پاکستان کی پہلی الیکٹرک بائیک JE-70D لانچ کرنے کے بعد جولٹا نے مزید چار نئی الیکٹرک بائکس، JE-70D اسپیشل ایڈیشن، JE-70L ، JE-125L ، JE اسپورٹس بائیک اور ایک الیکٹرک سکوٹی متعارف کروائی ہے۔ JE-70D، JE-70D SE اور JE-Scooty فروخت کے لیے دستیاب ہیں جبکہ دیگر چند ہفتوں میں سیل کیلئے پیش کی جائیں گی۔
جولٹا کی مقامی طور پر تیار کردہ الیکٹرک بائکس یہ ہیں۔
JE-Scooty
اس سکوٹی میں 1500 W موٹر پاور اور 20 AH ڈرائی بیٹری پاور دی گئی ہے۔ ای سکوٹی انرجی میٹر کے 1.8 یونٹس سے ایک رات میں چارج کی جا سکتی ہے۔ یہ 55 کلومیٹر فی گھنٹہ کی تیز رفتار کے ساتھ مکمل چارج پر 60 کلومیٹر کا فاصلہ طے کر سکتی ہے۔ اس کی قیمت 105000 روپے رکھی گئی ہے۔ یہ سکوٹی سٹاک میں موجود ہے۔
JE-70D (Special Edition)
JE-70D (Special Edition) میں 1000 W موٹر پاور اور 20 AH ڈرائی بیٹری پاور دی گئی ہے۔ یہ الیکٹرک موٹر سائیکل انرجی میٹر کے 1.5 یونٹس کے ساتھ ایک رات میں چارج کی جا سکتی ہے۔ یہ بائک سادہ سڑک پر 60 کلومیٹر فی گھنٹہ جبکہ چڑھائی والی سڑک پر 10 سے 20 کلومیٹر فی گھںٹہ کی تیز رفتار کے ساتھ مکمل چارج پر 80 کلومیٹر کا فاصلہ طے کر سکتی ہے۔ اس کی قیمت 86000 روپے رکھی گئی ہے جبکہ JE-70D کی قیمت 82500 روپے ہے۔ دونوں بائیکس 3 سے 4 ہفتوں کی ڈیلیوری کی مدت کے ساتھ فروخت کے لیے تیار ہیں۔
JE-70L
JE-70L میں 1500W موٹر پاور اور 30AH لیتھییم بیٹری پاور دی گئی ہے جسے انرجی میٹرکے 2 یونٹس کے ساتھ 2 سے 3 گھنٹوں میں چارج کیا جا سکتا ہے۔ یہ بائک سادہ سڑک پر 60 کلومیٹر فی گھنٹہ جبکہ چڑھائی والی سڑک پر 10 سے 20 کلومیٹر فی گھںٹہ کی تیز رفتار کے ساتھ مکمل چارج پر 80 کلومیٹر کا فاصلہ طے کر سکتی ہے۔
JE-125L
JE-125L میں 2000W موٹر پاور اور 40AH لیتھییم بیٹری پاور دی گئی ہے جسے انرجی میٹرکے 3 یونٹس کے ساتھ 2.5 گھنٹوں میں چارج کیا جا سکتا ہے۔ یہ بائک سادہ سڑک پر 72 کلومیٹر فی گھنٹہ جبکہ چڑھائی والی سڑک پر 20 سے 25 کلومیٹر فی گھںٹہ کی تیز رفتار کے ساتھ مکمل چارج پر 150 کلومیٹر کا فاصلہ طے کر سکتی ہے۔
JE Sports Bike
JE Sports Bike میں 2000W موٹر پاور اور 32Ah ڈرائی بیٹری پاور دی گئی ہے جسے انرجی میٹرکے 2.5 یونٹس کے ساتھ 2.5 گھنٹوں میں چارج کیا جا سکتا ہے۔ یہ بائک سادہ سڑک پر 60 کلومیٹر فی گھنٹہ جبکہ چڑھائی والی سڑک پر 10 سے 20 کلومیٹر فی گھںٹہ کی تیز رفتار کے ساتھ مکمل چارج پر 80 کلومیٹر کا فاصلہ طے کر سکتی ہے۔
