مہنگی بائک سستی دیکھ بھال – لِفان KP 540 کا اونر ریوئیو
آج ہم لِفان KP 540 کا بائک ریوئیو کریں گے۔ بائک کے مالک اویس نے 2021 کا یہ ماڈل سیکنڈ ہینڈ بائک کے طور پر خریدا۔ جس کی تمام تر تفصیلات ذیل میں بیان کی گئی ہیں۔
ڈیزائن اور سٹائلنگ
یہ ایک 250 سی سی سٹریٹ بائک ہے۔ اونر کے مطابق ان کا اس بائک کو چلانے کا تجربہ بہترین رہا ہے اور یہی وجہ تھی کہ انھوں نے اسے خریدا۔ اونر کے مطابق بائک کی ٹیل بنیلی 302S اور 251S سے بھی زیادہ بہتر ہے۔
مائلیج
اویس نے اس موٹر سائیکل کو 2000 کلومیٹر تک چلایا ہے۔ اس کے تجربے کے مطابق یہ اوسطاً 40 کلومیٹر فی لیٹر کی فیول اکانومی فراہم کرتی ہے لیکن اگر آپ اسے جارحانہ انداز میں ڈرائیو کرتے ہیں تو مائلیج کم ہو کر 32 سے 35 کلومیٹر تک گر جاتی ہے۔
معیار
لِفان KP 540 کافی پائیدار بائک ہے لیکن بنیلی سے اگر اس کا موازنہ کیا جائے تو یہ تھوڑی کم نظر آتی ہے۔ مزید برآں، اویس نے یہ بھی دیکھا کہ سامنے والے مڈ گارڈ کا پینٹ وقت کے ساتھ خراب ہونے لگا ہے۔ یہ پینٹ کے کم معیار کا بھی عکاس ہے۔
سپئیر پارٹس کی دستیابی
اس بائک کی حیرت انگیز بات یہ ہے کہ اس کے آٹو پارٹس انتہائی معمولی قیمت پر آن لائن دستیاب ہیں۔ اونر نے پاک ویلز کو بتایا کہ اس نے اگلے اور پیچھے والے ڈسک پیڈ صرف 1835 روپے میں خریدے تھے۔
کمفرٹ
اونر کا کہنا ہے کہ یہ کوئی ایڈونچر بائیک نہیں ہے یہ ایک اسٹریٹ بائیک ہے اور اسے سٹریٹ بائک کے طور پر ہی چلایا جانا چاہیے کیونکہ ایسے میں اس کا تجربہ کافی آرام دہ ہے۔ اس کا مقابلہ دیگر حریف بائکس سے کیا جائے تو اس کی سیٹ کافی پرسکون ہے۔
قیمت
اویس نے یہ سیکنڈ بائک 6 لاکھ 47 ہزار روپے میں خریدی جبکہ نئی بائک کی قیمت 10 لاکھ، 75 ہزار روپے ہے۔
