہوگی۔

بعد ازاں پنجاب کے نگران وزیراعلیٰ محسن نقوی نے ڈرائیونگ لائسنس کی فیس میں مجوزہ اضافے کے نفاذ کو 9 جنوری تک موخر کر کے ایک اہم ریلیف دیا۔

ڈرائیونگ لائسنس کی سالانہ فیس میں اضافہ

پنجاب حکومت نے یکم جنوری 2024 سے لرنر، ری نیو اور نئے ڈرائیونگ لائسنس کی سالانہ فیس میں اضافہ کر دیا ہے۔

اس کے علاوہ اب لاہور سٹی ٹریفک پولیس کے ٹوئٹر ہینڈل کے مطابق فیس پانچ سال پہلے کی بجائے سالانہ بنیادوں پر وصول کی جائے گی۔

ڈرائیونگ لائسنس آن لائن ری نیو کروائیں

لاہور سٹی ٹریفک پولیس کی ایک ٹویٹ کے مطابق لوگ آن لائن سسٹم کے ذریعے اپنا لائسنس ری نیو  کروا سکتے ہیں۔

اس کے علاوہ امیدوار اپنے لائسنس کی تجدید ایک، تین، پانچ اور دس سال کے لیے کر سکتے ہیں۔ دریں اثنا، انٹرنیشنل ڈرائیونگ لائسنس تین سال تک کارآمد رہے گا۔

صوبائی حکومت کے اس اقدام کے بارے میں آپ کا کیا خیال ہے؟ کمنٹس سیکشن میں ہمیں بتائیں۔