سوزوکی پاکستان نے نئی ویگن آر کو آئندہ ملنے والی اپڈیٹس کی تصدیق کردی ہے۔ سوزوکی نے ایک انٹرنل سرکولر میں لکھا ہے کہ سوزوکی ویگن آر VXL مندرجہ ذیل اپڈیٹس کے ساتھ آئے گی۔
- الائے ویلز
- گاڑی کے پچھلے دروازے پر کروم گارنش
اور یہ تبدیلیاں قیمت میں 50 ہزار روپے کے اضافے کے ساتھ آ رہی ہیں۔ سوزوکی ویگن آر VXL کی قیمت 11,14,000 سے بڑھا کر 11,64,000 پاکستانی روپے کر چکا ہے۔ سوزوکی نے ان تبدیلیوں کو ” Wagon R Minor Change ” کا نام دیا ہے۔ ہمارے ایک بلاگر فضل وہاب پہلے ہی اپنے بلاگز میں اس کا حوالہ دے چکے تھے۔ لیکن اب پاک سوزوکی کی دستاویزات سے ان کی باضابطہ تصدیق ہو چکی ہے۔
پاک سوزوکی نے جنوری میں اپنی اس مشہور ہیچ بیک کی ماہ فروری کے لیے مزید بکنگ بند کردی تھی۔ لیکن یکم مارچ سے بکنگ شروع کی جاچکی ہے۔ پاکستانی آٹو اسمبلر نے اپنی مقامی طور پر اسمبل شدہ تمام گاڑیوں، مہران سے لے کر بولان، راوی، سوئفٹ اور ویگن آر تک، کی قیمتوں میں اضافہ کیا ہے۔ ان میں سب سے کم اضافہ 20 ہزار جبکہ سب سے زیادہ ویگن آر کی قیمت میں 50 ہزار پاکستانی روپے کیا گیا ہے۔
نئے اپگریڈز اور نئی قیمتوں کے بارے میں اپنی رائے سے ہمیں بذریعہ تبصرہ ضرور آگاہ کریں۔ سوزوکی گاڑیوں کی تبدیل شدہ قیمتیں یہاں دیکھ سکتے ہیں۔
