جب آپ اپنی کار کے لیے انجن آئل خرید رہے ہوں تو خریدنے سے پہلے انجن آئل کی گریڈنگ (grading) کے بارے میں جاننا ضروری ہے۔ انجن آئل دو قسم کا ہوتا ہے: سنگل گریڈ اور ملٹی گریڈ۔ آجکل سنگل گریڈ کے بجائے ملٹی گریڈ انجن آئلز استعمال کیے جا رہے ہیں۔ ملٹی گریڈ انجن آئل سنگل گریڈ آئل سے بہتر ہے کیونکہ درجہ حرارت کی تبدیلی کے ساتھ اس کا گاڑھا پن زیادہ متاثر نہیں ہوتا۔ درجہ حرارت کی تبدیلی کے معاملے میں سنگل گریڈ انجن آئل کا گاڑھا پن زیادہ حساس ہے۔
انجن آئل W ریٹنگ کے ساتھ آتا ہے کہ جس کے ساتھ ایک نمبر دیا جاتا ہے۔ W سے پہلے والا نمبر جتنا کم ہوگا وہ آئل سردیوں کے لیے اتنا بہتر ہے۔ یہ نمبر جتنا زیادہ ہوگا، وہ آئل گرمیوں کے لیے اتنا بہتر ہوگا۔
عموماً مارکیٹ میں چار قسم کے انجن آئلز دستیاب ہوتے ہیں۔ اس میں فُلی سنتھیٹک (fully-synthetic)، سیمی سنتھیٹک (semi-synthetic)، کنونشنل (conventional) اور ہائی پرفارمنس (high-performance) انجن آئل شامل ہیں۔ فُلی سنتھیٹک آئل میں گاڑھا پن بہت زیادہ ہوتا ہے اور اس کی آکسیڈیشن (oxidation) کا عمل بھی بہتر ہوتا ہے۔ یہ تیل میں sludge جمع ہونے سے بھی محفوظ رکھتا ہے۔ یہ یہ گاڑی کی فیول اکانمی کو بہتر بناتا ہے اور انجن کو زور نہیں لگانا پڑتا۔ سنتھیٹک بلینڈ (Synthetic blend) یا سیمی سنتھیٹک انجن آئل فُلی سنتھیٹک آئل کے مقابلے میں سستا ہوتا ہے۔ اس قسم کا تیل فلی سنتھیٹک آئل کی کچھ خصوصیات رکھتا ہے۔ اس کا گاڑھا پن درجہ حرارت کی تبدیلی کے معاملے میں زیادہ حساس نہیں ہوتا۔
کنونشنل یعنی روایتی انجن آئل ہلکے کاموں اور روایتی انجنوں کے لیے بنایا جاتا ہے۔ اس لیے یہ مندرجہ بالا قسم کے انجن آئلز سے سستا ہوتا ہے۔ زیادہ مسافت (mileage) والے انجن آئل ان گاڑیوں کے لیے بناتے جاتے ہیں جو 100 کلومیٹر سے زیادہ چلتی ہیں۔ یہ تیل کے رساؤ یا ٹپکنے کو بھی محفوظ رکھنے میں مدد دیتا ہے۔
انجن آئل بنانے کے لیے مختلف قسم کے بیس آئلز (base oils) کا استعمال کیا جاتا ہے۔ اس لیے آپ کی گاڑیوں کے لیے انجن بنانے کی خاطر کئی اضافی چیزیں اور مصنوعات اس میں استعمال کی جاتی ہیں۔ استعمال ہونے والا بیس آئل معدنیاتی (mineral) اور مصنوعی (synthetic) اجزاء رکھتا ہے۔ بیس آئل تقریباً 80 سے 90 فیصد پر مشتمل ہوتا ہے۔ باقی وہ اضافی اجزاء ہوتے ہیں جو انجن آئل کے گریڈ کو تبدیل کرتا ہے۔ بیس آئل انجن آئل کے گاڑھے پن کا بھی تعین کرتا ہے۔
ایسی ہی مزید معلوماتی تحاریر کے لیے پاک ویلز پر آتے رہیے۔ اس موضوع پر اپنی رائے ہمیں نیچے تبصروں میں دیجیے۔
