کراچی میں چند روز قبل اتوار کو کلاسک گاڑیوں کی نمائش کا انعقاد کیا گیا جس میں قائداعظم محمد علی جناح کی 1924 ماڈل کی رولز رائس روڈسٹر نمائش کیلئے پیش کی گئی۔ قائداعظم اور لارڈ ماؤنٹ بیٹن نے اسے گورنر جنرل کی حوالگی کی تقریبات میں شرکت کے لیے سندھ اسمبلی جانے کے لیے استعمال کیا تھا۔
اُس وقت گاڑی کے اصل مالک نواب آف بہاولپور تھے۔ کئی سالوں بعد موجودہ مالک نے 2004 میں نواب آف بہاولپور کلیکشن سے مشہور رولز روائس روڈسٹر خریدا۔ یہ گاڑی نے اب تک صرف 9000 کلومیٹر چلی ہے۔ گاڑی کے انٹیرئیر اور پینٹ کے علاوہ اس میں کوئی خاص تبدیلی نہیں کی گئی۔
یہ کار نے ورلڈ کلاسک کار مقابلے میں حصہ لے کر انعام بھی جیت چکی ہے۔ گاڑی کے موجودہ مالک کریم چاپرا کا کہنا ہے کہ انہیں یہاں اور بیرون مُلک سے بہت ساری پیشکشیں موصول ہوئی ہیں لیکن وہ گاڑی کو پسند کرتے ہیں اور اسے بیچنا نہیں چاہتے۔ ان کا خیال ہے کہ یہ گاڑی پاکستان کا تاریخی ورثہ ہے اور اسے آئندہ نسلوں کے لیے محفوظ کیا جانا چاہیے۔
HCMP کی کلاسک گاڑیوں کی نمائش
ہیریٹیج کلب آف موٹرنگ پاکستان (HCMP) نے کراچی میٹروپولیٹن کارپوریشن (KMC) کے اشتراک سے فریئر ہال، کراچی میں ونٹیج کاروں کی نمائش کا اہتمام کیا۔ سالانہ نمائش میں تقریباً 100 نایاب اور قدیم کاروں کی نمائش کی گئی جس میں آسٹن مِنیز، ایم جی اے کنورٹیبلز، ووکس ویگنز، لینڈ روورز، مرسڈیز بینز، وِلیز جیپس، کیڈیلیکس اور یورپ اور شمالی امریکہ کی دیگر ونٹیج گاڑیاں شامل تھیں۔
کلب کے اراکین نے کہا کہ وہ پاکستان میں موٹرنگ اور آٹو سیکٹر کی تاریخ کو محفوظ رکھنے اور اسے نئی نسل تک پہنچانے کی کوشش کر رہے ہیں۔ نمائش کا مقصد نایاب کاروں کی تزئین و آرائش کے لیے لوگوں کی حوصلہ افزائی کرنا بھی ہے۔
ہیریٹیج کلب آف موٹرنگ پاکستان (HCMP) اور کراچی میٹروپولیٹن کارپوریشن (KMC) کی اس خصوصی نمائش کیلئے کوششیں قابل تعریف ہیں۔ ہمیں یہ دیکھ کر اچھا لگتا ہے کہ نئی نسل پرانی اور کلاسک کاروں کی خوبصورتی کی تعریف کرتی ہے۔
