نئی آںے والی الیکٹرک کار Seres 3 مقامی کار مارکیٹ میں آج باضابطہ طور پر لانچ ہو چکی ہے۔ اس سے قبل ہم نے گاڑی کا فرسٹ لُک ریوئیو، فیچرز اور خصوصیات، گاڑی کی قیمت اور بکنگ کی تفصیلات شیئر کیں اور اب اس الیکٹرک کار کی خصوصی تصاویر شئیر کی گئی ہیں۔ ان تصاویر میں گاڑی کے ایکسٹیرئیر اور انٹیرئیر کو تفصیل سے دکھایا گیا ہے اور آپ ان تصاویر میں کار کی 3 کی شکل، اس میں دی گئی آپشنز اور سٹائل دیکھ سکتے ہیں۔ خیال رہے کہ کمپنی لاہور میں اس کار کر رونمائی کر چکی ہے جبکہ اس کار کی خصوصی تصاویر ذیل میں دی گئی ہیں۔
ایکسٹیرئیر
ان تصاویر میں دیکھا جا سکتا ہے کہ گاڑی میں ڈی آر ایلز کے ساتھ ایل ای ڈی ہیڈ لیمپس، الیکٹرانک، ہیٹیڈ اور آٹو ریٹریکٹ ایبل سائیڈ ویو مررز، 360 ویو کیمرہ، 18 انچ الائے وہیل دئیے گئے ہیں۔ شارک فن انٹینا، ہائی ماونٹڈ بریک لیمپ، رئیر پیچھے وائپر، بلیک ڈفیوزر اور کار کے لوگو کے ساتھ ان تصاویر میں رئیر ایل ای ڈی لائٹس بھی نظر آ رہی ہیں۔ سائیڈ پر، آپ دروازوں پر ایک واضح کریکٹر لائن دیکھ سکتے ہیں۔ ایل ای ڈی انڈیکیٹر کے ساتھ سائیڈ ویو مررز اور باڈی کلر ڈور ہینڈلز کار کی مجموعی شکل کو کافی دلکش بناتے ہیں۔
انٹیرئیر
یہ تصاویر اندرونی حصے کے مختلف آپشنز کو نمایاں کرتی ہیں جن میں لیدر انٹیریئر، ملٹی انفارمیشنل ڈسپلے، کلائمیٹ کنٹرول کے ساتھ آٹومیٹک اے سی، 25 انچ ٹچ سکرین آڈیو اور سمارٹ فون کنیکٹنگ سسٹم، ملٹی فنکشنل سٹیئرنگ کنٹرول وہیل، الیکٹرک 6 وے ایڈجسٹمنٹ ڈرائیور سیٹ، الیکٹرک 6 وے ایڈجسٹمنٹ فرنٹ پیسنجر سیٹ، 6 اسپیکر، کروز کنٹرول اور وائرلیس چارجر شامل ہیں۔ مزید برآں، آپ اس گاڑی کا الیکٹرک چارجر بھی دیکھ سکتے ہیں۔ ایکسٹیرئیر کی طرح، کار کا اندرونی حصہ بھی جدید، وضع دار اور سٹائلش ہے، جو کہ گاڑی کو کافی آرام دہ شکل بناتا ہے اور امید ہے کہ یہ گاڑی پاکستان میں DFKS کے لیے ایک کامیابی ہوگی۔
اس نئی لانچ ہونے والے Seres 3 EV کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
