چند روز قبل ہم نے آپ کو چنگان کی اپ ڈیٹ کی گئی کراس اوور ایس یو وی اوشان X7کے بارے میں بتایا تھا۔ کمپنی نے نہ صرف دونوں ویریںٹس یعنی کمفرٹ اور فیوچر سینس میں اپ گریڈ کی ہیں بلکہ سات سیٹر ویرینٹ فیوچر سینس کا بالکل نیا ویرینٹ بھی متعارف کرایا۔ اس سے پہلے یہ صرف 5 سیٹر تھی۔ فیس لفٹ کے ساتھ ساتھ کار کمپنی نے ان ویرینٹس کی ابتدائی اور ایکس فیکٹری قیمتیں بھی سامنے لائی ہیں جو ذیل میں دی گئی ہیں۔
دریں اثنا، ہمیں اپ گریڈ شدہ FutureSense (5-سیٹر) کی خصوصی تصاویر موصول ہوئی ہیں، جو گاڑی کے نئے ایکسٹیرئیر اور انٹیرئیر کو ظاہر کرتی ہیں۔
ان تصاویر میں آپ نیا ڈائنامک میش گرل ڈیزائن، 19 انچ کے نئے ہائپر بلیڈ الائے رِمز، سامنے اور سائیڈ پر برشڈ ایلومینیم کروم ایکسنٹ، آگے اور پیچھے کی طرف چنگان کا ایمبلم اور فرنٹ کیمرہ دیکھ سکتے ہیں۔
اور کار پلے سپورٹ، وائس کمانڈ فیچر، اپ ڈیٹ شدہ ایچ ایم آئی، پیسنجر اسسٹ گرِپ، 360 ڈگری کیمرہ، سافٹ ٹچ اسٹیئرنگ بٹن، پچھلی سیٹ بیلٹ اور کپ ہولڈرز، اگلی سیٹوں کے ٹچ ریڈنگ لیمپ اور ہیڈ کنسول وغیرہ شامل ہیں۔
بکنگ سے متعلق تفصیلات
اوشان X7 کے موجودہ ویرینٹس بکنگ کے لیے کھلے ہیں، تاہم، کمپنی ان اپ گریڈ شدہ کی بکنگ اور ڈیلیوری کی تفصیلات اگلے چند دنوں میں شیئر کرے گی۔
دریں اثنا، اس مخصوص ویرینٹ کی ابتدائی قیمت 8749000 روپے ہے جبکہ ایکس فیکٹری قیمت 8949000 روپے ہے۔ لہذا، اگر آپ اوشان X7کا اپ گریڈ شدہ ورژن خریدنے کا سوچ رہے ہی تو چنگان پاکستان کی ڈیلرشپ پر جائیں اور اس نئی پیشکش کے بارے میں سب کچھ جانیں۔
آپ نئی Oshan X7 FutureSense کے بارے میں کیا سوچتے ہیں؟ کمنٹس سیکشن میں ہمیں بتائیں۔
