8 دسمبر 2018ء کو اسلام آباد ٹریفک پولیس (ITP) نے دارالحکومت کی سڑکوں پر ٹریفک مسائل کو حل کرنے کے لیے غلط پارک کی گئی گاڑیوں کے خلاف کریک ڈاؤن شروع کردیا ہے۔
اتھارٹی نے خلاف ورزی کرنے والوں کو جرمانے کیے اور دیگر اقدامات اٹھائے۔ انسپکٹر جنرل پولیس اسلام آباد کے احکامات کے مطابق ٹریفک حکام ان تمام گاڑیوں کے خلاف سخت کارروائی کر رہے ہیں جو غلط پارک کی گئی ہیں اور نو پارکنگ علاقوں میں پارک ہیں اور ٹریفک کے بہاؤ میں خلل ڈال رہی ہیں۔
SSP اسلام آباد ٹریفک پولیس فرخ رشید نے اس مہم پر تبصرہ کرتے ہوئے کہا کہ پہلے مرحلے میں جناح سپر، آبپارہ اور کوہسار مارکیٹ پر توجہ کی جا رہی ہے اور مسافروں کو راستے دینے کے لیے اسے پورے دارالحکومت تک پھیلایا جائے کا۔
غلط پارک کی گئی گاڑیوں کے علاوہ اتھارٹی غلط پارکنگ کی وجہ سے ہونے والے نقصانات کے حوالے سے عوام کو مختلف سیمینار کے ذریعے آگہی بھی دے رہی ہے۔ ٹریفک پولیس نے اچھے شہری ہونے کا ثبوت دینے اور کسی بھی قیمت پر غلط پارکنگ نہ کرنے میں شہریوں کی مدد پر بھی زور دیا۔
غلط پارک کی گئی گاڑیوں کے خلاف ITP کے کریک ڈاؤن کے علاوہ اینٹی-کار لفٹنگ سیل اسلام آباد نے موجودہ سال 115.6 ملین روپے کی 132 گاڑیاں اور 7.7 ملین روپے مالیت کی 136 موٹر سائیکلیں بھی برآمد کی ہیں۔ اس پورے عمل میں 200 سے زیادہ افراد کو بھی حراست میں لیا ہے۔
تازہ ترین خبروں کے لیے PakWheels.com پر آتے رہیے۔
