آج ہم بات کریں گے آپ کی گاڑی کے انجن اور اس کے آئل کے بارے میں۔ ہو سکتا ہے آپ کو معلوم نہ ہو لیکن انجن آئل بھی گاڑی کے لیے اتنا ہی ضروری ہے جتنا کہ فیول۔ تو آئیے بات کرتے ہیں کہ اپنی گاڑی کے لیے درست انجن آئل کا انتخاب کیسے کریں؟
انجن آئل کا کام کیا ہے؟
انجن آئل بنیادی طور پر آپ کے انجن کا لیوبری کینٹ (lubricant) ہے۔ یہ گاڑی کے انجن کے حرکت کرتے ہوئے پرزوں کو لیوبری کیٹ کرتا ہے اور رگڑ کو کم کر دتا ہے۔ انجن آئل آپ کے انجن کی رگوں میں بہتے خون کی طرح ہے۔ یہ انجن کی باڈی میں گھومتا ہے اور ہر پرزے کو حرکت میں رکھتا ہے۔
انجن فیول کے جلنے سے چلتا ہے۔ جلنے کا یہ عمل اور مکینیکل پارٹس کے درمیان رگڑ انجن کے درجہ حرارت کو بڑھانے کا سبب بنتی ہے۔ آئل اس درجہ حرارت کو قابو میں رکھنے اور انجن کے پرزوں کو ٹھنڈا کرنے میں مدد دیتا ہے۔
آئل کا ایک اور دلچسپ کردار انجن کے مسائل کی تشخیص میں مدد کرنا ہے۔ بالکل اس طرح جیسے آپ اپنے جسم میں کسی مرض کے بارے میں جاننے کے لیے خون کا ٹیسٹ کرواتے ہیں، اسی طرح آپ انجن آئل ٹیسٹ کر کے جان سکتے ہیں کہ انجن کا کون سا حصہ مسئلہ کر رہا ہے۔
منرل بمقابلہ سنتھیٹک آئل:
منرل آئل زمین سے نکالے گئے تیل کا ریفائن کیا گیا ورژن ہوتا ہے، جبکہ سنتھیٹک آئل کیمیائی طور پر بنایا گیا تیل ہوتا ہے جسے لیبارٹریز میں تیار کیا جاتا ہے۔ منرل یا روایتی آئل زیادہ قدرتی اور نامیاتی (organic) ہوتا ہے؛ جبکہ سنتھیٹک آئل مکمل طور پر انسان کا اپنا بنایا گیا تیل ہوتا ہے۔
منرل آئل گاڑھا ہوتا ہے، زیادہ فیول جلاتا ہے اور زیادہ دھواں پیدا کرتا ہے۔ دوسری جانب سنتھیٹک آئل کیمیائی طور پر ان مسائل کو حل کرنے کے لحاظ سے تیار کیا جاتا ہے اور روایتی آئل سے کہیں زیادہ بہتر کارکردگی دیتا ہے۔
عام آئل چینج کے فائدے:
انجن کا آئل بروقت تبدیل کروانے سے آپ کئی مسائل سے بچ سکتے ہیں:
- تازہ اور صاف آئل انجن کو صحت مند رکھتا ہے اور اس کی زندگی بڑھاتا ہے۔
- اچھے معیار اور صاف آئل انجن کے تمام پرزوں کو محفوظ کرتا ہے اور اسے ہموار انداز میں چلاتا ہے۔
- یہ انجن کی ایندھن مؤثریت یعنی بچت کو بڑھاتا ہے۔
- صاف آئل ماحول کا بھی دوست ہوتا ہے۔
گریڈ نمبر آپ کو آئل کے بارے میں کیا بتاتا ہے؟
آپ نے 5W-40، 10W-30 اور اسی طرح کے آئل گریڈز لکھے دیکھے ہوں گے۔ تو ایک آئل گریڈ کا مطلب کیا ہے، اور یہ آپ کو آئل کے بارے میں کیا بتاتا ہے؟
پہلا نمبر، جس کے بعد W سے winter لکھا ہے، گاڑی اسٹارٹ کرنے پر کم درجہ حرارت میں تیل کی چپچپاہٹ کو ظاہر کرتا ہے۔ یہ نمبر جتنا کم ہوگا، تیل اتنا پتلا ہوگا اور تیل کی کولڈ اسٹارٹ پرفارمنس اتنی بہتر ہوگی۔
دوسرا نمبر گرم درجہ حرارت پر تیل کی چپچپاہٹ کو ظاہر کرتا ہے۔ یعنی جب انجن آپریٹنگ درجہ حرارت جتنا گرم ہوتا ہے اس پر تیل اتنا گاڑھا ہوگا۔
تیل کی چپچپاہٹ میں یہ تبدیلی ایک منٹ میں ہوتی ہے۔ 5W-30 گریڈ آئل میں تیل کی چپچپاہٹ 5 ہوگی جب آپ انجن اسٹارٹ کریں گے اور انجن گرم ہوتے ہی 30 تک پہنچ جائے گی۔
انجن آئل کب تبدیل کریں
ہمارے ماہرین کے مطابق کار کا آئل تبدیل کرنے کی مائلیج حد کم از کم 6,000 سے 7,000 کلومیٹرز اور زیادہ سے زیادہ 12,000 سے 13,000 کلومیٹرز ہے۔ لیکن اگر آپ اپنی گاڑی بہت زیادہ نہیں چلاتے، تو بہتر ہے کہ ہر تین سے چار مہینوں میں آئل تبدیل کروائیں۔ کیونکہ اندر موجود آئل پرانا اور آلودہ ہو جاتا ہے اور انجن کے پارٹس کو خراب کرنا شروع کر دیتا ہے۔ اس لیے آپ کو ہر 12 سے 13 ہزار میل یا پھر تین سے چار ماہ کے بعد آئل تبدیل کروانا چاہیے، جو بھی پہلے ہو جائے۔
اپنی گاڑی کے لیے بہترین آئل کی تلاش
ایک ہی برانڈ اور ایک ہی ماڈل کی دو گاڑیوں کو بہتر انداز میں کام کرنے کے لیے مختلف قسم کے آئل کی ضرورت پڑ سکتی ہے۔ اس کا انحصار انجن کی عمر اور کنڈیشن پر ہے۔ آپ کو اپنی گاڑی کے لیے بہتر گریڈ کے انجن آئل کی تلاش میں مدد کے لیے ہم نے شیل کی شراکت داری سے ایسا ٹول بنایا ہے جس کے ذریعے آپ اپنی گاڑی کا برانڈ اور ماڈل لکھ کر بہترین آئل کی تجویز پا سکتے ہیں۔
مزید جاننے کے لیے https://shell.pakwheels.com پر جائیں اور لیوبری کینٹ گائیڈ کا استعمال کریں۔ انجن آئل اور لیوبری کینٹس خریدنے کے لیے پاک ویلز آٹو اسٹور کا رخ کریں۔
