کار اور بائکس کی قیمتوں میں تیزی سے اضافہ کے ساتھ ساتھ ایندھن کی بڑھتی ہوئی قیمتوں کے باعث آٹو مینوفیکچررز کو الیکٹرک سکوٹرز کی طرف جانے پر مجبور کر دیا ہے۔ اسٹارٹ اپ فرم Evee الیکٹرک کی جانب سے الیکٹرک سکوٹر لانچ کرنے کے بعد، مقامی موٹرسائیکل بنانے والی کمپنی سپر ایشیا بھی اپنا الیکٹرک سکوٹر سامنے لایا لیکن تصاویر سامنے نہیں لائیں۔
اور اب مقامی موٹرسائیکل کمپنی نے الیکٹرک سکوٹر کی تصویر کی نقاب کشائی کی ہے جسے دیکھ کر سکوٹر کے ڈیزائن بارے کافی کچھ ظاہر ہو جاتا ہے۔
الیکٹرک سکوٹر کی تصویر کے مطابق یہ کافی ماڈرن ہے لیکن اس کا ڈیزائن پہلے سے موجود سکوٹرز سے کچھ زیادہ مختلف نہیں ہے۔ یعنی دیکھنے میں روایتی سکوٹر جیسا ہی ہے۔ مطلب، سپر ایشیا کے الیکٹرک ٹو وہیلر میں کوئی بڑی تبدیلی دیکھنے میں نہیں آئی۔ کمپنی اس سکوٹز کے دو رنگ پیش کرتی ہے جن میں سی گرین اور ایکوا بلیو شامل ہے۔
کمپنی کے اہلکار کے مطابق، الیکٹرک سکوٹر ٹیسٹنگ کے مرحلے میں ہے اور مزید ڈویلپمنٹ کے عمل سے گزر رہا ہے۔ کمپنی نے ای وی سکوٹر کی لانچنگ کی تاریخ ظاہر نہیں کی بلکہ کہا کہ اس بارے جلد آگاہ کیا جائے گا۔
Evee کا الیکٹرک سکوٹر لانچ کر دیا گیا
ایک پاکستانی سٹارٹ اپ فرم ایوی الیکٹرک نے مقامی پاکستانی مارکیٹ کے لیے پہلا پاکستان میں بنایا ہوا ای وی سکوٹر لانچ کر دیا ہے
یہ سکوٹر ایک مختصر وہیل بیس اور فلیٹ فلور بورڈ ڈیزائن کے ساتھ آتا ہے۔ اس کی سب سے نمایاں خصوصیت میں اس کی فیول ایوریج شامل ہے۔ کمپنی کا دعویٰ ہے کہ یہ موٹر سائیکل ایک بار چارج کرنے پر 60 کلومیٹر تک جا سکتی ہے۔ سکوٹر 60V 20Ah لیڈ ڈرائی ایسڈ بیٹری سے لیس ہے۔
موٹر سائیکل میں کئی خصوصیات ہیں اور یہ ایک ہی چارج پر 60 کلومیٹر کی رینج رکھتا ہے۔ دیگر خصوصیات میں شامل ہیں:
- رینج: 50-60 کلومیٹر
- اینٹی تھیفٹ الارم
- ریورس گیئر
- حب میگنیٹک کوائل
- 550 تک چارجنگ سائیکل
- زیادہ سے زیادہ رفتار: 55 کلومیٹر فی گھنٹہ
- 1200واٹ موٹر
- 150 کلوگرام وزن اٹھانے کی صلاحیت
- چارج کرنے کا وقت: 6 سے 7 گھنٹے
- 12 ٹیوب ویکٹر کنٹرولر
- ڈسک بریک
- کلر ڈسپلے میٹر
نئے سپر سٹار الیکٹرک سکوٹر کے بارے میں آپ کی کیا رائے ہے، اس کی قیمت کیا ہوگی؟ کمنٹس سیکشن میں اپنی رائے کا اظہار کریں۔
