پاک ویلز آٹوموبائل انڈسٹری سروے رپورٹ 2018ء نے پایا ہے کہ اٹلس ہونڈا پاکستان میں پسندیدہ ترین مقامی موٹر سائیکل برانڈ ہے۔ اس کے بعد یاماہا اور سوزوکی کے نام ہیں۔
اٹلس ہونڈا ایک مرتبہ پھر سال بھر فروخت کے لحاظ سے غالب رہا۔ یہ ملک میں مقبول تر ہوتا جا رہا ہے۔ البتہ یاماہا اور سوزوکی پاکستان کی موٹر سائیکل آٹوموٹو مارکیٹ میں مقابلے کو سخت کرتے ہوئے پسندیدہ ترین موٹر سائیکلوں کے طور پر ابھر رہے ہیں۔ عوام کے پاس منتخب کرنے کے زیادہ مواقع ہیں اور ہمیں امید ہے کہ مقامی طور پر موٹر سائیکلیں بنانے والے مزید برانڈز سامنے آئیں گے۔
ہونڈا کے موٹر سائیکل شعبے میں پہلے نمبر پر آنے کی متعدد وجوہات ہیں، جن میں خرچ کی گئی رقم کا بہترین نعم البدل ہونا، پسندیدہ ترین برانڈ اور معیاری ہونا شامل ہیں۔ ہونڈا کے بعد پسندیدہ برانڈ کے طور پر دوسرا نام یاماہا کا ہے جو رقم کا بہترین نعم البدل ہے۔ سوزوکی معیارات کو حوالے سے دوسرے نمبر پر آیا۔
یہ پایا گیا کہ ہونڈا پاکستان کی موٹر سائیکل مارکیٹ میں 58 فیصد کے بہت بڑے مارکیٹ شیئر کے ساتھ سب سے آگے ہے۔ یاماہا، سوزوکی اور روڈ پرنس بالترتیب صرف 7 فیصد، 6 فیصد اور 3 فیصد کا حصہ رکھتے ہیں۔
سروے کے مطابق ہونڈا CD-70 اور CG-125 مارکیٹ پر 31 فیصد کے ساتھ غالب ہیں۔
پاک ویلز سروے نتائج نے ظاہر کیا کہ موٹر سائیکل خریدتے ہوئے عوام سب سے زیادہ کارکردگی کو ترجیح دیتے ہیں۔ لوگ نئی موٹر سائیکل خریدتے ہوئے ایندھن بچت اور سیفٹی فیچرز کو بھی اہمیت دیتے ہیں۔
مختلف کیٹیگریز میں عوام پسند کے اعتبار سے چند بہترین موٹر سائیکلیں یہ ہیں:
کارکردگی: سوزوکی GS-150
سیفٹی: یاماہا YBR 125G
کمفرٹ: یاماہا YBR 125G
خرچ کا بہترین نعم البدل: ہونڈا CD-70
ایندھن بچت: ہونڈا پرائیڈر
فیچرز اور ایکسیسریز: یاماہا YBR 125
ڈیزائن: یاماہا YBR 125G
ملکیت کی لاگت: ہونڈا CD-70
ری سیل: ہونڈا CD-70
ماحول دوستی: یاماہا YBR 125G
مکمل پاک ویلز آٹوموبائل انڈسٹری سروے رپورٹ 2018ء یہاں دیکھیں۔
مارچ 2019ء PAMA رپورٹ میں ہم نے دیکھا کہ موجودہ مالی سال کے ابتدائی نو مہینوں میں موٹر سائیکلوں کی فروخت میں 6 فیصد کمی آئی ہے۔ ہونڈا موٹر سائیکلیں گزشتہ مالی سال کے ابتدائی 9 مہینوں میں 8,38,395 یونٹس کے مقابلے میں اس مرتبہ ہونڈا موٹر سائیکلوں کی فروخت گھٹتے ہوئے 8,23,918 یونٹس تک پہنچ گئی۔ مارچ 2019ء میں فروری 2019ء کے مقابلے میں اٹلس ہونڈا موٹر سائیکل کی فروخت میں 5 فیصد کمی آئی اور مارچ 2018ء کے مقابلے میں یہ 17 فیصد کمی ہے۔
یاماہا اور سوزوکی کی فروخت مالی سال 2018ء میں 15,083 اور 15,971 سے بڑھ کر گزشتہ نو ماہ میں بالترتیب 18,193 اور 17,873 تک پہنچی۔
آٹوموٹِو انڈسٹری سے متعلقہ تمام خبروں کے لیے پاک ویلز کے ساتھ رہیے۔ تبصروں کے بارے میں اپنی رائے ہمیں ضرور بتائیں۔ دریں اثناء، آپ ہمارے موٹر سائیکل پارٹس اسٹور کا بھی وزٹ کر سکتے ہیں۔
