ہر ماہ پاما (پاکستان آٹو موٹیو مینوفیکچررز ایسوسی ایشن) کی جانب سے شئیر کی جانے والی سیلز رپورٹ تمام ممبر کار کمپنیز کے سیلز سے متعلق اعداد و شمار سامنے لاتی ہے۔
پاما کی رپورٹ کے مطابق مارچ 24 میں ٹویوٹا فارچیونر اور ہائی لکس کی فروخت میں 117 فیصد کا اضافہ ہوا، جس میں مجموعی طور پر 343 یونٹس فروخت ہوئے۔ دریں اثنا، انڈس موٹر کمپنی کی فروخت میں گزشتہ ماہ 21 فیصد اضافہ ہوا۔ اس کے علاوہ ٹویوٹا پاکستان نے پچھلے مہینے میں 1948 کے مقابلے 2065 یونٹس فروخت کیے۔ کمپنی نے کرولا اور یارِس کے 1722 یونٹس اور فارچیونر اور ہائی لکس کے 343 یونٹس فروخت کیے۔
اسی طرح سالانہ سیلز کی بات کی جائے تو ٹویوٹا پاکستان کی فروخت میں 43 فیصد کمی واقع ہوئی۔ کمپنی نے پچھلے سال کی اسی مدت میں 1948 یونٹس فروخت کیے جبکہ پچھلے مہینے فروخت ہونے والی گاڑیوں کی تعداد 2065 تھی۔
اس سے پہلے ہم آپ کو بتا چکے ہیں کہ سوزوکی سوئفٹ نے مقامی مارکیٹ میں اپنے حریفوں کو پیچھے چھوڑ دیا ہے۔ پاکستان سوزوکی سیلز میں 46 فیصد کا زبردست اضافہ دیکھا گیا ہے۔ پاک سوزوکی نے مارچ 2024 میں 145 یونٹس کے مقابلے میں گزشتہ ماہ سوئفٹ کے 328 یونٹس فروخت کیے تھے۔ مزید یہ کہ کمپنی کا سیلز گراف پچھلے مہینے 4101 کاروں کے مقابلے میں گزشتہ ماہ 6000 گاڑیوں تک پہنچ گیا۔
پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق ماہ بہ ماہ (MoM) کاروں کی سیلز میں گزشتہ ماہ 12 فیصد اضافہ ہوا ہے، یعنی کہ مارچ 2024 میں 9381 گاڑیوں کے مقابلے میں اپریل 2024 میں 10515 گاڑیاں فروخت ہوئیں۔
تاہم سالانہ (YoY) سیلز کی بات کریں تو 135 فیصد کا حیران کن اضافہ ہوا ہے جس کی وجہ امریکی ڈالر کے مقابلے پاکستانی روپے میں استحکام ہے۔ کار مینوفیکچررز گزشتہ ماہ 10515 کاریں فروخت کرنے میں کامیاب ہوئے جبکہ پچھلے سال کی اسی مدت کے دوران یہ تعداد 4483 تھی۔
دیگر کمپنیز کی سیلز
ٹویوٹا پاکستان کی فروخت میں 21 فیصد اضافہ دیکھا گیا، کمپنی نے گزشتہ ماہ 1705 گاڑیوں کے مقابلے میں گزشتہ ماہ 2065 یونٹس فروخت کیے۔
دریں اثنا، ہنڈا اٹلس نے 54 فیصد کی نمایاں کمی دیکھی۔ کمپنی نے مارچ 2024 میں 2188 یونٹس کے مقابلے میں گزشتہ ماہ 1003 یونٹس فروخت کیے۔
اسی طرح پاک سوزوکی موٹرز کمپنی کی فروخت میں 46 فیصد کا نمایاں اضافہ ہوا۔ کمپنی نے گزشتہ ماہ 4101 کاروں کے مقابلے 6000 گاڑیاں فروخت کیں۔
ہیونڈائی نشاط کی سیلز میں 18 فیصد اضافہ ہوا، مارچ 24 میں 582 یونٹس کے مقابلے پچھلے مہینے 686 یونٹس فروخت ہوئے۔
خیال رہے کہ کِیا لکی موٹرز، ماسٹر چنگان موٹرز، ریگل موٹرز، ایم جی موٹرز اور الحاج پروٹون کے سیلز سے متعلقہ اعداد و شمار اس رپورٹ میں شامل نہیں ہیں کیونکہ وہ پاما کے ممبرز نہیں ہیں۔
