آٹو شوز کا انعقاد PakWheels.com کے منفرد ترین اقدامات میں سے ایک ہے، جن کا ہدف ہوتا ہے گاڑیوں کے دلدادہ افراد کو یکجا کرنے کے لیے ایک پلیٹ فارم فراہم کرنا۔
2011ء میں شروع ہونے والے یہ آٹو شوز ملک بھر میں آٹوموٹو کمیونٹی میں ایک رحجان بن چکے ہیں۔ ایگزوٹک گاڑیوں سے لے کر ٹیونرز تک، 4×4 سے لے کر کلاسکس تک، یہ کئی اقسام کی گاڑیوں کے ساتھ منعقد ہوتے ہیں۔ اس مرتبہ PakWheels.com سیالکوٹ میں اپنے آئندہ آٹوشو کے لیےپر تول رہا ہے۔
سیالکوٹ آٹو شو شہر میں ہونے والا دوسرا آٹو شو ہے، جو 14 اکتوبر 2018ء کو سٹی ہاؤسنگ، ڈسکہ روڈ نزد فوارہ چوک منعقد ہوگا۔ گزشتہ سال 2017ء میں PakWheels.com میں پہلی بار سیالکوٹ میں اپنا آٹو شو منعقد کیا تھا جہاں 30,000 افراد شرکت کے لیے آئے اوراسے بہت کامیاب بنایا۔
ماؤنٹین ڈیو، AGS، کریم اور پاک سوزوکی کے تعاون سے اس مرتبہ بھی یہ شو گاڑیوں کی چھ اہم کیٹیگریز میں پیش ہوگا جن میں شامل ہیں ونٹیج، ایگزوٹک، لگژری، موڈیفائیڈ، 4×4 اور بائیکس۔
توقعات کے مطابق آٹو شو میں ہزاروں مہمان آئیں گے جن میں سے چند اپنی گاڑیوں کو پیش کریں گے اور باقی اپنے گھر والوں اور دوستوں کے ساتھ ایک بھرپور دن کا لطف اٹھائیں گے۔ جی ہاں، آپ نے بالکل ٹھیک پڑھا ہے! یہ ایونٹ گاڑیوں، موٹر سائیکلوں، کھانے پینے اور موسیقی کے ملاپ کا حامل ہوگا۔
تو انتظار کس بات کا؟ اگر رجسٹر ہونا چاہتے ہیں تو فوراً اس لنک پر جائیں۔
