جاپانی درآمدات، بالخصوص 800cc سے کم کی انجن گنجائش میں ملک میں بہت ہی مقبول ہو چکی ہیں۔ مناسب قیمت، بہترین ایندھن بچت، اور گاڑی کے اندر مکمل فیچرز انہیں ایک بہتر انتخاب بناتی ہیں چاہے ان کا تقابل مقامی طور پر نئے اسمبلڈ ماڈلز سے کیا جائے تب بھی۔ ذیل میں پیسے کی قدر، سفر کے معیار، حفاظت اور موجود فیچرز کی بنیاد پر ایسی ٹاپ 5 جاپانی گاڑیوں کی فہرست پیش کی جا رہی ہے 660cc زمرے میں 14 لاکھ روپے سے کم کی ہیں (بمطابق اگست 2018ء)۔
سوزوکی ویگن آر / اسٹنگ رے – جاپان اسمبلڈ (2014-2016)
گو کہ مقامی طور پر اسمبل شدہ ویگن آر کے ویریئنٹس بالکل کم خصوصیات کے حامل ہیں بلکہ VX میں تو پاور اسٹیئرنگ تک نہیں، لیکن جاپانی اسمبل شدہ ورژن پیسے کی کہیں زیادہ قدر پیش کرتے ہیں۔ اپنے زمرے کی دیگر گاڑیوں کی طرح آٹومیٹک ٹرانسمیشن، نیویگیشن سسٹم اور SRS ایئر بیگز متوقع ہیں۔ پھر کو ملنے والی گاڑی میں فیچرز کی تعداد پر بھی منحصر ہے کہ آپ کی گاڑی میں پش اسٹارٹ انجن، کلائمٹ کنٹرول، پارکنگ سینسرز، لینڈر ڈپارچر وارننگز اور ایک کولیژن وارننگ ریڈار بھی ہو سکتا ہے۔ سوزوکی ویگن آر (جاپان اسمبلڈ) کو جو چیز سب سے جدا کرتی ہے وہ یہ کہ اس میں مقامی طور پر اسمبل شدہ ورژن کے بیشتر پرزے بھی لگ سکتے ہیں۔ مرمت کے لیے تربیت یافتہ ٹیکنیشن، یہاں تک کہ ملحقہ علاقوں میں بھی، یا چھوٹے شہروں میں بھی ایک ہلکا چیلنج ہوگا۔
آپ کی ضروریات اور بجٹ پر منحصر رہتے ہوئے 2017ء ویگن آر مائلڈ ہائبرڈ میں سرمایہ کاری کرنا زیادہ معقول ہے جس کا معائنہ پاک ویلز نے حال ہی میں کیا ہے۔
11 سے 14 لاکھ روپے
ڈائہاٹسو میرا/ٹویوٹا پکسس – ایکو-آئیڈل مائلڈ ہائبرڈ (2014-2016)
ڈائہاٹسو اور ٹویوٹا دونوں کی جانب سے بطور میرا یا پکسس پیش کیا جانے والا یہ ماڈل ملک کے کسی بھی بڑے شہر کی سڑکوں پر عام ہے۔ اس کی مناسب قیمت، اسٹاپ-اسٹارٹ انجن اور وسیع انٹیریئر سب اہم خوبیاں ہیں۔ ایکو-آئیڈل فیچر جو انجن کی غیر استعمال شدہ طاقت کو بجلی کی توانائی میں محفوظ کرتا ہے اس زمرے کے دیگر ماڈلز کے مقابلے میں بہتر ایندھن بچت دیتا ہے اور شہر کے اندر ڈرائیونگ کے لیے زبردست ہے۔
12 سے 14 لاکھ روپے
ڈائہاٹسو موو (2014-2016)
ڈائہاٹسو موو 800cc سے کم انجن کی کیٹیگری میں ایک اور بہترین پسند ہے جو اپنے مختصر حجم کی وجہ سے مارکیٹ میں مشہور ہے کیونکہ یہ آرام اور گنجائش کے ساتھ ساتھ چھوٹی موٹی گلیوں میں بھی چلنے، چھوٹے موڑ کاٹنے اور آسانی سے پارک ہونے کی صلاحیت رکھتی ہے۔
12 سے 14 لاکھ روپے
نسان ڈیز – ہائی وے اسٹار/مٹسوبشی EK (2014-2016)
نسان ڈیز (مٹسوبشی کی جانب سے EK کے نام سے فروخت کی جانے والی گاڑی) زبردست سہولیات رکھنے والی چھوٹی گاڑی ہے۔ اس زمرے کی گاڑیوں میں جو روایتی فیچرز ہوتے ہیں ان کے علاوہ اس میں 360 ڈگری کی مانیٹرنگ/پارکنگ کیمرے بھی ہوتے ہیں جو گاڑی کی تمام سمتوں کے مناظر دیتے ہیں۔ یہ بہت مددگار ثابت ہو سکتے ہیں بالخصوص چھوٹی سڑکوں اور مصروف ٹریفک میں۔
12 سے 14 لاکھ روپے
ہونڈا N ون (2014-2016)
اس گاڑی کو دوسروں سے جو چیز مختلف بناتی ہے وہ اس کی دلچسپی اور اسپورٹی سٹی کار ہونے کی دلفریبی ہے۔ اس کا سامنےن والا حصہ آپ کو منی کوپر کی یاد دلاتا ہے جبکہ پیچھے سے یہ مشہور زمانہ فیئٹ 500 سے ملتی جلتی ہے۔ گو کہ یہ فہرست میں موجود دیگر گاڑیوں جتنی کشادہ نہیں ہے، لیکن اس کے انٹیریئرز پینلز میں معیاری فنشنگ، فیبرک اور ٹیکسچر ضرور ملتا ہے جو چھونے میں بہت عمدہ لگتا ہے۔ ہونڈا N ون روزمرہ کی گاڑی ہے جو آپ کورش کے اوقات میں مصروف سڑکوں پر سفر کے دوران لطف دے گی۔
11 سے 14 لاکھ روپے
اگر آپ استعمال شدہ 660cc کی گاڑیاں فروخت کرنا چاہتے ہیں تو اس لنک پر کلک کریں۔
