کِیا سپورٹیج اور سٹونک کی قیمتوں میں اضافہ کردیا گیا

کِیا لکی موٹرز نے کِیا سپورٹیج اور سٹونک کی قیمتوں میں اضافہ کر دیا ہے۔ اگرچہ اس کی تصدیق نہیں ہوئی، ذرائع نے کمپنی کی طرف سے ان دونوں گاڑیوں کی بڑھائی گئی قیمتیں شیئر کی ہیں۔

کِیا سپورٹیج کی نئی قیمت

کِیا سپورٹیج  AWDکی نئی قیمت 5650000 روپے ہے جبکہ گاڑی کی پرانی قیمت 5270000 روپے ہے، یعنی گاڑی کی قیمت میں 380000 روپے اضافہ کیا گیا ہے۔

کِیا سپورٹیج FWD کی قیمت میں 368000 روپے اضافہ کیا ہے جس کے بعد گاڑی کی قیمت 4782000 روپے سے بڑھ کر 5150000 روپے ہوچکی ہے۔ اسی طرح کِیا سپورٹیج ایلفا کی قیمت 4294000 روپے سے بڑھا کر 4650000 روپے کر دی گئی، یعنی گاڑی کی قیمت میں 356000 روپے اضافہ کیا گیا ہے۔

کِیا پِکانٹو کی نئی قیمت

کِیا پکانٹو A/T کی قیمت میں 228000 روپے اضافہ کیا گیا ہے جس کے بعد گاڑی کی قیمت 1922000 روپے سے بڑھ کر 2150000 روپے ہو گئی ہے۔ اس کے علاوہ کِیا پِکانٹو M/T کی قیمت 1781000 روپے سے بڑھا کر 2050000 روپے کر دی گئی ہے، یعنی گاڑی کی قیمت میں 269000 روپے کا اضافہ کیا گیا ہے۔

گاڑیوں کی قیمتوں میں یہ اضافہ یقینی طور پر پہلے سے مہنگائی کے بوجھ میں دبی آٹو مارکیٹ کو مزید متاثر کرے گا۔ نتیجتاً، عام خریداروں کی قوت خرید بھی متاثر ہوگی اور اس سے سیل کم ہوسکتی ہے جس کے بارے میں آنے والا وقت ہی بتائے گا کیونکہ کمپنیاں پچھلے دو سالوں سے باقاعدہ طور پر قیمتوں میں اضافہ کر رہی ہیں۔

واضح رہے کہ اس سے قبل ٹویوٹا پاکستان کے سی ای او علی اصغر جمالی نے گاڑیوں کی قیمتوں میں اضافے کا اشارہ دیا تھا۔ ان کا کہنا تھا کہ خام مال، فریٹ کی قیمتوں میں اضافے اور روپے کی قدر میں کمی کے باعث قیمتوں میں اضافہ کیا جا رہا ہے۔

آپ اس بارے میں کیا سوچتے ہیں؟ نیچے دئیے گئے کمنٹ سیکشن میں اپنی رائے کا اظہار کریں