جاوید آفریدی نے دو ماہ قبل فروری میں اعلان کیا کہ پاکستانی کرکٹ ٹیم کے کپتان بابر اعظم کو پہل ی میڈ اِن پاکستان ایم جی ایچ ایس ایسنس تحفے میں دی جائے گی۔
ایم جی پاکستان کے پوسٹر بوائے نے اپنی ایک ٹویٹ میں بتایا کہ بابر اعظم کو ایم جی ایچ ایسنس تحفے کے طور پر دی جائے گی اور وہ مقامی سطح پر تیار کی جانے والی ایم جی ایسنس چلانے والے پہلے پاکستانی ہوں گے۔اب ایم جی پاکستان نے اپنا وعدہ پورا کر دیا ہے کیونکہ یہ کراس اوور ایس یو وی پاکستان کے نامور بلے باز کو دے دی گئی ہے۔
اس کے علاوہ جاوید آفریدی نے اپنی ٹویٹ میں وہ تصاویر بھی شئیر کیں جن میں بابر اعظم کو ایم جی آفیشلز کے ساتھ کھڑے سفید ایم جی ایچ ایسنس کا تحفہ وصول کرتے، سفید ٹی شرٹ پر دستخط کرتے اور اپنی نئی سواری چلاتے ہوئے دیکھا جا سکتا ہے۔
بابراعظم کی کار کلیکشن
بابر اعظم کو کاریں بہت پسند ہیں اسی لیے ان کے پاس مختلف مہنگی گاڑیاں موجود ہیں۔ ان کی پسندیدہ کار آڈی A5ہے اور وہ اسے پاکستان میں چلانا پسند کرتے ہیں۔ اس کے علاوہ بابر اعظم کے پاس BJ40پلس تھی جو انھوں نے پاکستان اور آسٹریلیا کے درمیان سیریز میں جیتی تھی۔ ان کے پاس ایک اور سیڈان ہیونڈائی سوناٹا بھی تھی، جس میں وہ پاکستان کرکٹ بورڈ (پی سی بی) کی ایک تقریب کے دوران نظر آئے تھے۔
پچھلے سال ان کے خاندان نے سری لنکا کے دورے کے بعد انہیں ایک آڈی ای ٹرون جی ٹی تحفہ میں دی تھی۔ بابراعظم کے بھائی نے کار خریدنے کا سارا عمل شیئر کیا اور ایک ویڈیو میں دکھایا کہ جب بابراعظم کو کار گفٹ کی گئی جسے آپ یہاں دیکھ سکتے ہیں۔ اب ایم جی ایچ ایس ایسنس کا یہ نیا اضافہ بابر اعظم کی کار کلیکشن میں ایک دلچسپ اضافہ ہوگا۔ واضح رہے کہ جاوید آفریدی پشاور زلمی کے مالک ہیں جس کی کپتانی بابر اعظم گزشتہ دو سیزن سے پی ایس ایل میں کر رہے ہیں اور بابر کی جانب سے گزشتہ پی ایس ایل میں شاندار سنچری کے بعد اس کار کا وعدہ کیا گیا تھا۔
بابر اعظم کو ایم جی ایچ ایس ایسنس کے اس تازہ ترین تحفے پر آپ کی کیا رائے ہے؟ کمنٹس سیکشن میں اپنے خیالات کا اظہار کریں۔
